லங்காசிறி FM
மூன்றாவது வெற்றியை பதிவு செய்தது ராஜஸ்தான் ரோயல்ஸ்
Dev
in கிரிக்கெட்
மும்பை இந்தியன்ஸ் (Mumbai Indians) மற்றும் ராஜஸ்தான் ரோயல்ஸ் (Rajasthan Royals) அணிகளுக்கிடையாலான இன்றைய போட்டியில் ராஜஸ்தான் ரோயல்ஸ் (Rajasthan Royals) தனது மூன்றாவது வெற்றியை பதிவு செய்துள்ளது.
இந்த போட்டியில் முதலில் துடுப்பெடுத்தாடிய மும்மை இந்தியன்ஸ் அணி (Mumbai Indians) 20 ஓவர்கள் முடிவில் 9 விக்கெட்டுக்களை இழந்து 125 ஓட்டங்களை பெற்றுக்கொண்டது.
இதனையடுத்து 126 என்ற வெற்றி இலக்கோடு துடுப்பாட்டம் செய்த ராஜஸ்தான் ரோயல்ஸ் (Rajasthan Royals) அணி 15.3 ஓவர்கள் முடிவில் 4 விக்கெட்டுக்களை மாத்திரம் இழந்து 127 ஓட்டங்களை பெற்று வெற்றியை பதிவு செய்துள்ளது.
இந்த வெற்றியை தொடர்ந்து ராஜஸ்தான் ரோயல்ஸ் (Rajasthan Royals)அணி தோல்விகளை சந்திக்காமல் தனது மூன்றாவது வெற்றியை பதிவு செய்துள்ளது.
இந்த போட்டியின் ஆட்ட நாயகனாக ட்ரெண்ட் போல்ட் (Trent Boult) தெரிவு செய்யப்பட்டுள்ளார்.
இவர் 4 ஓவர்களை வீசி 22 ஓட்டங்களை மாத்திரம் விட்டுக்கொடுத்து 3 விக்கெட்டுக்களை கைப்பற்றியுள்ளார்.
முதலாம் இணைப்பு
நடைபெற்றுவரும் 17ஆவது ஐபிஎல் (IPL) தொடரின் 14ஆவது போட்டியில் மும்பை இந்தியன்ஸ் (Mumbai Indians) மற்றும் ராஜஸ்தான் ரோயல்ஸ் (Rajasthan Royals) அணிகள் மோதிக் கொள்கின்றன.
குறித்த போட்டியானது, இன்றையதினம் (01.04.2024) மும்பை வான்கடே சர்வதேச கிரிக்கெட் அரங்கில் நடைபெற்று வருகின்றது.
போட்டியில் நாணய சுழற்சியில் வெற்றிபெற்ற ராஜஸ்தான் ரோயல்ஸ் அணி முதலில் களத்தடுப்பை தேர்வு செய்துள்ளது.
சரிந்த விக்கெட்டுக்கள்
இதனையடுத்து, துடுப்பெடுத்தாடுவதற்காக களமிறங்கிய மும்பை இந்தியன்ஸ் அணியின் ஆரம்ப துடுப்பெடுத்தாளர் ரோஹிட் சர்மா (Rohit Sharma) ஓட்டம் எதனையும் பெறாது ட்ரெண்ட் போல்ட்டின் பந்துக்கு ஆட்டமிழந்தார்.
அதனைத் தொடர்ந்து, மும்பை இந்தியன்ஸ் அணியின் ஆரம்ப விக்கெட்டுக்கள் அடுத்தடுத்து சரிந்தன.
இதுவரை, 11 ஓவர்கள் முடிவில் மும்பை இந்தியன்ஸ் அணி 83 ஓட்டங்களுக்கு 5 விக்கெட்டுக்களை இழந்துள்ளது.
தற்போது, களத்தில் திலக் வர்மா (Tilak Varma) 21 ஓட்டங்களுடனும் ஹர்டிக் பாண்டியா (Hardik Pandya) 20 ஓட்டங்களுடனும் துடுப்பெடுத்தாடி வருகின்றனர்.
அதேவேளை, புள்ளிப்பட்டியலில் ராஜஸ்தான் மற்றும் மும்பை அணிகள் முறையே 3ஆம் மற்றும் 10ஆம் இடத்தில் உள்ளமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
