நானு ஓயாவில் தோட்ட அதிகாரிக்கு எதிராக மக்கள் போராட்டம்

நானுஓயாவில் (Nanuoya) களனிவெளி பெருந்தோட்ட முகாமைத்துவ நிறுவனத்திற்கு கீழ் இயங்கும் நானுஓயா தோட்டப் பிரிவிற்கு உட்பட்ட உடரதல்ல தோட்ட தொழிலாளர்கள் தோட்ட நிர்வாகத்திற்கு எதிராக ஆர்ப்பாட்டமொன்றை முன்னெடுத்துள்ளனர்.

குறித்த தோட்ட தொழிலாளர்கள் 18 நாட்களாக பணி பகிஷ்கரிப்பில் ஈடுபட்டு வந்த நிலையில் 150இற்கும் மேற்பட்ட தொழிலாளர்கள் இணைந்து இன்றைய தினம்(16.05.2024) நானுஓயா பிரதான நகரில் ஆர்ப்பாட்டத்தில் ஈடுபட்டுள்ளனர்.

இலங்கையின் போர்க் குற்றவாளிகள் தொடர்பில் பிரித்தானிய தொழிற் கட்சியின் நிலைப்பாடு

உடரதல்ல தோட்டத்தில் அதிகாரியால் கையகப்படுத்தும் சூழ்ச்சி நடைபெற்றுக்கொண்டு இருப்பதாகவும் நன்கு வளர்ச்சி பெற்றுள்ள தேயிலை மரங்களை அழித்து அவ்விடத்தில் கோப்பி கன்றுகளை நடுவதற்கு முன் ஏற்பாடுகள் செய்தமைக்கு எதிராகவே தோட்ட தொழிலாளர்கள் தோட்ட நிர்வாகத்திற்கு எதிராக பணி செல்லாது தமது எதிர்ப்பினை தெரிவித்துள்ளனர்.

மேலும், இவ்விடயம் தொடர்பில் தோட்ட அதிகாரிகளுடன் வாக்குவாதம் செய்த ஆண் தொழிலாளிக்கு எதிரார தோட்ட அதிகாரியால் நானுஓயா பொலிஸ் நிலையத்தில் முறைப்பாடு ஒன்று பதிவு செய்து தோட்ட தலைவர்கள் மூவருக்கு வேலை நிறுத்தம் செய்யப்பட்டுள்ளதாக தொழிலாளர்கள் குற்றம் சாட்டியுள்ளனர்.

தொழிலாளர்களின் கோரிக்கை

போராட்டத்தில் ஈடுபட்டவர்கள் மேலும் தெரிவித்ததாவது,

"தோட்ட நிர்வாகம் தொழிலாளர்களின் கோரிக்கை தொடர்பாக பேச்சுவார்த்தை நடத்தி போதிலும் எவ்வித உரிய தீர்மானங்களும் கிடைக்கவில்லை.

தோட்ட நிர்வாகம் கொழுந்து இல்லாத காலத்திலும் அதிகமாக தேயிலை கொழுந்து பறிக்கவேண்டும் என கட்டாயப்படுத்துவதுடன் தோட்ட அதிகாரி தெரிவிக்கும் அளவுக்கு குறைவாக பறித்தால் அரை நாள் சம்பளம் மாத்திரமே வழங்கப்படுகின்றது.

இதனால் தாம் வருமான ரீதியாகவும் தொடர்ந்து பாதிக்கப்பட்டுள்ளோம்.

இதேவேளை, தோட்ட நிர்வாகம் தேயிலை செடிகளை முறையாக பாதுகாக்காமல் காடாக்கியுள்ளதுடன் தேயிலை தோட்டங்களை முறையாக பராமரிக்காமல் தோட்ட நிர்வாகம் கைவிட்டுள்ளது" என தெரிவித்துள்ளனர்.

அத்துடன் தாங்கள் எதிர்நோக்கும் பிரச்சனைகள் தொடர்பாக மலையக அரசியல் வாதிகள் மற்றும் தொழிற்சங்க அதிகாரிகளிடம் முறைபாடுகள் செய்தபோதிலும் எவரும் நடவடிக்கை எடுக்கவில்லையெனவும் ஆர்பாட்டகாரர்கள் தமக்கு தீர்வு கிடைக்கும் வரை ஆர்ப்பாட்டத்தில் ஈடுப்படவுள்ளதாகவும் கூறியுள்ளனர்.

இதன்போது, ஆர்பாட்டத்தில் ஈடுபட்டவர்கள் கோஷங்களை எழுப்பியவாறும் எதிர்ப்பு வாசகங்கள் எழுதிய பதாதைகளை ஏந்தியும் நானுஓயா பிரதான நகரில் ஆர்ப்பாட்ட பேரணியொன்றை முன்னெடுத்துள்ளனர்.

யாழில் பெண்ணொருவர் கொலை செய்யப்பட்ட விவகாரம் : சந்தேகத்தில் கணவன் கைது

கிளிநொச்சியில் இரு பாடசாலை மாணவர்களின் முன்மாதிரியான செயற்பாடு