ஜனாதிபதியின் செயலாளர் பதவி விலக வேண்டுமென கோரிக்கை

Anura Kumara Dissanayaka NPP Government

By Kamal Aug 05, 2025 01:24 AM GMT

Kamal

in அரசியல்

Report

ஜனாதிபதியின் செயலாளர் நந்திக்க சனத் குமநாயக்க பதவி விலக வேண்டுமென கோரிக்கை விடுக்கப்பட்டுள்ளது.

முன்னாள் பிரதமர் ரட்னசிறி விக்ரமநாயக்கவின் புதல்வி துஷ் விக்ரமநாயக்க இந்த கோரிக்கையை விடுத்துள்ளார்.

ஜனாதிபதியின் செயலாளர் குமநாயக்கவின் அதிகாரபூர்வ வாகனத்தில் அவரது மனைவி பயணம் செய்த போது வாகன விபத்து ஏற்பட்டுள்ளது.

ஜனாதிபதியின் செயலாளர் பதவி விலக வேண்டுமென கோரிக்கை | Prez Sec Must Resign Syays Uvindu

இந்த விபத்தில் இரண்டு சிறுவர்கள் உள்ளிட்ட நான்கு பேர் காயமடைந்து வைத்தியசாலையில் அனுமதிக்கப்பட்டுள்ளனர்.

ஒரே குடும்பத்தைச் சேர்ந்த நான்கு பேர் இந்த சம்பவத்தில் காயமடைந்திருந்தனர்.

சம்பவம் இடம்பெற்ற போது ஜனாதிபதியின் செயலாளரது மனைவியே வாகனத்தில் இருந்தார் எனவும், செயலாளரது சாரதியே வாகனத்தை செலுத்தியுள்ளார் எனவும் தெரிவிக்கப்படுகின்றது.

அதிகாரபூர்வ வாகனத்தை சொந்த தேவைக்காக பயன்படுத்தியமையின் காரணமாக ஜனாதிபதியின் செயலாளர் பதவி விலக வேண்டுமென கோரப்பட்டுள்ளது.

இதேவேளை லண்டனில் வசித்து வரும் ஊடகவியலாளர் உவிந்து குருகுலசூரியவும் இந்த சம்பவம் தொடர்பில் கருத்து வெளியிட்டுள்ளார்.

மாண்பு மிக்க நாடொன்றில் இவ்வாறான சம்பவம் இடம்பெற்றிருந்தால் ஜனாதிபதியின் செயலாளர் பதவி விலகியிருப்பார் என அவர் குறிப்பிட்டுள்ளார்.

இந்த சம்பவம் தொடர்பில் சாரதி கைது செய்யப்பட்டு பின்னர் பிணையில் செல்ல அனுமதிக்கப்பட்டார். இந்த விபத்து தொடர்பில் தலங்கம காவல்துறையினர் விசாரணைகளை முன்னெடுத்து வருகின்றனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை