போஷாக்குப் பிரச்சினையில் மக்கள்! கொழுப்புப் பிரச்சினையில் எம்.பிக்கள்: செல்வராசா கஜேந்திரன்

Parliament of Sri Lanka Sarath Weerasekara Sri Lanka Politician Sri Lanka Selvarajah Kajendren

By Rakesh Sep 08, 2022 08:22 AM GMT

Rakesh

in அரசியல்

Report

மக்களுக்கும் சிறுவர்களுக்கும் தான் போஷாக்குப் பிரச்சினை, ஆனால் இங்குள்ள சிங்கள நாடாளுமன்ற உறுப்பினர்கள் கொழுப்புப் பிரச்சினையில் உள்ளனர் என தமிழ்த் தேசிய மக்கள் முன்னணியின் பொதுச்செயலாளரும், நாடாளுமன்ற உறுப்பினருமான செல்வராசா கஜேந்திரன் தெரிவித்துள்ளார்.

நாடாளுமன்றத்தில் நேற்று நடைபெற்ற பிள்ளைகள், தாய்மாரின் மந்த போசணை தொடர்பான விவாத்தின் போது இது தொடர்பில் கருத்து தெரிவித்துள்ளார்.

போஷாக்குப் பிரச்சினை

இது தொடர்பில் அவர் மேலும் தெரிவிக்கையில்,

தென்பகுதியில் உள்ளவர்களை விடவும் போஷாக்கற்ற நிலைமை தொடர்பில் நாம் நன்கு அறிவோம். நாம் அதற்குள் வாழ்ந்தவர்கள். இதனால் இப்போதும் பாதிக்கப்பட்டுள்ளவர்கள். இப்போது நீங்கள் இது தொடர்பில் பேசுவதில் மகிழ்ச்சி.

போஷாக்குப் பிரச்சினையில் மக்கள்! கொழுப்புப் பிரச்சினையில் எம்.பிக்கள்: செல்வராசா கஜேந்திரன் | Parliament Debate Srilanka 08 09 2022

போஷாக்கற்ற நிலையால் மக்களும் சிறுவர்களும்தான் பாதிக்கப்பட்டுள்ளார்கள். ஆனால், இங்குள்ள சிங்கள நாடாளுமன்ற உறுப்பினர்களுக்கு கொழுப்புப் பிரச்சினை. இதனால் இவர்கள் தனியார் மருத்துவமனைகளில் சிகிச்சை பெறுகின்றனர்.

குருந்தூர் மலை

நாடாளுமன்றில், பலர் இங்கு இனவாதம் பேசுகின்றனர். நாடாளுமன்ற உறுப்பினர் சரத் வீரசேகர ஓர் இனவெறியர்.

இவர் விவாதத்துக்குரிய தலைப்பில் பேசாது குருந்தூர் மலை தொடர்பில் பேசும்போது மௌனிகளாக இருந்த சிலர், நான் இந்த விடயம் தொடர்பில் பேசும்போது விவாதத்தின் தலைப்புக்கு முரணாகப் பேசுவதாகக் கூறுகின்றனர்.

குருந்தூர் மலை விடயத்தில் நாம் விட்டுக்கொடுக்க மாட்டோம். எமது உயிரைக் கொடுத்தாவது ஆக்கிரமிப்பைத் தடுப்போம் என தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை