யாழ்ப்பாணம் எடுத்துச் செல்லப்படும் சம்பந்தனின் உடல் : ஏற்பாடுகள் தீவிரம்
புதிய இணைப்பு
தமிழரசுக் கட்சியின் மூத்த தலைவர் இரா.சம்பந்தனின் உடல் நாளைய தினம் யாழ்ப்பாணத்திற்கு எடுத்துச் செல்லப்படவுள்ளது.
யாழ்ப்பாணத்திற்கு எடுத்துச் செல்லப்படும் உடல் அங்கு தந்தை செல்வா அரங்கில் பொதுமக்களின் அஞ்சலிக்காக வைக்கப்படவுள்ளதாக தகவல்கள் வெளியாகியுள்ளன.
கொழும்பில் இருந்து யாழ்ப்பாணம் பலாலி விமான நிலையத்தின் ஊடாக அங்கு கொண்டு செல்லப்பட்டு பொதுமக்களின் அஞ்சலிக்காக சம்பந்தனின் உடல் வைக்கப்படவுள்ளதாக தெரிவிக்கப்படுகின்றது.
மேலும், நாடாளுமன்ற உறுப்பினர் சிறீதரனின் வேண்டுகோளுக்கு இணங்க சம்பந்தனின் குடும்பத்தார் அவரது உடலை யாழ்ப்பாணத்திற்கு கொண்டு செல்வதற்கு அனுமதி வழங்கியுள்ளதாக தெரிவிக்கப்படுகின்றது.
இதன்படி நாளை காலை 10.00 மணியிலிருந்து மாலை 4.00 மணிவரையில் சம்பந்தனின் உடல் யாழ்ப்பாணத்தில் வைக்கப்படும் என குடும்ப உறுப்பினர்கள் தெரிவித்துள்ளனர்.
கிளிநொச்சி மாவட்டத்தின் அஞ்சலி நிகழ்வு தொடர்பில் தமது குடும்ப சூழல் கருதி இறுதி முடிவு எடுக்கப்படவில்லை என மேலும் தெரிவித்துள்ளனர்.
யாழ். தந்தை செல்வா கலையரங்கில் காலை 9 மணி முதல் மாலை 4 மணி வரை அன்னாரின்
புகழுடல் மக்கள் அஞ்சலிக்காக வைக்கப்படவுள்ளது. அதன்பின்னர் அன்னாரின்
புகழுடல் விமானம் மூலம் திருகோணமலைக்குக் கொண்டு செல்லப்படவுள்ளது.
முதலாம் இணைப்பு
தமிழரசுக் கட்சியின் மூத்த பெரும் தலைவரும், நாடாளுமன்ற உறுப்பினருமான இராஜவரோதயம் சம்பந்தனின்(Rajavarothiam Sampanthan) உடலை பொதுமக்களின் அஞ்சலிக்காக வடக்கிற்கு கொண்டு செல்வதற்கு தீர்மானிக்கப்பட்டுள்ளது.
இது தொடர்பில் சம்பந்தனின் குடும்பத்தாருடனும் கலந்தாலோசிக்கப்படவுள்ளதாக குறிப்பிடப்படுகின்றது.
ஏற்பாடுகள் தீவிரம்
தமிழரசுக் கட்சியின் மூத்த தலைவர் இராஜவரோதயம் சம்பந்தன் கடந்த 30ஆம் திகதி கொழும்பு தனியார் வைத்தியசாலையில் வைத்து உடல் நலக் குறைவு காரணமாக உயிரிழந்தார்.
அதனையடுத்து, கொழும்பில் அவரது உடல் பொதுமக்களின் அஞ்சலிக்காக வைக்கப்ட்டு பின்னர் இறுதிக் கிரியைகள் திருகோணமலையில் இடம்பெறும் என்றும், அதற்குரிய ஏற்பாடுகள் செய்யப்படவுள்ளதாகவும் தெரிவிக்கப்பட்டது.
இந்தநிலையில், கிளிநொச்சி மண்ணிலும் சம்பந்தன் ஐயாவிற்கான இறுதி வணக்க அஞ்சலி நிகழ்வுகள் கிளிநொச்சி அறிவகத்திலும் நாளை அல்லது நாளை மறுதினம் நடைபெறலாம் என என தெரிவிக்கப்படுகின்றது.
எனவே கிளிநொச்சி மற்றும் வடக்கு மாகாணம் தழுவிய தமிழ் மக்கள் சம்பந்தன் ஐயாவிற்கு தமது அஞ்சலிகளை செலுத்த தயாராகுமாறு அறிவித்தலொன்று வெளியிடப்பட்டுள்ளது.
