அம்பாறையில் ஹெரோயின் விற்பனை செய்த ஒருவர் கைது- பொலிஸாரின் அதிரடி நடவடிக்கை

Sri Lanka Police Sri Lankan Peoples Sri Lanka Government Crime Drugs

By Farook Sihan Mar 07, 2026 11:12 AM GMT

Farook Sihan

in குற்றம்

Report

அம்பாறை தலைமையக பொலிஸ் பிரிவுக்குட்பட்ட புறநகர் பகுதியில் சந்தேகத்திற்கிடமாக நடமாடிய ஒருவரை சோதனை செய்தபோது, அவரிடம் இருந்து 95 மில்லி கிராம் ஹெரோயின் போதைப்பொருள் கைப்பற்றப்பட்டுள்ளதாக பொலிஸார் தெரிவித்துள்ளனர்.

இந்த சம்பவம் இன்று (07.03.2026) இடம்பெற்றதாக கூறப்படுகிறது.

மேலும் தெரியவருவதாவது,

அம்பாறை நகரின் திஸ்ஸ புறவில் இன்று (07.03.2026) சந்தேகத்திற்கிடமாக நடமாடிய நபரை கைது செய்ய பொலிஸார் தங்கள் தகவல் வழங்குபவரை பயன்படுத்தி, 72 மில்லி கிராம் ஹெரோயின் போதைப்பொருளை ரூபாய் 2000-க்கு சந்தேக நபரிடமிருந்து கொள்வனவு செய்துள்ளனர்.

விற்பனை செய்தவர் கைது

இதன்போது, ஹெரோயின் விற்பனை செய்து வந்த திஸ்ஸ புறத்தைச் சேர்ந்த சந்தேக நபர் கைது செய்யப்பட்டுள்ளார்.

அம்பாறையில் ஹெரோயின் விற்பனை செய்த ஒருவர் கைது- பொலிஸாரின் அதிரடி நடவடிக்கை | Man Arrested For Selling Heroin In Ampara

அவரை சோதனை செய்தபோது விற்பனைக்கு தயாராக வைத்திருந்த 70 மில்லி கிராம், 80 மில்லி கிராம் மற்றும் 90 மில்லி கிராம் எடையுடைய மூன்று சிறிய ஹெரோயின் பொதிகள் மற்றும் ரூபாய் 6000 பணமும் அவரிடமிருந்து மீட்கப்பட்டதாக பொலிஸார் தெரிவித்துள்ளனர்.

இந்நிலையில், ஹெரோயின் வைத்திருந்த குற்றச்சாட்டில் ஒருவரும், ஹெரோயின் விற்பனை செய்த குற்றச்சாட்டில் மற்றொருவரும் கைது செய்யப்பட்டுள்ளதாக பொலிஸார் தெரிவித்துள்ளனர்.