லங்காசிறி FM
பிரித்தானியாவில் இரட்டிப்பாக உயிரிழப்பை ஏற்படுத்தும் உருமாறிய கோவிட் வைரஸ்! - ஆய்வில் வெளியான தகவல்
Independent Writer
in ஐக்கிய இராச்சியம்
பிரித்தானியாவில் அடையாளம் காணப்பட்டுள்ள உருமாறிய கோவிட் - 19 வைரஸ் இரு மடங்கு அதிக உயிரிழப்புகளை ஏற்படுத்துகின்றது என ஆய்வில் கண்டறியப்பட்டுள்ளது.
பிரித்தானிய தலைநகர் லண்டனில் கடந்த ஆண்டு நவம்பர் மாதமளவில் மிக வேகமாக கோவிட் - 19 தொற்று பரவியது. இது குறித்த ஆய்வின் போது உருமாறிய கோவிட் -19 வைரஸ் கண்டுபிடிக்கப்பட்டது.
இந்த உருமாறிய கோவிட் -19 வைரஸ் நாடு முழுவதும் வேகமாக பரவியதை அடுத்து, டிசம்பர் மாதம் பிரித்தானியாவில் கடுமையான கோவிட் கட்டுப்பாடுகள் அறிவிக்கப்பட்டன.
எவ்வாறாயினும், இந்த உருமாறிய கோவிட் -19 வைரஸ் முன்பை விட 70 வீதம் வேகமாக பரவக் கூடியது என தெரிவிக்கப்பட்டதுடன், அதிக பாதிப்பை ஏற்படுத்தாது எனவும் தெரிவிக்கப்பட்டிருந்தது.
இந்நிலையில், புதிய உருமாறிய கோவிட் - 19 வைரஸ் தொற்று குறித்து பிரித்தானிய ஆய்வாளர்கள் தொடர்ந்தும் ஆய்வு செய்து வந்தனர். இது குறித்த முடிவுகள் தற்போது வெளியாகியுள்ளன.
ஆய்வு முடிவுகளின்படி உருமாறிய கோவிட் - 19 வைரஸ், ஏனைய வைரஸ் வகைகளை விட 30 முதல் 100 வீதம் வரை அதிக உயிரிழப்புகளை ஏற்படுத்துவதாக தெரிவிக்கப்பட்டுள்ளது.
இதேவேளை, பிரித்தானியாவில் கடந்த 24 மணி நேரத்தில் மேலும் 5,926 பேருக்கு கோவிட் - 19 தொற்று இருப்பது உறுதி செய்யப்பட்டுள்ளதுடன், 190 கோவிட் - 19 மரணங்களும் பதிவாகியுள்ளது.
இதன்படி, பிரித்தானியாவில் கோவிட் - 19 தொற்றினால் பாதிக்கப்பட்டவர்களின் மொத்த எண்ணிக்கை 4,234,924 ஆக உயர்ந்துள்ளதுடன், உயிரிழப்புகளின் எண்ணிக்கை 124,987 ஆக பதிவாகியுள்ளது.
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
