சுற்றுலாத்துறை மூலம் கிடைக்கும் வருவாய் அதிகரிப்பு

Central Bank of Sri Lanka Sri Lanka Economic Crisis Sri Lanka Tourism Tourism

By Steephen Dec 20, 2022 04:55 AM GMT

Steephen

in பொருளாதாரம்

Report

கடந்த 2021 ஆம் ஆண்டுடன் ஒப்படும் போது 2022 ஆம் ஆண்டில் சுற்றுலாத்துறையின் மூலம் கிடைத்த வருமானம் 855.8 மில்லியன் அமெரிக்க டொலர்கள் அதிகரித்துள்ளது என இலங்கை மத்திய வங்கி தெரிவித்துள்ளது.

சுற்றுலாத்துறை மூலம் 1129.4 மில்லியன் டொலர் வருமானம்

கடந்த 2021 ஆம் ஆண்டின் ஜனவரி மாதம் முதல் நவம்பர் மாதம் வரையான 11 மாத காலத்தில் சுற்றுலாத்துறை மூலம் மொத்தமாக 273.6 மில்லியன் அமெரிக்க டொலர்கள் வருவாயாக கிடைத்தது.

2022 ஆம் ஆண்டில் அந்த வருமானமானது ஆயிரத்து 129.4 மில்லியன் அமெரிக்க டொலர்களாக அதிகரித்துள்ளது.

சுற்றுலாத்துறை மூலம் கிடைக்கும் வருவாய் அதிகரிப்பு | Increase In Revenue From Tourism

இதனிடையே 2021 ஆம் ஆண்டு முதல் 2022 ஆம் ஆண்டு வரை இலங்கைக்கு வந்த சுற்றுலாப் பயணிகளின் எண்ணிக்கை ஒரு லட்சத்து 4 ஆயிரத்து 989 முதல் 6 லட்சத்து 28 ஆயிரத்து 17 வரை அதிகரித்துள்ளது.

2022 ஆம் ஆண்டில் மாத்திரம் இதுவரை 5 லட்சத்து 23 ஆயிரத்து 28 வெளிநாட்டு சுற்றுலாப் பயணிகள் இலங்கை வந்துள்ளனர்.

நவம்பர் மாதம் 59 ஆயிரத்து 759 சுற்றுலாப் பயணிகள் வருகை

சுற்றுலாத்துறை மூலம் கிடைக்கும் வருவாய் அதிகரிப்பு | Increase In Revenue From Tourism

2021 ஆம் ஆண்டு நவம்பர் மாதத்துடன் ஒப்பிடும் போது 2022 ஆம் ஆண்டு நவம்பர் 44 ஆயிரத்து 294 இருந்து 59 ஆயிரத்து 759 ஆக அதிகரித்துள்ளது. கடந்த நவம்பர் மாதத்தில் மேலதிக 15 ஆயிரத்து 465 சுற்றுலாப் பயணிகள் வருகை தந்துள்ளனர்.

மேலும் வெளிநாடுகளில் தொழில் புரியும் இலங்கையர்கள் அனுப்பி வைக்கும் அந்நிய செலாவணியானது 2021 ஆம் ஆண்டுடன் ஒப்பிடும் போது 2022 ஆம் ஆண்டில் கடந்த 11 மாதங்களில் 1021.7 பில்லியன் ரூபாவில் இருந்து 1079.8 பில்லியன் ரூபா வரை அதிகரித்துள்ளது எனவும் இலங்கை மத்திய வங்கி வங்கி மேலும் தெரிவித்துள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை