லங்காசிறி FM
கதிர்காம யாத்திரையில் 21 வயதுக்கு மேற்பட்ட ஆண்கள் - 45 வயதுக்கு மேற்பட்ட பெண்கள் விதிக்கப்பட்டுள்ள கட்டுப்பாடுகள்
யாழ்ப்பாணம் (Jaffna) தொண்டமானாறு செல்வச் சந்நிதி ஆலயத்திலிருந்து கதிர்காமம் (Kataragama) நோக்கிய இலங்கையின் மிக நீண்ட பாத யாத்திரை இன்னும் இரு தினங்களில் ஆரம்பமாகவுள்ளது.
வரலாற்று பிரசித்தி பெற்ற கதிர்காமம் முருகன் ஆலய ஆடிவேல் விழாவினை முன்னிட்டு எதிர்வரும் சனிக்கிழமை (11.05.2024) ஜெயாவேல்சாமி தலைமையில் இந்த பாத யாத்திரை தொடங்கப்படவுள்ளது.
இதற்கான சகல ஏற்பாடுகளும் ஒழுங்கமைக்கப்பட்டு பூர்த்தி அடைந்துள்ளதாக பாத யாத்திரைக் குழுவின் தலைவர் ஜெயாவேல்சாமி தெரிவித்துள்ளார்.
சமய ஆசார முறைகள்
வடக்கு கிழக்கு ஊவா ஆகிய 3 மாகாணங்களையும், யாழ்ப்பாணம், கிளிநொச்சி, முல்லைத்தீவு, திருகோணமலை, மட்டக்களப்பு, அம்பாறை, மொனராகல ஆகிய 7 மாவட்டங்களையும் இணைத்து 55 நாட்களில் 98 ஆலயங்களை தரிசித்து 815 கிலோமீற்றர் தூரத்தை நடந்து கடக்கும் இப் புனித பாத யாத்திரை இலங்கையின் மிக நீண்ட தூர பாத யாத்திரையாக கருதப்படுகின்றது.
சந்நதி கதிர்காமம் பாத யாத்திரைக் குழுவின் ஏற்பாட்டில் 23ஆவது வருடமாக இந்த பாத யாத்திரை ஏற்பாடு செய்யப்பட்டிருக்கின்றது.
இம்முறை பாத யாத்திரையில் கலந்து கொள்வோர் கட்டாயம் சமய ஆசார முறைப்படி கலந்து கொள்ள வேண்டும் என அறிவுறுத்தப்பட்டுள்ளது.
அதற்கமைய, 21 வயதுக்கு மேற்பட்ட ஆண்கள் வேஷ்டியோடும், 45 வயதுக்கு மேற்பட்ட பெண்கள் காவி புடவையுடனும் கலந்து கொள்ள வேண்டும்.
ஆடிவேல் விழா உற்சவம்
அத்துடன், செல்லும் வழியில் உள்ள ஆலயங்களில் பஜனை மற்றும் சிரமதானத்தில் பங்குகொள்ள வேண்டும்.
இந்த யாத்திரையில், பாடசாலை மாணவர்களும் 45 வயதுக்கு உட்பட்ட பெண்களும் இணைத்துக் கொள்ளப்பட மாட்டார்கள் என்றும் சமய ஆசார முறைக்கு மாறான நடத்தையில் ஈடுபடுபவர்கள் இடைநடுவில் நிறுத்தப்படுவார்கள் என்றும் ஜெயாவேல்சாமி கூறியுள்ளார்.
55 நாள் நீண்ட பாத யாத்திரையில் பங்குபற்ற விரும்பும் அடியார்கள் அல்லது உதவி செய்ய விரும்பும் தனவந்தர்கள் 0778386381 அல்லது 0763084791 அல்லது 0776139932 என்ற தொலைபேசி இலக்கங்களுக்கு தொடர்பு கொள்ளுமாறு கேட்கப்பட்டுள்ளார்கள்.
கதிர்காமக் கந்தன் ஆலயம் வருடாந்த ஆடிவேல் விழா உற்சவம், ஜூலை 5ஆம் திகதி வெள்ளிக்கிழமை கொடியேற்றத்துடன் ஆரம்பமாகி ஜூலை 21ஆம் திகதி ஞாயிற்றுக்கிழமை தீர்த்த உற்சவத்துடன் நிறைவு பெற இருக்கின்றமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
யாழ்ப்பாணம், கொழும்பு, London, United Kingdom, Scarbrough, Canada
19 Oct, 2024
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
