இந்திய-இலங்கை சட்டத்தை மீட்டெடுக்க இந்தியா பொருளாதார வழிகளை பயன்படுத்த வேண்டும்: காணாமல் ஆக்கப்பட்டோரின் உறவினர்கள் சங்கத்தினர்

இந்திய - இலங்கைச் சட்டத்தை மீட்டெடுக்க இந்தியா பொருளாதார வழிகளைப் பயன்படுத்த வேண்டும் எனத் தாயகத்தில் காணாமல் ஆக்கப்பட்டோரின் உறவினர்கள் சங்கத்தினர் தெரிவித்துள்ளனர்.

காணாமல் ஆக்கப்பட்டோரைக் கண்டறியும் தொடர்ச்சியான போராட்டத்தின் 1779வது நாளான இன்று வவுனியா பிரதான தபாலகத்திற்கு அருகாமையில் கவனயீர்ப்பு போராட்டத்தில் கலந்து கொண்டதன் பின்னர் ஊடகங்களுக்குக் கருத்து தெரிவிக்கும் போதே இவ்வாறு சங்கத்தின் செயலாளர் கோ. ராஜ்குமார் தெரிவித்துள்ளார்.

தொடர்ந்தும் கருத்து தெரிவித்த அவர்,

காணாமல் ஆக்கப்பட்ட எங்களின் குழந்தைகளைக் கண்டறிய உதவுமாறு அமெரிக்கா, ஐரோப்பிய ஒன்றியம் மற்றும் இந்தியாவை அழைக்கிறோம்.

இன்று ஆங்கிலப் புத்தாண்டு. 2022 புத்தாண்டில் நாம் வேண்டுவது,

1. கோவிட்-19 தொற்றுநோயின் முடிவு

2. சர்வதேச குற்றவியல் நீதி மன்றத்தில் தமிழ் இனப்படுகொலைக்கான நீதி

3. பாதுகாப்பான, பாதுகாக்கப்பட்ட மீளப் பெறமுடியாத ஒரு அரசியல் தீர்வு, சர்வஜன வாக்கெடுப்பு

4. காணாமல் ஆக்கப்பட்டவர்களைக் கண்டுபிடிப்பது

5. உலகத் தமிழர் அனைவருக்கும் புத்தாண்டு 2022 ஆரோக்கியம், செல்வம் மற்றும் மகிழ்ச்சியை அளிக்கட்டும்.

இந்திய-இலங்கை சட்டம் 1987 இல் இந்தியாவால் கொண்டுவரப்பட்டது என்பதை நாம் தெளிவாகவும் கூற விரும்புகிறோம். இந்தக் கொள்கைகள் நடைமுறைப்படுத்தப்படுவதை உறுதி செய்வது இந்திய அரசின் கடமை.

இந்தியா சொல்வதைக் கேட்குமாறு கொழும்பை நிர்ப்பந்திக்கப் பொருளாதாரத் தடைகளைப் பயன்படுத்த முன்னாள் முதல்வர் ஜெயலலிதா புதுடெல்லிக்கு விடுத்த வேண்டுகோள் என்பதை நினைவூட்ட விரும்புகிறோம்.

இந்த 34 ஆண்டுக்கால கொள்கைகளை இந்தியா செயல்படுத்த அல்லது மீட்டெடுக்க விரும்பினால், இந்தியா பொருளாதார சலுகைகளை ஒரு கருவியாகப் பயன்படுத்தலாம். உதாரணமாக, இந்த ஆண்டு இலங்கைக்கு 5.5 பில்லியன் டாலர்கள் தேவை. இந்த கடனை இந்தியா இலங்கைக்கு வழங்கலாம் என்ற பேச்சு அடிபடுகிறது.

இந்தோ-இலங்கை கொள்கைகளை அமுல்படுத்தும் அல்லது மீட்டெடுக்கும் நிபந்தனைகளுடன் இலங்கையின் கடனைப் பயன்படுத்த இந்தியா கட்டாயப்படுத்தலாம்.

13வது திருத்தம் எங்களின் தீர்வு அல்ல. 13வது திருத்தம் இலங்கை ஒற்றையாட்சியின் ஒரு பகுதி, அது பயனற்றது. ஒற்றையாட்சியின் கீழ் இலங்கை தனது ⅔ பெரும்பான்மையுடன் எந்தவொரு அரசியலமைப்புத் திருத்தத்தையும் ரத்து செய்ய முடியும்.

