லங்காசிறி FM
மன்னார் மாவட்டத்தில் 4 நாட்களில் 156 கோவிட் தொற்றாளர்கள் அடையாளம்! (Photos)
மன்னார் மாவட்டத்தில் கோவிட் தொற்றாளர்களின் எண்ணிக்கை சடுதியாக அதிகரித்து வரும் நிலையில் கடந்த 4 நாட்களில் மாவட்டத்தில் 156 கோவிட் தொற்றாளர்கள் அடையாளம் காணப்பட்டுள்ளனர்.
மன்னார் மாவட்ட பிராந்திய சுகாதார சேவைகள் பணிப்பாளர் வைத்தியர் ரி.வினோதன் இன்று சனிக்கிழமை (5) விடுத்துள்ள கோவிட் நிலவர அறிக்கையில் குறிப்பிடப்பட்டுள்ளது.
குறித்த அறிக்கையில் மேலும் குறிப்பிடுகையில், மன்னார் மாவட்டத்தில் நேற்றைய தினம் (4) வெள்ளிக்கிழமை மேற்கொள்ளப்பட்ட பீ.சி.ஆர்.பரிசோதனையின் போது மேலும் புதிதாக 24 கோவிட் தொற்றாளர்கள் அடையாளம் காணப்பட்டுள்ளனர்.
கடந்த 4 நாட்களில் 156 கோவிட் தொற்றாளர்கள் அடையாளம் காணப்பட்டுள்ளனர். இவ்வருடம் 357 கோவிட் தொற்றாளர்களும் மாவட்டத்தில் தற்போது வரை 3540 கோவிட் தொற்றாளர்களும் அடையாளம் காணப்பட்டுள்ளனர்.
மேலும் மன்னார் மாவட்டத்தில் இதுவரை 36 கோவிட் மரணங்கள் நிகழ்ந்துள்ளது எனவும் குறித்த அறிக்கையில் மேலும் குறிப்பிடப்பட்டுள்ளது.
Kuala Lumpur, Malaysia, தொல்புரம், Gunzenhausen, Germany
24 Sep, 2025
