லங்காசிறி FM
கோவிட் தொற்று தொடர்பில் ஐக்கிய தேசியக்கட்சி அரசாங்கத்திடம் விடுத்துள்ள கோரிக்கை
கோவிட் தொற்று நோயை கட்டுப்படுத்த எதிக்கட்சிகளின் ஒத்துழைப்புடன் சிறப்பு சட்டம் ஒன்றை அரசாங்கம் கொண்டு வரவேண்டும் என்று முன்னாள் பிரதமர் ரணில் விக்கிரமசிங்க அழைப்பு விடுத்துள்ளார்.
இது தொடர்பில் அவர் ஒரு சிறப்பு அறிக்கையை இன்று வெளியிட்டுள்ளார்.
நாடாளுமன்றத்தை பிரதிநிதித்துவப்படுத்தும் எதிர்க்கட்சி அரசியல் கட்சிகள் சட்டத்திற்கான திட்டங்களைத் தயாரித்து சமர்ப்பிப்பதன் மூலம் ஒத்துழைக்க இந்த விடயத்தில் அரசாங்கத்துடன் ஒத்துழைக்க வேண்டும் என்று அவர் தமது அறிக்கையில் கோரியுள்ளார்.
ஜனாதிபதி தலைமையிலான அமைச்சரவை, தொற்றுநோயைக் கட்டுப்படுத்த பொதுவான கொள்கைகளைக் கொண்ட ஒரு வரைவைத் தயாரிக்க வேண்டும். அரசாங்கம் அமைச்சரவை தலைமையிலான இந்த வரைவை அரசாங்கத்தை சாரா கட்சித் தலைவர்களுடனும், நாடாளுமன்றத்தில் எதிர்க்கட்சிகளுடனும் கலந்துரையாடி அவர்களின் கருத்துக்களைப் பெற வேண்டும்.
எதிர்க்கட்சிகள் முன்மொழிவுகளை சமர்ப்பிக்க வேண்டும். மருத்துவ நிபுணர்கள் மற்றும் வணிக சமூகத்தில் உள்ளவர்களுடன் இது பற்றி விவாதிப்பது முக்கியம் என்று தாம் கருதுவதாக ரணில் குறிப்பிட்டுள்ளார்.
ஒரு மாதத்திற்குள் அனைவரும் ஒப்புக் கொள்ளும் வரைவை சமர்ப்பிக்க முடியும். தொற்றுநோயைக் கட்டுப்படுத்தும் சட்டத்தை நாடாளுமன்றத்தில் அங்கீகரிக்க முடியும் என்றும் அவர் தெரிவித்துள்ளார்.
தொற்றுநோயைக் கட்டுப்படுத்தவும், நாட்டையும் பொருளாதாரத்தையும் நிலை நிறுத்துவதற்கும் ஒரு வரைவுச் சட்டத்தைத் தயாரிக்குமாறு தாம் அமைச்சரவையை கேட்டுக்கொள்வதாக அவர் தெரிவித்துள்ளார்.
இதன்போதே தாய் இலங்கையைப் பாதுகாக்கும் உன்னத இலக்கு நிறைவேறும் என்று அவர் சுட்டிக்காட்டியுள்ளார். தேவையான எண்ணிக்கையிலான தடுப்பூசிகளை நாடு இதுவரை பெறவில்லை.
சுகாதார அமைச்சர் அறிவித்தவுடன், கடந்த நவம்பரில் தடுப்பூசி பெறுவதற்கான ஒப்பந்தத்தில் அவர் கையெழுத்திட்டிருக்க வேண்டும். ஃபைசர் தடுப்பூசி நிறுவனம் தனது திட்டங்களை சமர்ப்பித்தது. இருப்பினும் அது மேற்கொள்ளப்படவில்லை.
துரதிஷ்டவசமாக, ஏழு மாதங்கள் கழித்து அரசாங்கம் தடுப்பூசி திட்டத்தில் தீவிரமாக கவனம் செலுத்தியது. இது ஒரு குற்றமாகும். இலங்கை அங்கீகரிக்கப்பட்ட பிரதிநிதி மூலம் தடுப்பூசிகளை கொள்வனவு செய்ய வேண்டும்.
சில குழுக்கள் தடுப்பூசி விற்பனையிலிருந்து கூடுதல் பணம் சம்பாதிக்க காத்திருக்கின்றன. தடுப்பூசி திட்டத்தின் மூலம் இடைத்தரகர்கள் பணம் சம்பாதிப்பதற்கான வாய்ப்பை வழங்க வேண்டாம் என்று ரணில் விக்கிரமசிங்க அரசாங்கத்தை வலியுறுத்தியுள்ளார். உலக சுகாதார நிறுவனம் 12 வயதுக்கு மேற்பட்ட சிறுவர்களுக்கு தடுப்பூசி போட ஒப்புதல் அளித்துள்ளது.
இலங்கையிலும் 12 வயதுக்கு மேற்பட்ட சிறுவர்களுக்கு தடுப்பூசி போட்டால், இலங்கைக்கு தேவையான தடுப்பூசிகளின் எண்ணிக்கை 30 மில்லியனிலிருந்து 35 மில்லியனாக அதிகரிக்கும்.
இந்தநிலையில் இலங்கையில்
அனைவருக்கும் தடுப்பூசிகளை செலுத்தி முடிக்க அடுத்த ஆண்டு இறுதி வரையான காலம்
செல்லும் என்று ரணில் விக்கிரமசிங்க தமது அறிக்கையில் தெரிவித்துள்ளார்.
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
குரும்பசிட்டி, Frankfurt Am Main, Germany, Paris, France, London, United Kingdom
20 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
யாழ் மாதகல் வடக்கு, Jaffna, கொக்குவில் மேற்கு, Scarborough, Canada
22 Jun, 2025
ஏழாலை, அளவெட்டி, Toronto, Canada, London, United Kingdom
04 Jul, 2024
உடுப்பிட்டி, London, United Kingdom, Doncaster, United Kingdom
28 Jun, 2022