இது தொடர்பில் கருத்துத் தெரிவித்த யாழ். மாவட்ட நாடாளுமன்ற உறுப்பினர் சிறீதரன்,
உயிரிழந்த நாடாளுமன்ற உறுப்பினர் சம்பந்தனின் பூதவுடலை யாழ்ப்பாணத்திற்கு கொண்டு செல்வதற்கு அவரது குடும்பத்தாருடன் தான் ஆலோசனை நடத்தி வருவதாகவும், எனினும் இது தொடர்பில் இறுதி முடிவு இன்னும் எடுக்கப்படவில்லை என்றும் குறிப்பிட்டார்.
இதேவேளை, இது குறித்து சம்பந்தனின் மகன்கள் மற்றும் மகளுடன் தான் கலந்துரையாடியுள்ள நிலையில், யாழ்ப்பாணத்தில் அவருக்கான இறுதி அஞ்சலி செலுத்துவதற்கான ஏற்பாடுகளை தான் முன்னெடுத்துள்ளதாகவும் சிறீதரன் மேலும் தெரிவித்துள்ளமை குறிப்பிடத்தக்கது.
நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
![ரஜினி முதல் திரிஷா வரை.. வரலக்ஷ்மி திருமண கொண்டாட்டத்தில் சினிமா நட்சத்திரங்கள்! புகைப்பட தொகுப்பு](https://cdn.ibcstack.com/article/1c0d36b8-b765-48d5-b646-424e2351684b/24-668459e0666b2-sm.webp)
ரஜினி முதல் திரிஷா வரை.. வரலக்ஷ்மி திருமண கொண்டாட்டத்தில் சினிமா நட்சத்திரங்கள்! புகைப்பட தொகுப்பு Cineulagam
![திடீரென பாட்டிக்காக பாசமாக பேசும் விஜயா மற்றும் மனோஜ்... என்ன இப்படி மாறிட்டாங்க, சிறகடிக்க ஆசை புரொமோ](https://cdn.ibcstack.com/article/cdaef012-ac6c-4673-ad2a-ba955b7e70a3/24-6684c6e3a2db2-sm.webp)
திடீரென பாட்டிக்காக பாசமாக பேசும் விஜயா மற்றும் மனோஜ்... என்ன இப்படி மாறிட்டாங்க, சிறகடிக்க ஆசை புரொமோ Cineulagam
![32 வயது நடிகையை டேட்டிங் செய்கிறார் நடிகர் பிரபாஸ்.. யார் அந்த நடிகை தெரியுமா! புகைப்படம் இதோ](https://cdn.ibcstack.com/article/849ff1a3-72e9-4b7d-afd7-2b2dff704d9e/24-6684ee8b4c8e7-sm.webp)
32 வயது நடிகையை டேட்டிங் செய்கிறார் நடிகர் பிரபாஸ்.. யார் அந்த நடிகை தெரியுமா! புகைப்படம் இதோ Cineulagam
![நடிகர் நெப்போலியனின் மூத்த மகனுக்கு திருமணம்.. வருங்கால மருமகள் யார் தெரியுமா! வீடியோ பதிவு இதோ](https://cdn.ibcstack.com/article/40973014-7ac3-4a01-b3cb-d6f17a1d5826/24-6684d08f44f46-sm.webp)
நடிகர் நெப்போலியனின் மூத்த மகனுக்கு திருமணம்.. வருங்கால மருமகள் யார் தெரியுமா! வீடியோ பதிவு இதோ Cineulagam
![பொதுத் தேர்தல் வரலாற்றில்... லேபர் கட்சி வெற்றி தொடர்பில் வெளியான புதிய கருத்துக்கணிப்பு](https://cdn.ibcstack.com/article/31fed683-6381-44a4-b101-4677efa3c2c1/24-6684ecee2da04-sm.webp)
பொதுத் தேர்தல் வரலாற்றில்... லேபர் கட்சி வெற்றி தொடர்பில் வெளியான புதிய கருத்துக்கணிப்பு News Lankasri
![நெருங்கும் இரண்டாவது சுற்று... புதிய அரசியல் நகர்வு: கடும் கோபத்தில் தீவிர வலதுசாரிகள்](https://cdn.ibcstack.com/article/be8f0a42-7344-48b2-ad7c-9fbc9b515a29/24-6684c71c6aa65-sm.webp)