13வது திருத்தத்தை அமுல்படுத்துமாறு இந்தியாவிடம் கோர தமிழ் அரசியல்வாதிகள் சிலர் ஒன்று கூடுவது வருத்தமளிக்கிறது.

இந்த அரசியல் வாதிகள் வட-கிழக்கில் வாக்கெடுப்பு நடத்த இந்தியாவைக் கேட்க வேண்டும். வாக்கெடுப்பு என்ற வார்த்தை உங்களுக்குப் பிடிக்கவில்லை என்றால், 13க்குப் பதிலாக நிரந்தர இறுதித் தீர்வைக் கேட்கவும். போருக்குப் பிறகு எந்தவொரு இறுதித் தீர்வும், எந்த இடத்திலும், பொலிஸ் அதிகாரம், காணி அதிகாரம் மற்றும் இறையாண்மை உட்படப் பலவற்றை உள்ளடக்கியது.

எனவே இறுதி தீர்வைக் கேளுங்கள், 13 அல்ல. இறுதித் தீர்வில் இயல்பாக 13 மும் இருக்கும். இறுதித் தீர்விற்குப் பதிலாக, இந்த அரசியல்வாதிகள் 13ஐ ஏன் கேட்கிறார்கள் என்று நாம் ஆச்சரியப்படுகிறோம். தமிழர்கள் அரவணைத்துச் செல்லும் தீர்வைக் கேட்க இதுவே சிறந்த தருணம்.

அதாவது பாதுகாப்பான, பாதுகாக்கப்பட்ட, மீளப் பெற முடியாத தமிழ் தாயகம். தமிழர்கள் எமது இலக்கை நல்வழியில் தீர்த்து வைப்பதற்கு தற்போதைய சூழ்நிலையே சிறந்த தருணம்.

1. UNHRC இல் இலங்கை போர்க்குற்றங்கள் குறித்து ICC விசாரணை நிலுவையில் உள்ளது.

2. கிழக்கு திமோரை சுதந்திர நாடாக மாற்றுவதற்கு முன் இந்தோனேசியாவைப் போன்று இலங்கையும் பொருளாதார நெருக்கடியில் உள்ளது.

3. தமிழர் பகுதிகளில் சீன ஊடுருவல்.

4. இலங்கை துறைமுகங்களைச் சீனர்கள் 99 ஆண்டுகள் குத்தகைக்கு எடுத்துள்ளனர்.

5. சீனாவுக்குக் கொடுப்பதற்கு சாவகச்சேரி , பருத்தித்துறை மற்றும் வடக்கில் மூன்று தீவுகள் பேரம் பேசும் சூழ்நிலையில் இருப்பதாகச் சந்தேகம் உள்ளது.

நமது அரசியல் வாதிகள் நமது நன்மைகளைப் பயன்படுத்துவதில்லை. 13 பயனற்றது என்பதை நாம் அனைவரும் அறிவோம். அதனால் தமிழ் அரசியல்வாதிகளும் பயனற்றவர்கள். நாம் புதிய தலைமையைக் கண்டுபிடித்து, அமெரிக்கா, ஐரோப்பிய ஒன்றியம் மற்றும் இந்தியாவை எவ்வாறு கையாள்வது என்பதை அவர்களுக்குப் பயிற்றுவிக்க வேண்டும்.

கொசோவா, தெற்கு சூடான், கிழக்கு திமோர் ஆகிய நாடுகளுடன் பணியாற்றிய அனுபவம் வாய்ந்த இராஜதந்திரிகளை அழைத்து பயிற்சி பெறலாம். இதற்குப் புலம்பெயர் அமைப்பின் உதவியை நாடலாம். புதிய சிந்தனைகளைப் பயமின்றி கற்றுச் செயல்படுத்தத் தயாராக இருக்கும் புதிய தலைமையைத் தேடுவோம்.

எங்களுக்குப் பழைய அதே சிந்தனை போதும்,அதனால் நாம் அழிந்தது போதும். நமது போலி, பயமுறும் தமிழ் அரசியல்வாதிகளுக்கு விடைகொடுப்போம். அவர்கள் தலைவர்கள் அல்ல, தமிழர்களின் பலவீனமான அணி . அவர்கள் ராஜினாமா செய்துவிட்டு வீட்டுக்குச் செல்ல வேண்டும் எனத் தெரிவித்துள்ளார்.