லங்காசிறி FM
கச்சத்தீவு விவகாரத்தில் இந்தியாவின் தீர்மானம்.. நெகிழ்ச்சியில் ஜனாதிபதி அநுர
புதிய இணைப்பு
கச்சத்தீவு விவகாரம் தொடர்பாக இந்திய அரசு சமீபத்தில் அளித்த உறுதியை ஜனாதிபதி அநுர குமார திஸாநாயக்க வரவேற்றார்.
இந்தியாவுக்குத் தீங்கு விளைவிக்கும் எந்தவொரு நடவடிக்கைகளுக்கும் தனது நாட்டின் நிலப்பரப்பைப் பயன்படுத்த இலங்கை அனுமதிக்காது எனவும் அவர் மீண்டும் வலியுறுத்தினார்.
நீண்டகாலமாகத் தொடரும் கச்சத்தீவு விவகாரத்தில் இந்தியாவின் நிலைப்பாடு குறித்துத் திருப்தி தெரிவித்த ஜனாதிபதி, இந்த முன்னேற்றத்தை இரு அண்டை நாடுகளுக்கும் இடையிலான உறவில் ஒரு சாதகமான அறிகுறியாகக் குறிப்பிட்டார்.
இலங்கையுடனான 1974 மற்றும் 1976 ஆம் ஆண்டு கடல்சார் ஒப்பந்தங்களை மீண்டும் பரிசீலிக்கும் அல்லது மாற்றியமைக்கும் எண்ணம் எதுவும் தங்களுக்கு இல்லை என்று இந்தியாவின் அட்டர்னி ஜெனரல் ஆர். வெங்கடரமணி ஒக்டோபர் 6 அன்று உயர் நீதிமன்றத்தில் தெரிவித்தார்.
இந்திய கடற்றொழிலாளர்கள் தொடர்பான கவலைகளுக்குத் தொடர்ந்து இராஜதந்திர வழிகள் மூலமாகவே தீர்வு காணப்படும் என்றும் இந்திய அரசு நீதிமன்றத்தில் தெரிவித்தது.
அதேவேளையில், இந்திய கடற்றொழிலாளர்கள் இலங்கை எல்லைக்குள் நுழைவதைத் தடுப்பதன் முக்கியத்துவத்தை உயர் நீதிமன்றம் வலியுறுத்தியது.
இந்த ஒப்பந்தங்கள் தொடர்பான சட்டரீதியான சவால்கள் இன்னும் நிலுவையில் உள்ளன; இது குறித்த அடுத்தகட்ட விசாரணைகள் அடுத்த ஆண்டு பெப்ரவரிக்கு ஒத்திவைக்கப்பட்டுள்ளன.
அதேவேளை, செப்டெம்பர் மாதம் இந்தியப் பாதுகாப்புத் துறை அமைச்சர் ராஜ்நாத் சிங்கைச் சந்தித்தபோதும், இலங்கை நிலப்பரப்பைப் பயன்படுத்துவது குறித்து ஜனாதிபதி அநுர குமார திஸாநாயக்க இதேபோன்றதொரு உறுதியை அளித்திருந்தார் என்பது குறிப்பிடத்தக்கது.
முதலாம் இணைப்பு
எங்கள் அரசாங்கம்: இரண்டு ஆண்டுகள் - நாட்டிற்கு நன்மை என்ற கருப்பொருளின் கீழ், அரசாங்கத்தின் இரண்டாம் ஆண்டு நிறைவை முன்னிட்டு நிகவெரட்டியாவில் ஏற்பாடு செய்யப்பட்டுள்ள பிரம்மாண்டமான பொதுக்கூட்டம் தற்போது இடம்பெற்று வருகின்றது.
குறித்த பேரணியில் தற்போது ஜனாதிபதி அநுர குமார திஸாநாயக்க கலந்து கொண்டு சற்று முன்னர் தனது உரையை ஆரம்பித்தார்.
நாடு முழுவதும் நடத்தப்பட்டு வரும் பொதுக்கூட்டங்களின் ஒரு பகுதியாகவே இந்தக் கூட்டம் நடைபெறுகிறது.
இந்தக் கூட்டத்தில், அரசாங்கத்தின் இரண்டு ஆண்டுகாலப் பயணம் மற்றும் அதன் எதிர்கால அரசியல் திட்டங்கள் குறித்த கருத்துகள் முன்வைக்கப்படும் என்று எதிர்பார்க்கப்படுகிறது.
ஏபி டிவில்லியர்ஸ் டக்அவுட்: 42 வயது வீரரின் சிக்ஸர்மழை..தென் ஆப்பிரிக்கா சாம்பியன்ஸ் வெற்றி News Lankasri
Bigg Boss 10: இரண்டாவது குறும்படத்தினை வெளியிட்ட விஜய் சேதுபதி... வாயடைத்துப்போன போட்டியாளர்கள் Manithan
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
