நாடு தழுவிய ரீதியில் அபிவிருத்தி உத்தியோகத்தர்களின் சுகயீன விடுமுறை

Sri Lanka Dhammika Perera Protest

By Erimalai Nov 09, 2026 01:58 PM GMT

Erimalai

in சமூகம்

Report

நாடளாவிய ரீதியிலுள்ள அபிவிருத்தி உத்தியோகத்தர்கள் இன்று (09.11.2026) சுகயீன விடுமுறை தொழிற்சங்க நடவடிக்கையில் ஈடுபட்டுள்ளனர்.

பல சந்தர்ப்பங்களில் அதிகாரிகளுக்கு தமது பிரச்சினைகள் குறித்து அறிவித்த போதிலும், இதுவரை அதற்கு எவ்வித கவனமும் செலுத்தப்படவில்லை என ஒன்றிணைந்த அபிவிருத்தி உத்தியோகத்தர்கள் சங்கத்தின் பிரதான செயலாளர் தம்மிக முனசிங்க தெரிவித்தார்.

இதற்கமைய, இன்றைய தினம்(09.11.2026) இந்த தொழிற்சங்க நடவடிக்கை முன்னெடுக்கப்படுவதாக அவர் குறிப்பிட்டுள்ளார்.

தொழிற்சங்க நடவடிக்கை

அனைத்து இலங்கை அபிவிருத்தி உத்தியோகத்தர்கள் சங்கத்தின் பொது செயலாளர் சட்டத்தரணி அநுராத செனவிரத்ன தெரிவிக்கையில், இந்த தொழிற்சங்க நடவடிக்கை காரணமாக அரச நிறுவனங்களின் உட்புற பணிகளுக்குப் பாதிப்பு ஏற்படக்கூடும் எனச் குறிப்பிட்டார்.

நாடு தழுவிய ரீதியில் அபிவிருத்தி உத்தியோகத்தர்களின் சுகயீன விடுமுறை | Nationwide Sick Leave By Development Officers

அமைச்சுகள், திணைக்களங்கள், மாகாண சபைகள், கணக்குக் கிளைகள், காணி பிரிவுகள், ஆட்களைப் பதிவு செய்யும் அலுவலகங்கள் மற்றும் குடிவரவு குடியகல்வு அலுவலகங்கள் உள்ளிட்ட பல அர நிறுவனங்களின் உட்புறப் பணிகளில் பெரும்பாலானவற்றை அபிவிருத்தி உத்தியோகத்தர்களே மேற்கொள்வதால் அவர்கள் சேவைக்குச் சமூகளிக்காத காரணத்தினால் பணிகள் பாதிக்கப்படக்கூடும் என்றும் சுட்டிக்காட்டினார்.

இந்தத் தொழிற்சங்க நடவடிக்கையில் வடக்கு கிழக்கு மாகாணங்கள் உட்பட ஒன்பது சபைகளையு மாகாண பிரதிநிதித்துவப்படுத்தும் தொழிற்சங்கங்களும், மத்திய அரசாங்கத்தைப் பிரதிநிதித்துவப்படுத்தும் பல தொழிற்சங்கங்களும் இணைந்துள்ளதாக அவர் குறிப்பிட்டார்.

சுகயீன விடுமுறை

இதற்கமைய, 12 தொழிற்சங்கங்களின் கூட்டமைப்பினால் இந்த தொழிற்சங்க நடவடிக்கை ஏற்பாடு செய்யப்பட்டுள்ளது. தமது கோரிக்கைகள் தொடர்பாக ஜனாதிபதி பிரதமர் மற்றும் பொறுப்பான அமைச்சர்களின் கவனத்திற்கு கொண்டு செல்வதற்காக தற்போது கலந்துரையாடல்கள் மேற்கொள்ளப்பட்டு வருவதாகவும் அவர் தெரிவித்தார்.