லங்காசிறி FM
விமானப்படையிடம் ஒப்படைக்கப்படவுள்ள புறக்கோட்டை பேருந்து நிலைய மேம்பாடு!
கிளீன் சிறிலங்கா வேலை திட்டத்தின் கீழ் புறக்கோட்டை மத்திய பேருந்து நிலையத்தை விமானப்படையின் நேரடி பங்களிப்புடன் அபிவிருத்தி செய்வதற்கு அமைச்சரவை ஒப்புதல் பெறப்பட்டுள்ளது.
பல தசாப்தங்களாக பழுதுபார்ப்பு மற்றும் மேம்படுத்தல்கள் இல்லாததால், புறக்கோட்டை மத்திய பேருந்து நிலையத்தின் அணுகல் சாலைகள், பேருந்து நிறுத்துமிடங்கள், பயணிகள் நிறுத்துமிடங்கள், ஓட்டுநர் - நடத்துனர் ஓய்வறைகள், நிர்வாக கட்டிடங்கள், சுகாதாரம் மற்றும் வடிகால் அமைப்புகள் இப்போது மிகவும் பாழடைந்த நிலையில் காணப்படுகின்றன.
இந்த சூழ்நிலையால், புறக்கோட்டை மத்திய பேருந்து நிலையத்தைப் பயன்படுத்தும் பயணிகள், ஓட்டுநர்கள், நடத்துனர்கள் மற்றும் இயக்க ஊழியர்கள் கடுமையான சிரமங்களை எதிர்கொள்ள வேண்டியுள்ளது.
புறக்கோட்டை மத்திய பேருந்து நிலையம்
எனவே, இன்றைய காலத்திற்கு ஏற்றவாறு புறக்கோட்டை மத்திய பேருந்து நிலையத்தைப் புதுப்பித்தல் மற்றும் மேம்படுத்துதல் அவசரத் தேவையாக அடையாளம் காணப்பட்டுள்ளது.
இந்நிலையில் தொடர்புடைய நவீனமயமாக்கல் மற்றும் மேம்பாட்டுப் பணிகளுக்கு சுமார் ரூ. 425 மில்லியன் செலவிடப்படும் என்று மதிப்பிடப்பட்டுள்ளது.
இதன்படி, இலங்கை விமானப்படையின் நேரடி தொழிலாளர் பங்களிப்பு மற்றும் கொழும்பு மாநகர சபை, இலங்கை மின்சார சபை, தேசிய நீர் வழங்கல் மற்றும் வடிகால் ஆணையகம், சாலை மேம்பாட்டு ஆணையகம்மற்றும் நகர அபிவிருத்தி அதிகாரசபை உள்ளிட்ட பிற தொடர்புடைய நிறுவனங்களின் பங்களிப்பு மற்றும் ஒத்துழைப்புடன் 'சுத்தமான இலங்கை' திட்டத்திற்காக ஒதுக்கப்பட்ட நிதியைப் பயன்படுத்தி புறக்கோட்டை மத்திய பேருந்து நிலையத்தை நவீனமயமாக்கி அபிவிருத்தி செய்வதற்காக போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து அமைச்சர் சமர்ப்பித்த முன்மொழிவுக்கு அமைச்சரவை அங்கீகாரம் அளித்துள்ளது.
நல்லூர் கந்தசுவாமி கோவில் 10ஆம் நாள் திருவிழா
ஐ.நா ஒப்பாரி மண்டப நாட்டாமைக்கு ஈழத் தமிழரின் கடிதம் 7 மணி நேரம் முன்
புங்குடுதீவு 4ம் வட்டாரம், புங்குடுதீவு 1ம் வட்டாரம், Drancy, France
08 Aug, 2023
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
கொழும்பு, வவுனியா, யாழ்ப்பாணம், வண்ணார்பண்ணை, ஊரெழு, Bad Nauheim, Germany, Tolworth, United Kingdom
02 Aug, 2025
