சர்ச்சையை ஏற்படுத்திய 22ஆவது சட்டமூலத் திருத்தம்.. ஜனாதிபதியின் அதிரடி அறிவிப்பு

Anura Kumara Dissanayaka President of Sri lanka 22nd Amendment

By Sajithra Aug 12, 2026 01:32 PM GMT

Sajithra

in அரசியல்

Report

நீதியரசர்களின் ஓய்வு பெறும் வயதை நீடிக்கும் முடிவு, ஒரு தனிநபருக்காகவோ அல்லது ஒரு குழுவுக்காகவோ எடுக்கப்பட்ட முடிவு அல்ல, மாறாக நாட்டின் பொது நலனுக்காகவே எடுக்கப்பட்டது என்று ஜனாதிபதி அநுர குமார திஸாநாயக்க தெரிவித்துள்ளார்.

முழு அமைப்பின் பிரச்சினைகளுக்கும் தீர்வு காணும் விரிவான சீர்திருத்தங்களில் இந்தத் திருத்தம் ஒரு அங்கம் மட்டுமே என்றும், இது தனது தனிப்பட்ட கருத்தோ அல்லது அரசாங்கத்தின் ஒரே கருத்தோ அல்ல என்றும் ஜனாதிபதி மேலும் சுட்டிக்காட்டியுள்ளார்.

இன்று பிற்பகல் (12) ஜனாதிபதி செயலகத்தில் நடைபெற்ற இலங்கை சட்டத்தரணி சங்கத்துடனான சந்திப்பின்போது ஜனாதிபதி இதைத் தெரிவித்துள்ளார்.

வயது நீடிப்பு

சுமார் ஒரு மணி நேரம் நீடித்த இந்த கலந்துரையாடலின் போது, நீதிபதிகளின் ஓய்வு பெறும் வயதை நீடிப்பது தொடர்பான அரசியலமைப்பின் 22ஆவது திருத்தத்தின் மீது கவனம் ஈர்க்கப்பட்டதோடு, இது தொடர்பாக இலங்கை சட்டசபையினரின் கருத்துக்களும் ஆலோசனைகளும் முன்வைக்கப்பட்டுள்ளன.

சர்ச்சையை ஏற்படுத்திய 22ஆவது சட்டமூலத் திருத்தம்.. ஜனாதிபதியின் அதிரடி அறிவிப்பு | 22Nd Amendment President Anura Kumara

இங்கு முன்வைக்கப்பட்ட அனைத்துப் பிரச்சினைகளுக்கும் கவனம் செலுத்திய ஜனாதிபதி, அவ்விவகாரத்தில் அரசின் நிலைப்பாட்டையும், நீதித்துறையை மேம்படுத்துவதற்காக அரசு திட்டமிட்டுள்ள நடவடிக்கைகளையும் விளக்கினார் என ஜனாதிபதி ஊடகப் பிரிவு தெரிவித்துள்ளது.

நீதி வழங்கும் செயல்முறையானது நீதிமன்றங்களால் மட்டுமே மேற்கொள்ளப்படுவதில்லை, மாறாக அது புலனாய்வு, வழக்குத் தொடர்தல் மற்றும் நீதித்துறை உள்ளிட்ட அனைத்துத் துறைகளையும் உள்ளடக்கிய ஒரு கூட்டுச் செயல்முறையாகும் என்று ஜனாதிபதி சுட்டிக்காட்டியுள்ளார்.