சுதந்திர தினத்தில் கோழிகள் மற்றும் முட்டைகளுடன் படையெடுக்கத் தயாராகும் குழுவினர்

Independence Day Sri Lanka Economic Crisis Sri Lanka Food Crisis

By Benat Jan 27, 2023 02:27 PM GMT

Benat

in இலங்கை

Report

இந்த அரசாங்கத்தால் பிரச்சினையை தீர்க்க முடியாவிட்டால், கோழி மற்றும் முட்டைகளுடன் சுதந்திர தின கொண்டாட்டத்திற்கு அணிவகுத்துச் செல்வோம் என அகில இலங்கை சிற்றுண்டிசாலை உரிமையாளர்கள் சங்கம் தெரிவித்துள்ளது.

75ஆவது சுதந்திர தினமான பெப்ரவரி 4ஆம் திகதிக்குள் தற்போதைய முட்டை பிரச்சினைக்கு தீர்வு காண வேண்டும், இல்லையெனில் கோழிகள் மற்றும் சேவல்களின் சத்தம் மக்களுக்கு கேட்கும் என சங்கத்தின் தலைவர் அசேல சம்பத் தெரிவித்துள்ளார்.

ஊடகங்களுக்கு கருத்துத் தெரிவிக்கும் போதே அவர் மேற்கண்டவாறு குறிப்பிட்டார்.

தொடர்ந்தும் தெரிவிக்கையில்,

நாட்டின் முட்டைப் பிரச்சினையைத் தீர்ப்பதற்காக பொது நிறுவனங்களுக்கான குழு (கோப்) அதன் வரலாற்றில் முதல் முறையாக நுகர்வோர் விவகார ஆணையத்தை சந்திக்க வேண்டியிருந்தது என்பதைக் கேட்பது வெட்கக்கேடானது.

கோழிகள் மற்றும் சேவல்களின் சத்தையும் மக்கள் கேட்கக்கூடும்

சுதந்திர தினத்தில் கோழிகள் மற்றும் முட்டைகளுடன் படையெடுக்கத் தயாராகும் குழுவினர் | Independence Day Of Sri Lanka

முட்டை பிரச்சினையை தீர்க்காமல் நாட்டை கட்டியெழுப்புவதில் இந்த அரசியல்வாதிகள் எவ்வாறு ஈடுபடுகிறார்கள் என்பது கேள்வியாக உள்ளது.

அவர்கள் அரசியலமைப்புகள் மற்றும் பல பெரிய தலைப்புகளைப் பற்றி பேசுகிறார்கள், ஆனால் முட்டை பிரச்சினையை தீர்க்க முடியாது.

எவ்வாறாயினும், பெப்ரவரி 4 ஆம் திகதிக்குள் இந்த முட்டைப் பிரச்சினை தீர்க்கப்படாவிட்டால், துப்பாக்கி வேட்டுக்களின் மத்தியில் கோழிகள் மற்றும் சேவல்களின் சத்தையும் மக்கள் கேட்கக்கூடும் என குறிப்பிட்டுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை