லங்காசிறி FM
இலங்கைக்குள் நுழைந்த இரண்டு ஈரானிய கப்பல்களால் குழப்பத்தில் அரசாங்கம்! களமிறங்கியுள்ள புலனாய்வு அதிகாரிகள்
இலங்கை கடற்பரப்பில் உள்ள இரண்டு ஈரானிய கப்பல்கள்தொடர்பாக இலங்கை அரசாங்கமும் பாதுகாப்புப் படைகளும் பெரும் குழப்பத்தில் சிக்கியுள்ளதாக கூறப்படுகிறது.
தற்போது மீட்கப்பட்ட ஈரானிய கப்பலை திருப்பி அனுப்புவது மற்றும் அதன் மாலுமிகளைப் பாதுகாப்பது தொடர்பான தீர்வுகளை காண சர்வதேச கடல்சார் சட்டங்கள் மற்றும் பிற சர்வதேச சட்டங்களை மூத்த வழக்கறிஞர்கள் குழு ஆராய்ந்து வருவதாக அரசாங்க செய்தித்தொடர்பாளர் ஒருவர் தெரிவித்துள்ளார்.
அரசாங்கத்திற்கு புதிய சவால்
பாதுகாப்புக்காக இரண்டு ஈரானிய கப்பல்களில் இருந்து கரைக்கு கொண்டு வரப்பட்ட மாலுமிகளுக்கு பாதுகாப்பை வழங்குவது அரசாங்கத்திற்கு சவாலாக மாறியுள்ளதாக தகவல்கள் வெளியாகியுள்ளன.
ஈரானிய கப்பலை திருகோணமலை துறைமுகத்திற்கு கொண்டுச்சென்று அதற்கு பாதுகாப்பு வழங்குவது அரசாங்கத்திற்கு மற்றொரு சவாலாக உள்ளதாகவும் கூறப்பட்டுள்ளது.
இந்தியாவின் விசாகப்பட்டினத்தில் இராணுவப் பயிற்சியில் பங்கேற்ற பிறகு ஈரானுக்குச் சென்று கொண்டிருந்த ஐரிஸ் தேனா என்ற கப்பல், கடந்த 4 ஆம் திகதி இலங்கை கடற்கரையில் அமெரிக்க நீர்மூழ்கிக் கப்பல் தாக்குதலால் அழிக்கப்பட்டது.
அரசாங்கத்தின் புலனாய்வு அமைப்புகள் சிறப்பு விசாரணை
இந்த கப்பலில் பயணித்த 180 கடற்றொழிலாளர்களில், 87 பேர் உயிரிழந்துள்ளதுடன், 32 பேரை இலங்கை கடற்படை மீட்டு வைத்தியசாலையில் சிகிச்சை வழங்கப்பட்டு வருகின்றது.
இந்நிலையில்,கொழும்பு கடற்கரையில் நங்கூரமிடப்பட்டுள்ள மற்றுமொரு ஈரானிய கப்பலில் இருந்த 250க்கும் மேற்பட்ட கடற்றொழிலாளர்கள், இலங்கை கடற்படையினரால் மீட்கப்பட்டு வெலிசர கடற்படை தளத்தில் தடுத்து வைக்கப்பட்டுள்ளனர்.
இது தொடர்பாக வெளிநாட்டு இராஜதந்திரிகள் குழுவுடன் அரசாங்கம் விரிவான கலந்துரையாடல்களை நடத்தியுள்ளதுடன், அரசாங்கத்தின் புலனாய்வு அமைப்புகளும் சிறப்பு விசாரணையைத் தொடங்கியுள்ளன.
தங்கமயில் கர்ப்பமாக இருப்பதை அறியும் பாண்டியன் குடும்பம்.. பரபரப்பான பாண்டியன் ஸ்டோர்ஸ் சீரியல் புரோமோ Cineulagam
விவாகரத்து வழக்கில் ட்விஸ்ட்.. கண்கலங்கி அழுத ரோகிணி.. அதிர்ச்சியில் மனோஜ், விஜயா! சிறகடிக்க ஆசை சீரியல் புரோமோ Cineulagam
21 மணி நேர அமைதிப் பேச்சு... ஈரானின் நிலைமை மோசமாகப் போகிறது: எச்சரிக்கும் ஜேடி வேன்ஸ் News Lankasri
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
