லங்காசிறி FM
சாதாரண தரப் பரீட்சைக்கு தோற்றும் மாணவர்களுக்கு முக்கிய அறிவிப்பு
2025 (2026) கல்விப் பொதுத் தராதர சாதாரண தரப் பரீட்சைக்குத் தோற்றும் தனியார் பரீட்சார்த்திகளின் அனுமதி அட்டைகளில் திருத்தம் இருந்தால், அவர்கள் வலைத்தளத்திற்குச் சென்று தங்கள் தேசிய அடையாள அட்டை எண்ணை உள்ளிட்டு திருத்தம் செய்யலாம் என்று பரீட்சைகள் திணைக்களம் அறிவித்துள்ளது.
திருத்தங்கள் இன்று (10) நள்ளிரவு 12.00 மணிக்கு நிறைவடையும் என்றும், 2025 ஆம் ஆண்டுக்கான சாதாரண தரப் பரீட்சை இந்த மாதம் 17 ஆம் திகதி முதல் 26 ஆம் திகதி வரை நாடு முழுவதும் 3545 மையங்களில் நடைபெற உள்ளது.
பரீட்சை அனுமதி அட்டைகள் வழங்கல்
இம்முறை பரீட்சைக்குத் தோற்றும் பாடசாலை பரீட்சார்த்திகளின் பரீட்சை அனுமதி அட்டைகள் சம்பந்தப்பட்ட பாடசாலைகளின் வலயக் கல்வி அலுவலகங்களுக்கு வழங்கப்பட்டுள்ளன.
அனைத்து அதிபர்களும் தங்கள் அனுமதி அட்டைகளை தங்கள் பாடசாலையின் வலயக் கல்வி அலுவலகத்தில் பரீட்சை பாடத்திற்குப் பொறுப்பான துணை உதவி கல்வி பணிப்பாளரிடமிருந்து பெற்றுக்கொள்ள முடியும் என்றும் திணைக்களம் தெரிவித்துள்ளது.
அனுமதி அட்டைகளில் திருத்தம்
தனியார் விண்ணப்பதாரர்களின் அனுமதி அட்டைகள் தபால் மூலம் அவர்களின் தனிப்பட்ட முகவரிகளுக்கு அனுப்பப்பட்டுள்ளதாகவும் தெரிவித்துள்ளது.
பாடசாலை விண்ணப்பதாரர்களின் அனுமதி அட்டைகளில் ஏதேனும் திருத்தம் இருந்தால், இலங்கை பரீட்சை திணைக்களத்தின் www.doenets.lk என்ற இணையதளத்தில் அதிபர்களுக்கு வழங்கப்பட்ட பயனர்பெயர் மற்றும் கடவுச்சொல்லைப் பயன்படுத்தி கணக்கை அணுகி, பொருத்தமான திருத்தத்தைச் செய்ய வேண்டும் என்று பரீட்சைகள் திணைக்களம் மேலும் தெரிவித்துள்ளது.
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
அனலைதீவு 7ம் வட்டாரம், வட்டக்கச்சி, பிரான்ஸ், France
22 Jan, 2025
புங்குடுதீவு 3ம் வட்டாரம், கோண்டாவில்
10 Feb, 1996
