லங்காசிறி FM
படுகொலை செய்யப்பட்ட தினேஷ் ஷாப்டர் மரணத்தில் தொடர் திருப்பம்!வெளியான தகவல்
மர்மமான முறையில் உயிரிழந்த வர்த்தகர் தினேஷ் ஷாப்டரின் மரணம் தொடர்பான மேலதிக நீதவான் விசாரணையை எதிர்வரும் 22ஆம் திகதி மீண்டும் அழைக்குமாறு கொழும்பு பிரதான நீதவான் பிரசன்ன அல்விஸ் நேற்று (14.03.2023) உத்தரவிட்டுள்ளார்.
பிரேத பரிசோதனை விசாரணைகளை விசாரித்த நிரந்தர நீதவான் நேற்றைய தினம் நீதிமன்றில் முன்னிலையாகாத காரணத்தினால் வழக்கு மேலதிக திகதிக்கு ஒத்திவைக்கப்பட்டுள்ளது.
இதனையடுத்து, வழக்கை விசாரணைக்கு எடுத்துக்கொண்ட கொழும்பு பிரதான நீதவான் பிரசன்ன அல்விஸ், வழக்கை 2023 மார்ச் 22 ஆம் திகதிக்கு ஒத்திவைத்துள்ளார்.
வெளிவராத அறிக்கை
கடந்த டிசம்பர் மாதம் 15ஆம் திகதியன்று, நீதவான் ராஜீந்திர ஜயசூரியவினால்,தினேஷ் ஷாப்டரின் மரணம் தற்கொலையா அல்லது கொலையா என்பதை தீர்மானிக்க ஐந்து பேர் கொண்ட விசேட வைத்திய குழுவொன்று நியமிக்கப்பட்டுள்ளது.
தினேஷ் ஷாப்டரின் மரணம் தொடர்பில் நீதிமன்றில் முன்னர் சமர்ப்பிக்கப்பட்ட பிரேத பரிசோதனை அறிக்கையில் முரண்பாடுகள் காணப்படுவதால் நீதவான் ராஜீந்திர ஜயசூரிய இந்த உத்தரவை பிறப்பித்திருந்ததாக தெரிவிக்கப்பட்டுள்ளது.
இந்நிலையில் பாதிக்கப்பட்ட தரப்பினர் சார்பில் முன்னிலையான ஜனாதிபதியின் சட்டத்தரணி அனுஜ பிரேமரத்ன தினேஷ் ஷாப்டரின் மரணம் தொடர்பான குறித்த குழுவின் அறிக்கை இன்னும் கிடைக்கப்பெறவில்லை என்று நீதிமன்றத்தில் தெரிவித்துள்ளார்.
மர்மமான மரணம்
கொழும்பில் பிரபல தமிழ் வர்த்தகர் தினேஷ் ஷாப்டர், பட்டப்பகலில் கடத்தப்பட்டு கொடூரமான முறையில் படுகொலை செய்யப்பட்டுள்ள விவகாரம் பெரும் சர்ச்சையை ஏற்படுத்தியிருந்தது.
பொரளை பொது மயானத்தில் வர்த்தகர் தினேஷ் ஷாப்டர் காரில் கழுத்து நெரிக்கப்பட்ட நிலையில் காணப்பட்டதுடன், பின்னர் தேசிய வைத்தியசாலையின் அதிதீவிர சிகிச்சைப் பிரிவில் அனுமதிக்கப்பட்டிருந்த நிலையில் சிகிச்சை பலனின்றி உயிரிழந்திருந்தார்.
இதுவரை சந்தேகத்தின் பேரில் எவரும் அடையாளம் காணப்படாத நிலையில், தினேஷ் ஷாப்டரின் மரணம், கொலையா அல்லது தற்கொலையா என்பது குறித்து இதுவரை உறுதிப்படுத்தப்படாத நிலையில் விசாரணைகள் தொடர்ந்த வண்ணம் உள்ளது.
தமிழ் அரசியலை பலப்படுத்த அரசியல் தலைவர்களை தூய்மைப்படுத்த வேண்டும்..! 17 மணி நேரம் முன்
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
அல்லைப்பிட்டி, பிரான்ஸ், France
12 Nov, 2011
நயினாதீவு 2ம் வட்டாரம், Jaffna, யாழ்ப்பாணம், Pinner, United Kingdom
03 Nov, 2025
