லங்காசிறி FM
இரண்டாவது வெற்றியையும் பதிவு செய்தது ராஜஸ்தான் ரோயல்ஸ்
Shadhu Shanker
in கிரிக்கெட்
ஐ.பி.எல். 2026 சீசனில் 9ஆவது போட்டியில் குஜராத் டைட்டன்ஸ் அணிக்கு எதிராக ராஜஸ்தான் ரோயல்ஸ் அணி வெற்றிப்பெற்றுள்ளது.
ஐ.பி.எல். 2026 சீசனில் 9ஆவது போட்டி குஜராத் அகமதாபாத்தில் நடைபெற்றது.
ராஜஸ்தான் ரோயல்ஸ்
இதில் குஜராத் டைட்டன்ஸ்- ராஜஸ்தான் ரோயல்ஸ் அணிகள் பலப்பரீட்சை நடத்தின.
குஜராத் டைட்டன்ஸ் அணிதலைவர் சுப்மன் கில் காயம் காரணமாக இன்றைய போட்டியில் விளையாடவில்லை. இதனால் அவருக்கு பதிலாக ரஷித் கான் அணிதலைவராக செயல்பட்டார்.
ராஜஸ்தான் ரோயல்ஸ் அணிதலைவலர் ரியான் பராக் நாணயசுழற்சியில் வெற்றிப்பெற்று துடுப்பெடுத்தாட தீர்மானித்தார். அதன்படி ஜெய்ஸ்வால், சூர்யவன்ஷி ஆகியோர் தொடக்க வீரர்களாக களம் இறங்கினர். இருவரும் அபாரமான ஆட்டத்தை வெளிப்படுத்தினர்.
சூர்யவன்ஷி 18 பந்தில் 31 ஓட்டங்கள் எடுத்து ஆட்டம் இழந்தார். ஆனால் ஜெய்ஸ்வால் சிறப்பாக விளையாடி 32 பந்தில் அரைசதம் எடுத்து 36 பந்தில் ஆறு பவுண்டரி, மூன்று சிக்ஸர்களுடன் 55 ஓட்டங்கள் எடுத்து வெளியேறினார்.
அடுத்து வந்த துருவ் ஜுரெல் சிறப்பாக விளையாடினார்.
மறுபக்கம் ரியான் பராக் 8 ஓட்டங்களிலும், ஹெட்மையர் 18 ஓட்டங்களிலும், பெராரியா 1ஓட்டங்களிலும் வெளியேறினர்.
ஜுரெல் 30 பந் 42 பந்தில் தலா 5 பவுண்டரி, 5 சிக்சர்களுடன் 75 ரன்கள் சேர்த்தார் ராஜஸ்தான் ரோயல்ஸ் அணி 20 ஓவரில் 6 விக்கெட் இழப்பிற்கு 210 ஓட்டங்களை குவித்தது.
குஜராத் டைட்டன்ஸ்
211 ஓட்டங்கள் எடுத்தால் வெற்றி என்ற இலக்குடன் ரஷித் கான் தலைமையிலான குஜராத் டைட்டன்ஸ் களமிறங்கியது.
சாய் சுதர்சன் 44 பந்துகளில் 73 ஓட்டங்கள் குவித்தார். ஜோஸ் பட்லர் 26, ரஷீத் கான் 24, ரபாடா 23, குமார் குஷக்ரா 18 ஓட்டங்கள் எடுத்தனர். ஆனால் மற்ற வீரர்கள் சொற்ப ஓட்டங்களில் ஆட்டமிழந்தனர்.
இறுதியில் 20 ஓவர் முடிவில் 8 விக்கெட் இழப்புக்கு குஜராத் அணியால் 204 ஓட்டங்கள்மட்டுமே எடுத்தது.
இதனால் 6 ஓட்டங்கள் வித்தியாசத்தில் ராஜஸ்தான் ரோயல்ஸ் இந்த ஆட்டத்தை கைப்பற்றியது.
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
