லங்காசிறி FM
திடீரென பதவி நீக்கப்பட்ட அமெரிக்க கடற்படை செயலாளர்! பென்டகனில் தொடரும் குழப்பம்
அமெரிக்க கடற்படை செயலாளர் ஜான் பெலன் திடீரென பதவியில் இருந்து நீக்கப்பட்டுள்ளார்.
இந்த மாற்றம், பென்டகன் அமைப்பில் தலைமை மாற்றங்கள் நடைபெறும் சூழலில் ஏற்பட்டுள்ளது.
ஹோர்முஸ் நீரிணை
குறிப்பாக, ஹோர்முஸ் நீரிணை பகுதியில் அமெரிக்க கடற்படை மேற்கொண்ட தடுப்பு நடவடிக்கைகள் மற்றும் ஈரான் எதிரான போரின் மத்தியில் இந்த மாற்றம் நடந்துள்ளது.
பெலன் பதவியிலிருந்து விலகியதாக, பாதுகாப்புத் துறையின் பேச்சாளர் சீன் பார்னல் குறுகிய அறிக்கையில் தெரிவித்தார். ஆனால், அவர் நீக்கப்பட்டதற்கான காரணம் எதுவும் வெளியிடப்படவில்லை.
“அமெரிக்க கடற்படை செயலாளர் ஜான் சி. பெலன் உடனடியாக நடைமுறைக்கு வரும் வகையில் நிர்வாகத்திலிருந்து விலகுகிறார்” என்று அவர் X தளத்தில் தெரிவித்துள்ளார்.
இந்த மாற்றம், டொனால்ட் ட்ரம்ப் தலைமையிலான நிர்வாகத்தில் பாதுகாப்புத்துறை செயலாளர் பீட் ஹெக்செத் பல உயர்மட்ட அதிகாரிகளை மாற்றும் நடவடிக்கையின் ஒரு பகுதியாகும்.
அமெரிக்க கடற்படை
அமெரிக்க கடற்படையின் முக்கிய சிவில் தலைவராக இருந்த பெலன், நாட்டின் கப்பல் கட்டுமான திறனை மேம்படுத்தும் முயற்சிகளையும் “Golden Fleet” என்ற பெரிய திட்டத்தையும் முன்னெடுத்திருந்தார்.
ஆனால், கப்பல் கட்டுமான திட்டங்கள், இராணுவ அதிகாரிகள் நியமனம் மற்றும் பதவி உயர்வுகள் போன்ற விஷயங்களில் பென்டகனின் உயர்மட்ட அதிகாரிகளுடன் கருத்து வேறுபாடுகள் ஏற்பட்டதாக தகவல்கள் தெரிவிக்கின்றன.
பெலன் நீக்கப்பட்ட நேரத்தில், அமெரிக்க கடற்படை ஹோர்முஸ் நீரிணை வழியாக செல்லும் கப்பல்களுக்கு எதிராக முக்கியமான தடுப்பு நடவடிக்கையில் ஈடுபட்டிருந்தது.
அந்தப் பகுதியில் 21 அமெரிக்க போர்க்கப்பல்கள் இருந்ததுடன், மேலும் பல கப்பல்கள் அனுப்பப்பட்டு வந்தன. இது, பீட் ஹெக்செத் தலைமையில் பென்டகனில் தொடர்ந்து நடைபெறும் தலைமை மாற்றங்களின் ஒரு பகுதியாகும்.
இதற்கு முன்பும் பல உயர்மட்ட இராணுவ அதிகாரிகள் நீக்கப்பட்டுள்ளனர். பெலனுக்கு பதிலாக, கடற்படை துணை செயலாளராக இருந்த ஹங் காஓ தற்காலிகமாக பதவியை ஏற்கின்றார் என குறிப்பிடப்பட்டுள்ளது.
ஈரானுக்கு மரண அடி உறுதி... பாலிஸ்டிக் ஏவுகணைத் தாக்குதலுக்குப் பிறகு கொந்தளித்த இஸ்ரேல் News Lankasri
ரூ.6000 சம்பளம் பெற்ற உதவி பொறியாளர்: பல கோடிகளில் சொத்து குவித்தது எப்படி? விசாரணை தீவிரம் News Lankasri
அந்த கடையை கொண்டுபோய் சுடுகாடு பக்கத்துல வைங்க.. CM விஜய்க்கு நடிகர் பார்த்திபன் கொடுத்த ஐடியா Cineulagam
பூசத்தில் குரு பெயர்ச்சி ... அடுத்த 6 மாதங்கள் இந்த ராசியினரின் நிதி நிலையில் அசுர வளர்ச்சி உறுதி! Manithan
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
