கிளிநொச்சி பொது வைத்தியசாலையில் மகப்பேற்றுத் தாய்மாரை அனுமதிப்பதில் இழுபறி நிலை !

Jaffna Kilinochchi Mullaitivu Ministry of Health Sri Lanka Hospitals in Sri Lanka

By Sudaron Apr 23, 2026 03:04 PM GMT

Sudaron

in சமூகம்

Report

கிளிநொச்சி மாவட்ட பொது வைத்தியசாலையில் மகப்பேற்றுக்காக வந்த தாய் ஒருவரை அனுமதிப்பதில் இழுபறி நிலை நிலவியதாக தகவல்கள் கிடைக்கப்பெற்றுள்ளன.

குறித்த சம்பவம் நேற்றைய தினம் (22.40.2026) இடம் பெற்றுள்ளதென கிடைக்ககப்பெற்ற தகவலில் குறிப்பிடப்பட்டிருந்தது.

சிகிச்சை மறுப்பு

நேற்றைய தினம் முல்லைத்தீவு விசுவமடு பகுதியில் இருந்து மகப்பேற்றுக்காக கொண்டு செல்லப்பட்ட கர்ப்பிணி தாய் நீண்ட நேரம் அனுமதிக்கப்படாத நிலையில் மாவட்ட பிராந்திய சுகாதார சேவை பணிப்பாளர் அலுவலகத்தின் அழுத்தத்திற்குப் பின்னரே விடுதியில் அனுமதிக்கப்பட்டுள்ளார்.

அதாவது நேற்றைய தினம் அனுமதிக்கப்பட்ட குறித்த தாய் ஆரம்பத்தில் கிளிநொச்சி பிராந்திய சுகாதார அதிகாரப் பிரிவிலும் பின்னர் யாழ் பருத்திதுறையிலும் மாதாந்த கிளினிக் பெற்று வந்துள்ளார்.

இவ்வாறு வெளி மாவட்டங்களில் மாதாந்த கிளினிக் சிகிச்சை பெற்றால் அவர்களை இங்கு அனுமதிப்பதில்லை என்று குறித்த வதை்தியசாலையில் கூறிய பின்னர் இந்த இழுபறி நிலை ஏற்பட்டுள்ளது.

கிளிநொச்சி பொது வைத்தியசாலையில் மகப்பேற்றுத் தாய்மாரை அனுமதிப்பதில் இழுபறி நிலை ! | Kilinochchi Hospital Delay Admit Pregnant Mothers

ஏற்கனவே இவ்வாறு ஒரு முறை கிளிநொச்சி பொது வைத்திய சாலையில் இருந்து மகப்பேற்றுக்காக அனுமதிக்கப்பட்ட முல்லைத்தீவைச் சேர்ந்த தாய் ஒருவரை முல்லைதீவு வைத்தியசாலைக்கும் மற்றும் ஒரு தாயை யாழ்ப்பாண வைத்தியசாலைக்கும் நோயாளர் காவு வண்டி மூலம் அனுப்பி வைக்கப்பட்டுள்ளனர்.

மேலும் கிளிநொச்சி மாவட்ட பொது வைத்தியசாலையில் வடமாகணத்துக்கான பெண் நோயியல் வைத்தியசாலை அமைந்துள்ள போதும். அதற்கான சிகிச்சை பிரிவுகள் ஆரம்பிக்கப்படாமல் பல கோடி ரூபாய் பெறுமதியான மருத்துவ உபகரணங்கள் பயன்பாடற்றுக் காணப்படுகின்றமையும் குறிப்பிடத்தக்கது.