தொடரும் கொக்குத்தொடுவாய் அகழ்வுப்பணி: மனித புதைகுழியில் மேலும் பல மனித எச்சங்கள்

Mullaitivu Sri Lanka Northern Province of Sri Lanka

By Shan Nov 21, 2023 10:20 PM GMT

Shan

in சமூகம்

Report

கொக்குத்தொடுவாய் மனித புதைகுழியானது எவ்வளவு தூரம் வியாபித்து இருக்கின்றது என்பதனை அறிய எதிர்வரும் 24ஆம் திகதி விசேட ஸ்கான் இயந்திரம் மூலம் சோதனையிடபடவுள்ளது என முல்லைத்தீவு மாவட்ட சட்ட வைத்திய அதிகாரி கனகசபாபதி வாசுதேவா தெரிவித்துள்ளார்.

கொக்குத்தொடுவாய் மனித புதைகுழி அகழ்வு பணியானது இரண்டாவது நாளாக நேற்றயதினம்(22.11.2023) முன்னெடுக்கப்பட்டது.

குறித்த அகழ்வு பணியானது நிறைவடைந்ததன் பின்னர் ஊடகங்களுக்கு கருத்து தெரிவிக்கையிலே இவ்வாறு கூறியுள்ளார்.

இரண்டாவது கட்ட அகழ்வுப்பணி

அவர் மேலும் கருத்து தெரிவிக்கையில், கொக்குதொடுவாய் மனிதப்புதைகுழி இரண்டாவது கட்ட அகழ்வுப்பணி இன்று இடம் பெற்றிருந்தது. இரு மனித எலும்புக்கூட்டு தொகுதிகள் அகழ்ந்தெடுக்கப்பட்டது.

தொடரும் கொக்குத்தொடுவாய் அகழ்வுப்பணி: மனித புதைகுழியில் மேலும் பல மனித எச்சங்கள் | Kokkothoduwai Human Burial Ground

அந்த எலும்புக்கூட்டு உடற்பகுதியில் இருந்து துப்பாக்கி சன்னங்கள், குண்டு சிதறல்கள் மற்றும் விடுதலைப்புலிகளின் இலக்க தகடு ஆகியன எடுக்கப்பட்டன.

இலக்க தகடுகள் தொடர்பான விடயங்கள் பின்னர் அறியத்தரப்படும். தொடர்ந்து இப்பணி முன்னெடுக்கப்படும்.

எதிர்வரும் 24அம் திகதி வெள்ளிக்கிழமை விசேட ஸ்கான் இயந்திரம் மூலம் இவ் மனித புதைகுழியானது எவ்வளவு தூரம் வியாபித்து இருக்கின்றது, எத்தனை படைகளில் எலும்புக்கூடுகள் அடுக்கப்பட்டிருக்கின்றன எனும் தகவலை அறிவதற்காக விசேட ஸ்கான் சோதனை நடைபெறும் என்றார்.