லங்காசிறி FM
பெருந்தோட்டத் தொழிலாளர்களின் சம்பள அதிகரிப்பு விவகாரம்: சபையில் ஆளும் தரப்பு விளக்கம்
பெருந்தோட்டத் தொழிலாளர்களின் சம்பளம் அதிகரிக்கப்பட வேண்டும் என்ற நிலைப்பாட்டில் அரசாங்கம் இன்னமும் இருப்பதாக நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க தெரிவித்துள்ளார்.
இந்த விடயத்தில் அரசாங்கம் தொடர்ந்தும் தலையிட்டு வருவதாக அமைச்சர் வலியுறுத்தியுள்ளார்.
நாடாளுமன்றத்தில் இன்று (24) கண்டி மாவட்ட நாடாளுமன்ற உறுப்பினர் வேலு குமார் எழுப்பிய கேள்விக்கு பதிலளிக்கும் போதே அமைச்சர் மேற்கண்டவாறு தெரிவித்துள்ளார்.
வேலு குமார் - “மே முதலாம் திகதி பெருந்தோட்டத் தொழிலாளர்களின் சம்பளம் தொடர்பான விசேட வர்த்தமானி அறிவித்தல் வெளியிடப்பட்டது.
கொட்டகலையில் நடைபெற்ற கூட்டமொன்றில் கலந்து கொண்ட ஜனாதிபதி, சம்பளத்தை 1700 ரூபாவினால் அதிகரிப்பதாக உறுதியளித்தார்.
அரசின் நிலைப்பாடு
அந்த வர்த்தமானி மே 21 அன்று மீண்டும் திருத்தப்பட்டு மற்றுமொரு வர்த்தமானி வெளியிடப்பட்டது. ஜூன் 10 ஆம் திகதி அனைத்து வர்த்தமானிகளும் இரத்து செய்யப்பட்டு மற்றொரு வர்த்தமானி வெளியிடப்பட்டது.
தொழிலாளர்களின் சம்பள உயர்வு குறித்து அரசின் நிலைப்பாடு என்ன என்று கேட்க விரும்புகிறேன். கடந்த வாரம் ஈரானுக்கு தேயிலையை ஏற்றுமதி செய்வதன் மூலம் எமது நாட்டின் டொலர் கடனில் 60 வீதத்தை செலுத்த முடிந்துள்ளது.
எமது நாட்டுக்கு டொலர்களை கொண்டு வரும் மக்களின் வாழ்க்கை நிலைமை இன்று கீழ் மட்டத்திற்கு வீழ்ச்சியடைந்துள்ளது.
வர்த்தமானியை ரத்து செய்ததன் பின்னர் அரசாங்கத்தின் ஸ்திரத்தன்மை என்ன?” இவ்வாறு வேலு குமார் கேள்வி எழுப்பியுள்ளார்.
சம்பளம் அதிகரிப்பு
இதற்கு பதில் வழங்கிய பிரசன்ன ரணதுங்க - “பெருந்தோட்டத் தொழிலாளர்களின் சம்பளம் அதிகரிக்கப்பட வேண்டும் என்பதே அரசாங்கத்தின் ஸ்திரத்தன்மை.
அதனால்தான் அரசு தலையிட்டு இந்த விஷயத்தில் தொடர்ந்து வேலை செய்கிறது.
முதலாளி நீதிமன்றத்திற்குச் சென்றுள்ளதாலும், வழக்கு நிலுவையில் உள்ளதாலும் இது தொடர்பாக என்னால் அறிக்கை அளிக்க முடியாது.
அரசின் நிலைப்பாட்டில் எந்த மாற்றமும் இல்லை. நாமும் அதே நிலையில்தான் இருக்கிறோம்.” என கூறியுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
அமெரிக்காவின் இந்தோ–பசிபிக் மூலோபாயத்தில் இலங்கைத்தீவு 19 மணி நேரம் முன்
புங்குடுதீவு 12ம் வட்டாரம், மாவிட்டபுரம், கிளிநொச்சி, Toronto, Canada
26 Dec, 2025
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
கொக்குவில், Herning, Denmark, London, United Kingdom
28 Dec, 2025
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022
