லங்காசிறி FM
ஊடகப் பயிற்சிகளுக்கு உதவி வழங்குவோம்! இந்தியத் தூதுவர் சந்தோஷ் ஜா உறுதி
இலங்கையிலுள்ள தமிழ் ஊடகர்களுக்கு தொழில்வாண்மைக்கான பயிற்சிகள் தேவைப்படின் அவற்றை வழங்க முடியுமென்று இலங்கைக்கான இந்திய உயர்ஸ்தானிகர் சந்தோஷ் ஜா(Santosh Jha) தெரிவித்துள்ளார்.
அகில இலங்கை தமிழ் ஊடகவியலாளர் ஒன்றியத்தின் பிரதிநிதிகளை கொழும்பிலுள்ள இந்திய தூதரகத்தில்(28) நேற்றையதினம் சந்தித்து கலந்துரையாடியபோது உயர்ஸ்தானிகர் இவ்வாறு குறிப்பிட்டுள்ளார்.
எதிர்நோக்கும் பிரச்சினைகள்
இந்த சந்திப்பில், தமிழ் ஊடகவியலாளர் எதிர்நோக்கும் பிரச்சினைகள், அவர்களுக்கு எதிரான அடக்குமுறைகள், ஊடகத் தொழிலை செய்யும்போது அவர்களுக்குத் தேவையான பயிற்சிகள், இலத்திரனியல் ஊடகவியலாளர்களுக்காக நவீன ஊடக பயிற்சிகள். ஊடகத் தொழிலுக்கு தேவையான உபகரணங்கள் உட்பட்ட பல விடயங்கள் தொடர்பில் கலந்துரையாடப்பட்டுள்ளன.
தமிழ் ஊடகத்துறை எதிர்நோக்கும் பிரச்சினைகளை அவதானமாக கேட்டுக்கொண்ட இந்திய உயர்ஸ்தானிகர். இந்தியாவில் நடைமுறையில் உள்ள நவீன ஊடக யுக்திகள் அச்சு, இலத்திரனியல் மற்றும் சமூக ஊடகங்கள் தொடர்பிலான பயிற்சி நெறிகளை வழங்குவதற்கு நடவடிக்கைகளை எடுப்பதாக குறிப்பிட்டுள்ளார்.
பிராந்திய செய்தியாளர்கள் எதிர்நோக்கும் பிரச்சினைகள், அவர்கள் மீதான அடக்குமுறைகள், விசாரணை என்ற பெயரில் மேற்கொள்ளப்படும் அழுத்தம், செய்திகள் எழுதுவதால் அவர்கள் எதிர்கொள்ளும் இன்னல்களை அகில இலங்கை தமிழ் ஊடகவியலாளர் ஒன்றியம் இந்த சந்திப்பில் விபரமாக குறிப்பிட்டுள்ளது.
தமிழ் ஊடகர்கள்
மேலும், மட்டக்களப்பு, கிளிநொச்சி யாழ்ப்பாணம் மற்றும் மலையகப்பகுதிகளில் ஊடகர்கள் மீது பிரயோகிக்கப்பட்ட அழுத்தங்களையும் எடுத்துரைத்துள்ளது.
அவ்வாறான சந்தர்ப்பங்களில் இராஜதந்திர மட்டங்களில் மேற்கொள்ளப்படவேண்டிய தலையீடுகளையும் ஒன்றியம் இதன்போது சுட்டிக்காட்டியுள்ளது.
இந்திய வீடமைப்புத் திட்டத்தின் கீழ் ஊடகவியலாளர்களுக்கு வீட்டு வசதிகளை செய்வது குறித்தான யோசனையொன்றும் ஒன்றியத்தால் தூதுவரிடம் முன்வைக்கப்பட்டுள்ளது.
அதேபோல் தமிழ் ஊடகர்கள் எதிர்கொள்ளும் சவால்கள் பிரச்சினைகள் குறித்து விரிவான மனு ஒன்றும் இந்த சந்திப்பின்போது உயர்ஸ்தானிகரிடம் கையளிக்கப்பட்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
