லங்காசிறி FM
மலையக மக்களின் காணி உரிமையை வலியுறுத்தி ஹட்டனில் போராட்டம்!
மலையக மக்களுக்கு முறையான காணி உரிமையை உடனடியாக வழங்குமாறு வலியுறுத்தி ஹட்டனில் கவனயீர்ப்புப் போராட்டமொன்று முன்னெடுக்கப்பட்டது.
ஜனநாயகத்திற்கான மலையக அமைப்புகளின் ஏற்பாட்டில் ஹட்டன் மணிக்கூட்டு கோபுரத்திற்கு அருகில் இன்று (15.11.2026) காலை இந்த போராட்டம் முன்னெடுக்கப்பட்டது.
இந்தப் போராட்டத்தில் மலையக மக்களுக்கு இதுவரை முறையான காணி உரிமை வழங்கப்படாமையினால் அவர்கள் பல்வேறு சமூக மற்றும் பொருளாதார நெருக்கடிகளை எதிர்கொண்டு வருவதாக போராட்டத்தில் ஈடுபட்டவர்கள் சுட்டிக்காட்டினர்.
காணிப் பிரச்சினை
மலையக மக்கள் இன்றும் சொந்த முகவரியற்றவர்களாகவும், காணியற்றவர்களாகவும் சொந்த வீடுகளற்றவர்களாகவும் வாழ்ந்து வருவதால் ஏனைய சமூகத்தினருக்குக் கிடைக்கும் பல்வேறு உரிமைகளையும் சலுகைகளையும் பெற்றுக்கொள்வதில் சிரமங்களை எதிர்கொள்வதாக ஜனநாயகத்திற்கான மலையக அமைப்புகளின் இணைப்பாளர் பேராசிரியர் விஜயசந்திரன் தெரிவித்தார்.
ஜனாதிபதி அநுரகுமார திஸாநாயக்க தலைமையிலான தற்போதைய அரசாங்கம் மலையக மக்களுக்கு காணி உரிமையை வழங்குவதாக உறுதியளித்தே ஆட்சிக்கு வந்ததாகவும் ஆனால் இதுவரை அந்த வாக்குறுதி நடைமுறைப்படுத்தப்படவில்லை என்றும் போராட்டத்தில் கலந்துகொண்ட கணேசலிங்கம் தெரிவித்தார்.
மேலும், மலையகப் பகுதிகளில் சுமார் 41 ஆயிரம் ஹெக்டயார் பயிரிடப்படாத தரிசு நிலங்கள் காணப்படுவதாகவும்இ அவற்றை மக்களுக்கு பகிர்ந்தளிப்பதன் மூலம் நீண்டகாலமாக நிலவி வரும் காணிப் பிரச்சினைக்குத் தீர்வு காண முடியும் என்றும் அவர் குறிப்பிட்டார்.
அரசாங்கம் நடவடிக்கை
மக்களுக்குக் காணிகளை வழங்குவதற்குப் பதிலாக தனியார் துறையினருக்கு காணிகளை வழங்குவதற்கான முயற்சிகள் முன்னெடுக்கப்படுவதாகவும் போராட்டக்காரர்கள் குற்றஞ்சாட்டினர்.
எனவே மலையக மக்களுக்கு உடனடியாக காணி உரிமையை உறுதிப்படுத்த அரசாங்கம் நடவடிக்கை எடுக்க வேண்டும் என்றும் அவ்வாறு தவறினால் தொடர்ச்சியான போராட்டங்களை முன்னெடுக்கப் போவதாகவும் அவர்கள் எச்சரிக்கை விடுத்தனர்.
மேலும், மலையக மக்களின் காணிப் பிரச்சினைக்குத் தீர்வு வழங்கப்படாவிட்டால் எதிர்வரும் ஜனாதிபதித் தேர்தலில் ஜனாதிபதி அநுரகுமார திஸாநாயக்கவுக்கு ஆதரவு வழங்கப்போவதில்லை என்றும் போராட்டத்தில் ஈடுபட்டவர்கள் தெரிவித்தனர்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
