நாட்டில் அரச நிறுவனங்கள் மற்றும் பாடசாலைகளில் ஏற்பட்டுள்ள ஆபத்து! வழங்கப்பட்டுள்ள அவசர அறிவுறுத்தல்

Sri Lanka Sri Lankan Peoples Dengue Prevalence in Sri Lanka

By Mayuri Jun 16, 2026 12:28 PM GMT

Mayuri

in சமூகம்

Report

நாட்டில் சில பாடசாலைகள், அரச மற்றும் தனியார் நிறுவனங்கள் மற்றும் பொது இடங்கள் டெங்கு நோய்க்கான அதிக ஆபத்துள்ள பகுதிகளாக உள்ளதை சுகாதார அதிகாரிகள் உறுதிப்படுத்தியுள்ளதாக பிரதமர் ஹரிணி அமரசூரிய தெரிவித்துள்ளார்.

எனவே, அனைவரின் கவனமும் இதன் மீது செலுத்தப்பட வேண்டும் என்றும், டெங்கு நுளம்புகளை முடிந்தவரை ஒழிப்பதற்கும், அந்த இடங்களை அதிக ஆபத்துள்ள சூழ்நிலைகளிலிருந்து விடுவிப்பதற்கும் முயற்சிகள் மேற்கொள்ளப்பட வேண்டும் என்றும் அவர் அறிவுறுத்தியுள்ளார்.

தேசிய டெங்கு கட்டுப்பாட்டு வாரத்தின் தொடக்க நிகழ்ச்சியில் இன்றைய தினம் (16.06.2026) கலந்து கொண்டு கருத்து தெரிவிக்கும் போதே அவர் இந்த விடயத்தை கூறியுள்ளார்.

டெங்குவின் அபாயம்

அவர் மேலும் தெரிவிக்கையில், இன்று நாம் தொடங்கவிருக்கும் இந்த பணி மிகவும் முக்கியமானது. நம் நாட்டில் டெங்குவின் அபாயம் அதிகரித்து வருகிறது என்பதை அனைவரும் அறிவார்கள். குறிப்பாக, கொழும்பு மாவட்டம் சுகாதாரத் துறையால் உயர் அபாய மண்டலமாக அறிவிக்கப்பட்டுள்ளது.

நாட்டில் அரச நிறுவனங்கள் மற்றும் பாடசாலைகளில் ஏற்பட்டுள்ள ஆபத்து! வழங்கப்பட்டுள்ள அவசர அறிவுறுத்தல் | Schools Gov Institutions High Risk Dengue Areas

சுகாதாரத்துறையால் சமர்ப்பிக்கப்பட்ட தரவுகளின்படி, நமது பகுதியில் உள்ள பாடசாலைகள், அரசாங்க நிறுவனங்கள், தனியார் நிறுவனங்கள் மற்றும் பிற பொது இடங்கள் உயர் அபாயப் பகுதிகளாக அடையாளம் காணப்பட்டுள்ளன.

அபாயம் அதிகமாக இருப்பதாக சுகாதார அதிகாரிகள் எங்களுக்குத் தெரிவித்துள்ளனர். இது ஒரு வார கால வேலை அல்ல. இந்தக் காலகட்டம் முழுவதும் நாம் செய்ய வேண்டிய ஒன்று இது என குறிப்பிட்டுள்ளார்.