குடு சலிந்துவின் நெருங்கிய உதவியாளர்கள் கைது! முதற்கட்ட விசாரணைகளில் வெளியான தகவல்

Sri Lanka Police Kalutara Sri Lanka Police Investigation

By Dhayani Apr 21, 2026 09:32 AM GMT

Dhayani

in குற்றம்

Report

ஒழுங்கமைக்கப்பட்ட குற்றக்கும்பல் உறுப்பினரும், போதைப்பொருள் கடத்தல்காரருமான பாணதுறை குடு சலிந்துவின் நெருங்கிய உதவியாளர்கள் இருவர் பாயாகல பகுதியில் வைத்து கைது செய்யப்பட்டுள்ளனர்.

சந்தேகநபர்கள் இருவரும் பாயாகல பகுதியில் இரகசியமாகத் தங்கியிருந்த போது இன்று (21) அதிகாலை கைது செய்யப்பட்டுள்ளனர்.

முதற்கட்ட விசாரணைகளில் வெளியான தகவல்

சந்தேகநபர்கள் இருவரும் குறித்த பகுதியில் தங்கியிருந்து சுற்றுவட்டாரப் பகுதிகளுக்கு போதைப்பொருள் விநியோகித்து வந்துள்ளமை முதற்கட்ட விசாரணைகளில் தெரியவந்துள்ளது.

குடு சலிந்துவின் நெருங்கிய உதவியாளர்கள் கைது! முதற்கட்ட விசாரணைகளில் வெளியான தகவல் | Kudu Salindhu Two Members Arrested

வலானை மத்திய ஊழல் ஒழிப்புப் படையினருக்குக் கிடைத்த தகவலுக்கு அமைய, பாயாகல நிர்மலவத்த மற்றும் கும்புகொட ஆகிய பகுதிகளில் மேற்கொள்ளப்பட்ட விசேட சோதனையின் போதே இவர்கள் கைது செய்யப்பட்டுள்ளனர்.

இவ்வாறு கைது செய்யப்பட்டவர்கள் பெத்தா என்ற பெத்தும் மற்றும் கவியா என்ற கவிந்து என அடையாளம் காணப்பட்டுள்ளனர்.

பெத்தும் என்பவரிடமிருந்து 42,350 மில்லி கிராம் ஐஸ் போதைப்பொருளும், கவிந்து என்பவரிடமிருந்து 48,170 மில்லி கிராம் ஐஸ் போதைப்பொருளும் பொலிஸாரால் கைப்பற்றப்பட்டுள்ளன.