லங்காசிறி FM
இணையத்தள விளம்பரம் மூலம் மில்லியன் கணக்கில் மோசடி-இளைஞன் கைது
இலத்திரனியல் உபகரணங்கள், கணனி, செல்போன் உட்பட டிஜிட்டல் மென்பொருட்களை கொரியாவில் உள்ள நிறுவனத்தின் விலைக்கே வழங்குவதாக கூறி, “மலிவு விலையில் பொருள்” என்ற பெயரில் இணையத்தளம் ஒன்றை நடத்தி, மக்களிடம் லட்சக்கணக்கான பணத்தை மோசடி செய்த 23 வயதான இளைஞனை குற்றவியல் விசாரணை திணைக்களத்தின் டிஜிட்டல் தடயவியல் ஆய்வுக்கூட அதிகாரிகள் நேற்று கைது செய்துள்ளனர்.
போதைப் பொருளுக்கு அடிமையான இளைஞன்
காலி ஹபராதுவ அகுலுகல பிரதேசத்தை சேர்ந்த உதார சாமிக என்ற இளைஞனே இவ்வாறு கைது செய்யப்பட்டுள்ளார். இவர் மிக மோசமாக போதைப் பொருளுக்கு அடிமையானவர் என விசாரணைப்பிரிவினர் தெரிவித்துள்ளனர்.
பொருட்களின் சந்தை விலையை விட மிக குறைந்த விலையில் டிஜிட்டல் இலத்திரனியல் பொருட்களை இறக்குமதி செய்து தருவதாக கூறி தனது இணையத்தளம் சம்பந்தமான முகநுல் பக்கத்தில் விளம்பரத்தை வெளியிட்டு, சந்தேக நபர் இந்த மோசடியை செய்து வந்துள்ளார்.
கவர்ச்சிகரமான விளம்பரம்
எல்.ஈ.டி. தொலைக்காட்சி 7 ஆயிரம் ரூபாவில் இருந்தும், மடிக்கணனிகள் 19 ஆயிரம் ரூபாவில் இருந்து விற்பனை செய்யப்படும் என மிக கவர்ச்சிகரமான விளம்பரங்களை வெளியிட்டு, அதனை போலி கணக்கை பயன்படுத்தி தனது முகநூலில் பிரசாரம் செய்து வந்துள்ளார்.
கொள்வனவாளர்கள் கொள்வனவு செய்யும் பணத்தை வைப்புச் செய்ய இரண்டு வங்கிக்கணக்குகளை வழங்கியுள்ள சந்தேக நபர், ஆறு மாதங்களாக இந்த மோசடியை செய்து வந்துள்ளார்.
இந்த மோசடி சம்பந்தமாக நாடு முழுவதிலும் உள்ள பொலிஸ் நிலையங்களில் 100க்கும் மேற்பட்ட முறைப்பாடுகள் கிடைத்துள்ளதாக குற்றவியல் விசாரணை திணைக்களம் தெரிவித்துள்ளது.
ஆறு மாத காலத்தில் சந்கே நபர், நாடு முழுவதிலும் பல நபர்களிடம் இருந்து 56 லட்சம் ரூபாவை பெற்றுக்கொண்டுள்ளதாக விசாரணைகளில் தெரியவந்துள்ளது.
உயிரிழந்த பெண்ணொருவரின் வங்கிக் கணக்கு
சந்தேக நபர் வழங்கிய வங்கிக்கணக்கு அனுரெஸ்ஸ பிரதேசத்தில் வசிக்கும் சந்தேக நபரின் காதலி எனக் கூறப்படும் யுவதியின் உயிரிழந்த தாயாருடையது என்பது விசாரணைகளில் கண்டறியப்பட்டுள்ளது.
விளம்பரத்தில் வெளியிடப்பட்ட தொலைபேசி இலக்கமும் உயிரிழந்த நபர் ஒருவரின் பெயரில் பெறப்பட்டது என தெரியவந்துள்ளது. வங்கிக்கணக்கில் வைப்புச் செய்யப்படும் பணத்தை சந்தேக நபர், பணம் மீளப்பெறல் அட்டையை பயன்படுத்தி பெற்றுக்கொண்டுள்ளார்.
அவ்வப்போது பலரை அனுப்பி இவ்வாறு பணத்தை எடுத்துள்ளார். இந்த மோசடியில் சந்தேக நபருடன் போதைப் பொருளை பயன்படுத்தும் சுமார் 12 பேர் கொண்ட குழுவும் சம்பந்தப்பட்டுள்ளதாக விசாரணைகளில் கண்டறியப்பட்டுள்ளது.
,இது குறித்து குற்றவியல் விசாரணை திணைக்களத்தின் டிஜிட்டல் தடயவியல் ஆய்வுக்கூட பிரிவின் அதிகாரிகள் மேலதிக விசாரணைகளை மேற்கொண்டு வருகின்றனர்.
சீன போர்விமானங்களை பயன்படுத்தி பாகிஸ்தான் இந்தியாவின் ரஃபேல் ஜெட்களை வீழ்த்தியது: அமெரிக்க வட்டாரம் உறுதி News Lankasri
ரஜினி, கமல் உள்ளிட்ட பல நட்சத்திரங்கள் கலந்துகொண்ட ஐசரி கே கணேஷ் மகள் திருமணம்.. புகைப்படங்கள் இதோ Cineulagam
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
யாழ் சுன்னாகம் மேற்கு, Jaffna, Surrey, United Kingdom, Tolworth, United Kingdom
22 Apr, 2025
புங்குடுதீவு 3ம் வட்டாரம், வட்டக்கச்சி, கொழும்பு, Bobigny, France
24 Apr, 2021
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
வடமராட்சி கிழக்கு, Palermo, Italy, Hannover, Germany, Münster, Germany
02 May, 2025
கொழும்பு, Edinburgh, Scotland, United Kingdom, London, United Kingdom, Manchester, United Kingdom, Minneapolis, United States, Winnipeg, Canada, Philadelphia, United States, New Jersey, United States
02 May, 2025
சுழிபுரம் மேற்கு, London, United Kingdom
21 Apr, 2024
புங்குடுதீவு இறுப்பிட்டி, ஏழாலை சூராவத்தை, Markham, Canada
05 May, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024