லங்காசிறி FM
அமைச்சர் நளிந்த - வியட்நாம் தூதுவர் சந்திப்பு
சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸவுக்கும், இலங்கைக்கான வியட்நாம் தூதுவர் டிரின் தி டாமுக்கும் இடையேயான சந்திப்பு நேற்று (25.12.2025) மாலை சுகாதார மற்றும் வெகுஜன ஊடக அமைச்சில் நடைபெற்றது.
இலங்கைக்கும் வியட்நாமுக்கும் இடையிலான தற்போதைய இராஜதந்திர உறவுகள் மற்றும் எதிர்காலத்தில் அந்த உறவுகளை வலுப்படுத்துவது குறித்து இதன்போது கலந்துரையாடப்பட்டது.
செயற்படுத்தப்பட வேண்டிய திட்டங்கள்
மேலும் வியட்நாமின் உதவியுடன் இலங்கையில் தற்போது நடைபெற்று வரும் அபிவிருத்தி திட்டங்கள் மற்றும் எதிர்காலத்தில் செயற்படுத்தப்பட வேண்டிய திட்டங்கள் குறித்தும் கலந்துரையாடப்பட்டது.
நாட்டின் சுகாதார சேவையின் தற்போதைய செயற்பாடு, மருந்துகள் மற்றும் மருத்துவ உபகரணங்களுக்கான தேவைகள், விவசாயம் மற்றும் சுற்றுலாத்துறை, பெண்கள் மற்றும் குழந்தைகள் விவகாரங்கள் மற்றும் முதலீட்டு ஊக்குவிப்புத் திட்டங்கள் குறித்தும் கலந்துரையாடப்பட்டது.
இலங்கைக்கும் வியட்நாமுக்கும் இடையிலான இருதரப்பு வர்த்தகம் மற்றும் ஊடகம் மற்றும் தகவல் தொடர்புத் துறைகளில் இலங்கையுடனான வியட்நாமின் அனுபவங்களைப் பகிர்ந்துகொள்வது குறித்தும் தூதுவர் தனது கருத்துக்களைத் தெரிவித்தார்.
இராஜதந்திர - பொருளாதார உறவுகளை கட்டியெழுப்புதல்
இலங்கைக்கும் வியட்நாமுக்கும் இடையிலான நீண்டகால உறவுகளின் முக்கிய அம்சங்களை நினைவுகூர்ந்த சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ, எதிர்காலத்தில் வியட்நாமுக்கும் இலங்கைக்கும் இடையில் வலுவான அரசியல், இராஜதந்திர மற்றும் பொருளாதார உறவுகளை கட்டியெழுப்ப விரும்புவதாகவும் இதன்போது தெரிவித்தார்.
இரு நாடுகளுக்கும் இடையிலான உறவுகளை மேலும் வலுப்படுத்துவதன் முக்கியத்துவத்தையும் தூதுவர் சுட்டிக்காட்டினார்.
மேலும் அரசியல், கலாசாரம் மற்றும் பொருளாதாரம் உட்பட அனைத்து துறைகளிலும் இலங்கை அடைந்துள்ள முன்னேற்றம் குறித்து தனது மகிழ்ச்சியை அவர் வெளிப்படுத்தினார்.
1970 இல் இருந்து 55 ஆண்டுகளாக வியட்நாமும் இலங்கையும் வலுவான உறவுகளைப் பேணி வருகின்றன என்பது இங்கு குறிப்பிடத்தக்கது.
சுகாதார செயலாளர் நிபுணர் அனில் ஜாசிங்கே, வியட்நாம் தூதரகத்தின் துணைத் தலைவர் லு வான் ஹுவோங், தூதுவரின் செயலாளர் ரம்யா நிலாங்கனி ஆகியோர் இந்த நிகழ்வில் கலந்து கொண்டனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
பல்லவன் அம்மா பற்றி சோழனிடம் முழுவதும் கூறிய நிலா, அடுத்து அவர் செய்த விஷயம்... அய்யனார் துணை சீரியல் Cineulagam
கடற்கொள்ளையில் ஈடுபடும் ட்ரம்ப் நிர்வாகம்... எண்ணெய் கப்பல் விவகாரத்தில் ரஷ்யா கடும் தாக்கு News Lankasri
ஜெயந்திநகர், பாரதிபுரம், பூநகரி, Wembley, United Kingdom
22 Dec, 2025
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
