லங்காசிறி FM
குத்தும் பையாக பயன்படுத்தப்பட்ட பிரித்தானியர் - ரஷ்ய படையினரின் கொடூரம்
Murali
in ஐக்கிய இராச்சியம்
ரஷ்ய ஆதரவு பெற்ற பிரிவினைவாதிகளால் தடுத்து வைக்கப்பட்டிருந்த விடுவிக்கப்பட்ட பிரித்தானிய போர்க் கைதி, தான் பல நாட்களாக சித்திரவதை செய்யப்பட்டதாக கூறியுள்ளார். சர்வதேச ஊடகம் ஒன்றிடம் பேசிய அவர் இதனை குறிப்பிட்டுள்ளார்.
ஜோன் ஹார்டிங், கிழக்கு உக்ரைனில் சுயாதீன பகுதியாக அறிவிக்கப்பட்ட டொனெட்ஸ்க் மக்கள் குடியரசில் காவலர்களால் குத்தும் பையாக பயன்படுத்தப்பட்டதாகக் கூறினார்.
மேலும், விசாரணைக்காக வழக்குரைஞர் அலுவலகத்திற்கு அழைத்துச் செல்லப்படுவதற்கு இடையில் சுமார் 4 அடிக்கு 6 அடி தூரத்தில் ஒரு சிறிய அறையில் ஒன்பது நாட்கள் வைக்கப்பட்டதாகவும் அவர் குறிப்பிட்டுள்ளார்.
வேடிக்கைக்காக அடித்தனர்
சமீபத்தில் முன்னெடுக்கப்பட்ட ரஷ்யாவுடனான கைதிகள் மாற்றத்தில் விடுவிக்கப்பட்ட ஐந்து பிரிட்டன்களில் ஜோன் ஹார்டிங்கும் ஒருவர். உக்ரேனியர்கள் மற்றும் சவூதி அரேபியாவின் உதவியுடன் விடுதலை செய்யப்பட்ட அவர் தற்போது மீண்டும் இங்கிலாந்துக்கு திரும்பியுள்ளார்.
ஹார்டிங் உக்ரைனில் இருந்து தனது வீரர்களுக்கு முதலுதவி பெட்டிகளை எவ்வாறு பயன்படுத்துவது என்று கற்றுக்கொடுத்தார். பிப்ரவரி படையெடுப்பில் ரஷ்யர்கள் எல்லையைத் தாண்டியபோது, அவர்கள் அவரது தளத்திற்கு அருகில் இருந்ததாக குறிப்பிட்டுள்ளார்.
இது குறித்து தொடர்ந்தும் கருத்து வெளியிட்ட அவர், வேடிக்கைக்காக ஐந்து முதல் ஆறு முறை அடிக்கப்பட்டதாக அவர் கூறினார். ஒவ்வொரு முறையும் நாங்கள் வழக்கறிஞரின் அலுவலகத்திற்குச் செல்லும்போது நாங்கள் அடிக்கப்பட்டோம்.
நான் கத்துவது அவர்களை எரிச்சலூட்டியது
சுமார் 30 நிமிடங்கள் நீடித்த மிக மோசமான தாக்குதலில், கைகளை பின்னால் வைத்து கட்டப்பட்டு தரையில் தள்ளப்பட்டதாக அவர் கூறினார். குறைந்தது நான்கு காவலர்களாவது அவரை மார்பு, விலா எலும்புகள், சிறுநீரகங்கள் மற்றும் முகத்தில் உதைத்ததாக கூறினார்.
ஒருவர் என் இடுப்பில் நின்று மேலும் கீழும் குதித்தாக அவர் தெரிவித்துள்ளார்.
"நான் காவலர்களை மிகவும் தொந்தரவு செய்தேன் என்று நினைக்கிறேன், ஏனென்றால் நான் அடிக்கப்படும்போது நான் கத்துவதில்லை, அது அவர்களை எரிச்சலூட்டியது என்று நினைக்கிறேன்.
மிகக் குறைவான உணவும் தண்ணீரும் வழங்கப்பட்டதாகவும், அங்கு அவர் இருந்த காலத்தில் எந்த உடற்பயிற்சியையும் அனுமதிக்கவில்லை என்றும் அவர் கூறினார்.
ஒன்பது நாட்கள் காவலில் இருந்த பிறகு, அவர் ஒரு சிவிலியன் சிறைக்கு மாற்றப்பட்டார், அங்கு அவர் விடுவிக்கப்படும் வரை பல மாதங்கள் வைக்கப்பட்டதாக அவர் மேலும் கூறியுள்ளார்.
கடும் கட்டுப்பாடுகளை மீறி... கப்பல் கப்பலாக: வடகொரியாவின் கோரிக்கையை நிறைவேற்றிய ரஷ்யா News Lankasri
மூன்றாம் உலகப்போர் அதிகாரப்பூர்வமாக துவங்கிவிட்டது: திகில் கிளப்பும் உக்ரைன் முன்னாள் தளபதி News Lankasri
விஜயா சொன்ன விஷயத்தால் கடும் ஷாக்கில் ரோஹினி, இந்த முறை தப்பிப்பாரா?... சிறகடிக்க ஆசை புரொமோ Cineulagam
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
