புத்தளம் - குருணாகல் வீதியில் இடம்பெற்ற வாகன விபத்தில் கடற்படை வீரர் ஒருவர் உயிரிழப்பு (Photos)

Sri Lanka Police Puttalam Sri Lanka Navy Accident Death

By Asar May 13, 2023 09:53 AM GMT

Asar

in விபத்து

Report

புத்தளம் - குருணாகல் வீதியின் 2ஆம் கட்டைப் பகுதியில் இடம்பெற்ற வாகன விபத்தில் கடற்படை வீரர் ஒருவர் சம்பவ இடத்திலேயே உயிரிழந்துள்ளார்.

குறித்த சம்பவம் இன்று (13.05.2023) அதிகாலை 5.45 மணியளவில் இடம்பெற்றுள்ளதாக பொலிஸார் தெரிவித்தனர்.

ஆனமடுவ பகுதியிலிருந்து புத்தளம் நோக்கி சென்ற லொறியும், புத்தளம் பகுதியிலிருந்து ஆனமடுவ பகுதியை நோக்கிச் சென்ற மோட்டார் சைக்கிளும் நேருக்கு நேர் மோதி விபத்துக்குள்ளாகியுள்ளன.

புத்தளம் - குருணாகல் வீதியில் இடம்பெற்ற வாகன விபத்தில் கடற்படை வீரர் ஒருவர் உயிரிழப்பு (Photos) | Navy Killed In Vehicle Accident In Puttalam

கடற்படை வீரர்

இதன்போது தம்பபண்ணி கடற்படை முகாமில் பணிபுரியும் கடற்படை வீரர் சம்பவ இடத்திலேயே உயிரிழந்துள்ளார்.

கடற்படை வீரர் நேற்று இரவு கடமையை முடித்துவிட்டு இன்று அதிகாலை வீடு செல்லும்போதே குறித்த விபத்து இடம்பெற்றுள்ளதாக பொலிஸார் தெரிவித்தனர்.

கடற்படை வீரருக்கு ஏற்பட்ட தூக்கத்தின் கலக்கத்தினாலேயே விபத்து நேர்ந்துள்ளதாக ஆரம்பக்கட்ட விசாரணையில் தெரியவந்துள்ளது.

மேலதிக விசாரணை

சம்பவத்தில் குருணாகல் - வாரியபொல பகுதியைச் சேர்ந்த 33 வயதுடைய கே.எம்.சந்தன பெரேரா என்பவரே குறித்த விபத்தில் உயிரிழந்துள்ளதாக பொலிஸார் தெரிவித்துள்ளனர்.