தைத்திருநாளை முன்னிட்டு தமிழர் பகுதியில் மாபெரும் படகோட்ட போட்டி

Thai Pongal Sri Lanka Senthil Thondaman

By Harrish Jan 07, 2024 10:49 AM GMT

Harrish

in சமூகம்

Report

திருகோணமலை - கிண்ணியா பிரதேசத்தில் தைத்திருநாளை முன்னிட்டு மாபெரும் படகோட்ட போட்டியொன்று முன்னெடுக்கப்பட்டிருந்தது.

கிழக்கு மாகாண ஆளுனர் செயலகம் ஏற்பாடு செய்த குறித்த படகோட்ட போட்டியானது நேற்று(06.01.2024) கிண்ணியா பாலத்தருகே இடம்பெற்றுள்ளது.

கிண்ணியா, துறையடி கடற் பகுதியில் இருந்து கிண்ணியா, பூங்கா வரை கடல் வழியாக இப் படகோட்டப் போட்டி நடைபெற்றுள்ளது.

படகோட்ட போட்டி

இதன்போது 55 படகுகளுடன் 110 போட்டியாளர்கள் பங்கேற்றிய இப் படகோட்ட போட்டியில் ஐயாயிரத்துக்கும் மேற்பட்ட பார்வையாயர்கள் திரண்டு இருந்தாக கூறப்படுகின்றது.

தைத்திருநாளை முன்னிட்டு தமிழர் பகுதியில் மாபெரும் படகோட்ட போட்டி | Rowing Competition Kinnia Senthil Thondaman

இதேவேளை இந்நிகழ்வில் பிரதம அதிதியாக இலங்கைக்கான இந்திய உதவி உயர்ஸ்தானிகர் டாக்டர் வெங்கடேஸ்வரன் பங்கேற்றதுடன்,படகோட்ட போட்டியை ஆளுநர் செந்தில் தொண்டமான் மற்றும் டாக்டர் வெங்கடேஸ்வரன் ஆகியோர் போட்டியை ஆரம்பித்து வைத்துள்ளனர்.

மேலும் இப்போட்டியில் வெற்றிபெற்ற வெற்றியாளர்களுக்கு முதல் பரிசாக 100,000 ரூபாயும், இரண்டாம் பரிசாக 50,000 ரூபாவும், மூன்றாம் பரிசாக 25,000 ரூபாயும் வழங்கி வைக்கப்பட்டுள்ளமை குறிப்பிடத்தக்கது.