லங்காசிறி FM
இலங்கையில் எகிறும் தனிமனித செலவுத்தொகை..! வெளியானது புள்ளிவிபரங்கள்
இலங்கையில் நபரொருவர் தனது அடிப்படைத் தேவைகளைப் பூர்த்தி செய்வதற்கு மாதமொன்றுக்கு குறைந்தபட்சம் 17,117 ரூபா தேவைப்படுவதாக தொகைமதிப்பு மற்றும் புள்ளிவிபரத் திணைக்களம் தெரிவித்துள்ளது.
தொகைமதிப்பு மற்றும் புள்ளிவிபரத் திணைக்களம் வெளியிட்டுள்ள 2026 ஏப்ரல் மாதத்திற்கான உத்தியோகபூர்வ வறுமைக் கோட்டு (Official Poverty Line) புள்ளிவிபர அட்டவணையில் மேற்குறித்த தகவல் உள்ளடக்கப்பட்டுள்ளது.
சாதாரண நபர் ஒருவருக்கான செலவு
இந்த தரவுகளின்படி, மாதாந்த அடிப்படைத் தேவைகளைப் பூர்த்தி செய்வதற்கான அதிகூடிய செலவு கொழும்பு மாவட்டத்தில் பதிவாகியுள்ளது. அங்கு நபரொருவருக்கு மாதமொன்றுக்கு 18,461 ரூபா தேவைப்படுகிறது.
இதேவேளை, இதற்கான ஆகக்குறைந்த செலவு மொனராகலை மாவட்டத்தில் பதிவாகியுள்ளதுடன், அங்கு நபரொருவருக்கு மாதமொன்றுக்கு 16,367 ரூபா தேவைப்படுவதாகக் குறிப்பிடப்பட்டுள்ளது.
வறுமைக் கோடு என்பது ஒரு நபர் தனது அடிப்படை உணவு மற்றும் உணவு சாராத் தேவைகளைப் பூர்த்தி செய்வதற்குத் தேவையான குறைந்தபட்சச் செலவைக் குறிப்பதுடன், பணவீக்கம் மற்றும் வாழ்க்கைச் செலவு மாற்றங்களைப் பிரதிபலிக்கும் வகையில் இது மாதாந்தம் திருத்தியமைக்கப்பட்டு வருகிறது.
தொகைமதிப்பு மற்றும் புள்ளிவிபரத் திணைக்களத்தின் தகவல்படி, இந்த உத்தியோகபூர்வ வறுமைக் கோடானது 2012/13 ஆம் ஆண்டுக்கான வீட்டு வருமானம் மற்றும் செலவினக் கணக்கெடுப்பின் (Household Income and Expenditure Survey) அடிப்படையில் இற்றைப்படுத்தப்பட்டுள்ளது.
மேலும், தேசிய நுகர்வோர் விலைச்சுட்டெண்ணை (NCPI)) பயன்படுத்தி, மாவட்ட ரீதியிலான விலை வேறுபாடுகளுக்கு ஏற்ப மாவட்ட உத்தியோகபூர்வ வறுமைக் கோடுகள் மறுமதிப்பீடு செய்யப்பட்டுள்ளதாக அத்திணைக்களம் மேலும் தெரிவித்துள்ளது.
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015