லங்காசிறி FM
மேற்கத்திய நாடுகளை கடுமையாக எச்சரிக்கும் ரஷ்யா
உக்ரைனுக்கு மேற்கத்திய நாடுகள் ஆயுத உதவிகள் வழங்கி வருகின்ற நிலையில், ரஷ்யா கடும் ஆட்சேபம் தெரிவித்து வருகிறது.
இந்நிலையில், ரஷ்யாவின் தாக்குதலை சமாளிக்கும் வகையில், உக்ரைனுக்கு நீண்ட தூரம் சென்று தாக்கும் ஆயுதங்களை வழங்க மேற்கத்திய நாடுகள் ஆலோசித்து வருகின்றன.
உக்ரைனுக்கு கனரக ஆயுதங்களை அனுப்ப உள்ளதாக பிரித்தானியா அறிவித்துள்ளது. இதற்கு ரஷ்யா மேலும் தமது எதிர்ப்பை வெளியிட்டுள்ளது.
ரஷ்யாவை தாக்கும் திறன் கொண்ட ஆயுதங்கள்
ரஷ்யாவை தாக்கும் திறன் கொண்ட ஆயுதங்களை மேற்கத்திய நாடுகள் வழங்கினால், போர் தீவிரமடையும் என ரஷ்யா எச்சரித்துள்ளது.
'இது மிகவும் ஆபத்தானது. இது மோதலை ஒரு புதிய நிலைக்கு கொண்டு வருவதற்கு வழிவகுக்கும். உலகளாவிய மற்றும் ஐரோப்பிய பாதுகாப்பின் பார்வையில் இது நல்லதல்ல' என ரஷ்ய அதிபர் மாளிகை செய்தித் தொடர்பாளர் திமித்ரி பெஸ்கோவ் செய்தியாளர்களிடம் தெரிவித்துள்ளார்.
இதற்கிடையே உக்ரைனை இராணுவரீதியாக ஆதரிப்பது குறித்த புதிய சுற்றுப் பேச்சுவார்த்தை நடத்துவதற்காக அமெரிக்கா தனது நட்பு நாடுகளுக்கு அழைப்பு விடுத்துள்ளது.
அமெரிக்காவின் நகர்வு
ராம்ஸ்டீனில் உள்ள விமானத் தளத்தில் நாளை இந்த சந்திப்பு நடக்க உள்ளது. ரஷ்யாவையோ அல்லது 2014இல் உக்ரைனில் இருந்து இணைக்கப்பட்ட கிரிமியா தீபகற்பத்தையோ குறிவைத்து மேற்கத்திய நாடுகளின் ஆயுதங்களைப் பயன்படுத்தினால், ரஷ்யா பதிலடி கொடுக்கும் என்று அமெரிக்காவிற்கான ரஷ்ய தூதர் அனடோலி அன்டோனோவ் கூறியது குறிப்பிடத்தக்கது.
உக்ரைன் மீது ரஷ்யா தமது இராணுவ நடவடிக்கையை தொடங்கி ஓராண்டை நெருங்குகிறது. இந்த போரில் இரு தரப்பிலும் ஏராளமான வீரர்கள் பலியாகி உள்ளனர்.
உக்ரைனின் உள்கட்டமைப்புகள் சிதைக்கப்பட்டுள்ளன. இருப்பினும் ரஷ்யாவிற்கு அடிபணியாமல் உக்ரைன் தொடர்ந்து பதிலடி கொடுத்து வருகிறது.
2025..! தமிழ் மக்களின் ஆண்டுப் பலன் 2 மணி நேரம் முன்
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
நெடுந்தீவு, யாழ்ப்பாணம், மாத்தளை, மட்டக்களப்பு, கல்முனை, கிளிநொச்சி, கொழும்பு
05 Jan, 2025
புங்குடுதீவு, Le Blanc-Mesnil, France
09 Dec, 2022
Klang, Malaysia, யாழ்ப்பாணம், கலிஃபோர்னியா, United States
08 Jan, 2022
