ஜனாதிபதிக்காக உருவாகும் இளம் அரசியல் கூட்டணி
ஜனாதிபதித் தேர்தலில் ஜனாதிபதி ரணில் விக்ரமசிங்கவை ஆதரிக்கும் ஸ்ரீலங்கா பொதுஜன பெரமுன உள்ளிட்ட அரசியல் கட்சிகளின் உறுப்பினர்கள் குழு, இளைஞர் தலைமையுடன் தனிக் கூட்டணி அமைக்க நடவடிக்கை எடுக்கப்பட்டுள்ளது.
இந்த புதிய கூட்டணி தேர்தலில் தனித்து போட்டியிட உள்ளது. இந்த புதிய கூட்டணியை தேர்தல் ஆணையத்தில் பதிவு செய்து அங்கீகரிக்கப்பட்ட அரசியல் கட்சியாக நிறுவ ஏற்பாடுகள் செய்யப்பட்டுள்ளது.
அத்துடன், எதிர்வரும் நாடாளுமன்ற தேர்தலில் மக்களை கவரும் அடையாளத்துடன் போட்டியிடவும் திட்டமிடப்பட்டுள்ளது.
அரசியல் கட்சி
ஸ்ரீலங்கா பொதுஜன பெரமுன உள்ளிட்ட அரசியல் கட்சிகளின் நாடாளுமன்ற உறுப்பினர்கள் சமகால ஜனாதிபதியிடம், இந்த புதிய கூட்டணியின் தலைமைத்துவத்தை பொறுப்பேற்குமாறு அறிவித்திருந்தது.
இருந்த போதிலும், அந்த யோசனையை நிராகரித்த ஜனாதிபதி, இளம் அரசியல்வாதிகளுக்கு வாய்ப்பளித்து நாட்டை முன்னோக்கி கொண்டு செல்ல வேண்டும் என தெரிவித்துள்ளார்.
எனவே கூட்டணியின் தலைமைத்துவத்திற்கு ஒரு இளம் அரசியல்வாதியை நியமிக்க வேண்டும் என குறிப்பிட்டுள்ளார்.
இதன் காரணமாக ஸ்ரீலங்கா பொதுஜன பெரமுனவின் செயற்பாட்டு உறுப்பினர் ஒருவர் கூட்டணியின் தலைவராக நியமிக்கப்படவுள்ளதாக தெரிவிக்கப்படுகின்றது.
புதிய கூட்டணி
புதிய கூட்டணியின் ஆதரவாளர்களாக ஜனாதிபதியும் பிரதமரும் செயற்படுவார்கள். புதிய கூட்டணியின் அனைத்து பதவிகளும் இளம் நாடாளுமன்ற உறுப்பினர்களுக்கும் ஜனாதிபதியின் வெற்றியை ஆதரிக்கும் ஸ்ரீலங்கா பொதுஜன பெரமுன, பொதுஜன ஐக்கிய பெரமுன, ஐக்கிய தேசியக் கட்சி உள்ளிட்ட பல்வேறு கட்சிகளின் செயற்பாட்டாளர்களுக்கும் வழங்க திட்டமிடப்பட்டுள்ளதாகவும் தெரியவந்துள்ளது.
இந்த புதிய கூட்டணி ஜனாதிபதி தேர்தலுக்கு முன்னதாக வெளிவரும் என அரசியல் வட்டாரங்கள் தெரிவிக்கின்றன.
ஸ்ரீலங்கா பொதுஜன பெரமுனவின் நூற்றுக்கும் மேற்பட்ட பலம் வாய்ந்த நாடாளுமன்ற உறுப்பினர்களும், பிரதமர் மக்கள் ஐக்கிய முன்னணி உட்பட பல அரசியல் கட்சிகளின் நாடாளுமன்ற உறுப்பினர்களும் ஜனாதிபதி ரணில் விக்ரமசிங்கவின் வெற்றிக்கு இம்முறை ஜனாதிபதித் தேர்தலில் ஆதரவளித்து வருகின்றனர்.
நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |

40 வயது நடிகருக்கு ஜோடியாகும் நாக சைதன்யாவின் மனைவி சோபிதா.. திருமணத்திற்கு பின் கிடைத்த தமிழ் படம் Cineulagam

மனோஜ் கிட்ட கொஞ்சம் மனசு விட்டு பேசிருக்கலாமோனு உறுத்துது: சித்தப்பா Jayaraj Emotional Interview Cineulagam

கொடூர வில்லனாக மாறிய குணசேகரன், தனது அம்மாவையே இப்படி செய்வாரா?... எதிர்நீச்சல் பரபரப்பு புரொமோ Cineulagam

ட்ரம்புக்கு பதிலடி... 8,000 அமெரிக்க தயாரிப்புகள் மீது வரி விதிக்க பிரித்தானியா முடிவு News Lankasri

விரைவில் ஒளிபரப்பாக போகும் நடிகை குஷ்பு நடிக்கும் புதிய சீரியல்... எந்த டிவி, நேரம் முழு விவரம் Cineulagam
