ஹூதி தாக்குதல்கள் : இதுவரை இல்லாத அளவு உயர்ந்துள்ள கச்சா எண்ணெய் விலை

கடந்த வார இறுதியில் யேமன் ஹூதிகள் இஸ்ரேல் மீது தங்களது முதல் தாக்குதல்களைத் தொடங்கியதைத் தொடர்ந்து, மத்திய கிழக்கில் ஈரானுக்கு எதிரான அமெரிக்க - இஸ்ரேல் போர் விரிவடைந்த நிலையில், திங்களன்று எண்ணெய் விலைகள் மேலும் ஏற்றம் கண்டுள்ளன.

பிரென்ட் கச்சா எண்ணெய் உயர்வை நோக்கிச் சென்றுள்ளது.

வெள்ளிக்கிழமை 4.2வீதம் உயர்ந்து பீப்பாய்க்கு 3.94டொலர் (3.5%) அதிகரித்து 116.51டொலராக இருந்தது.

ரட்ணஜீவன் கூலுக்கு எதிராக 100 கோடி ரூபாய் இழப்பீடு கோரி அவதூறு வழக்கு

ஈரான் அரசாங்கத்தின் உட்கட்டமைப்புகள் மீது தாக்குதல் 

ஈரானுடன் 'நேரடி மற்றும் மறைமுக' பேச்சுவார்த்தைகள் நடைபெற்று வருவதாக ட்ரம்ப் கூறிவந்தபோதிலும், போரைப் பேச்சுவார்த்தை மூலம் முடிவுக்குக் கொண்டுவரும் சாத்தியக்கூறை சந்தை ஏறக்குறைய நிராகரித்துவிட்டது.

மேலும், இராணுவ மோதல்கள் கடுமையாக அதிகரிக்கக்கூடும் என தெரிவிக்கப்பட்டுள்ளது.

இது கச்சா எண்ணெய்க்கு ஒரு ஏற்றமான சமிக்ஞையாகும். இருப்பினும், இதன் விளைவின் நேரம் மற்றும் தன்மை குறித்து பெரும் நிச்சயமற்ற தன்மைகள் நிலவுகின்றன என்று எண்ணெய் சந்தை பகுப்பாய்வு நிறுவனமான வாண்டா இன்சைட்ஸின் நிறுவனர் வந்தனா ஹரி கூறியுள்ளார்.

அமெரிக்காவும் ஈரானும் "நேரடியாகவும் மறைமுகமாகவும்" சந்தித்து வருவதாகவும், ஈரானின் புதிய தலைவர்கள் "மிகவும் நியாயமானவர்களாக" இருப்பதாகவும் அமெரிக்க ஜனாதிபதி டொனால்ட் ட்ரம்ப் கூறியுள்ளார்.

இந்நிலையில், அப்பகுதிக்கு மேலும் அமெரிக்கப் படைகள் வந்தடைந்துள்ளன. இதற்கிடையில், தெஹ்ரான் முழுவதும் ஈரான் அரசாங்கத்தின் உட்கட்டமைப்புகள் மீது தாக்குதல் நடத்தி வருவதாக இஸ்ரேலிய இராணுவம் திங்களன்று கூறியுள்ளது.

செங்கடலைச் சுற்றியுள்ள கப்பல் போக்குவரத்து

உலகின் எண்ணெய் மற்றும் எரிவாயு விநியோகத்தில் ஐந்தில் ஒரு பங்கிற்கு வழித்தடமாக விளங்கும் ஹார்முஸ் நீரிணையை ஈரான் மோதல் திறம்பட மூடியதைத் தொடர்ந்து, பிரென்ட் கச்சா எண்ணெய் விலை இந்த மாதம் 59வீதம் உயர்ந்து, 1990 வளைகுடாப் போரின்போது காணப்பட்ட ஆதாயங்களை விஞ்சியுள்ளது.

இதுவே இதுவரை இல்லாத மிகப்பெரிய மாதாந்த உயர்வாகும்.

பெப்ரவரி 28 அன்று ஈரான் மீது அமெரிக்க மற்றும் இஸ்ரேலியப் படைகள் நடத்திய தாக்குதல்களுடன் தொடங்கப்பட்ட இந்தப் போர், மத்திய கிழக்கு முழுவதும் பரவி, அரேபிய தீபகற்பம் மற்றும் செங்கடலைச் சுற்றியுள்ள கப்பல் போக்குவரத்துப் பாதைகள் குறித்த கவலையை எழுப்பியுள்ளது.

ஈரான் இஸ்ரேல் மீது பல கட்டங்களாக ஏவுகணைகளை ஏவியதாகவும் போர் தொடங்கியதிலிருந்து இரண்டாவது முறையாக ஏமனில் இருந்தும் தாக்குதல் நடத்தப்பட்டதாகவும் இஸ்ரேலிய இராணுவம் தெரிவித்தது .

"மோதல் இனி பாரசீக வளைகுடா மற்றும் ஹோர்முஸ் நீரிணையைச் சுற்றியுள்ள பகுதிகளில் மட்டும் குவிந்திருக்கவில்லை, மாறாக இப்போது செங்கடல் மற்றும் பாப் எல்-மண்டேப் வரை பரவியுள்ளது.

இது கச்சா எண்ணெய் மற்றும் சுத்திகரிக்கப்பட்ட பொருட்களின் போக்குவரத்திற்கான உலகின் மிக முக்கியமான நெரிசல் மிகுந்த பகுதிகளில் ஒன்றாகும் என்று நடாஷா கனேவா தலைமையிலான ஜேபி மோர்கன் ஆய்வாளர்கள் ஒரு குறிப்பில் தெரிவித்துள்ளனர்.

தரைவழித் தாக்குதலுக்குப் பதிலடி

ஈரானில் நடந்த போர், உலகப் பொருளாதாரத்தை வளர்ச்சிப் பாதையிலிருந்து தள்ளிவிட்டது என OECD அமைப்பு தெரிவித்துள்ளது.

ஹோர்முஸ் நீரிணையிலிருந்து செங்கடலில் உள்ள யான்பு துறைமுகத்திற்குத் திருப்பிவிடப்பட்ட சவூதி கச்சா எண்ணெய் ஏற்றுமதி, கடந்த வாரம் ஒரு நாளைக்கு 4.658 மில்லியன் பீப்பாய்களை எட்டியதாக, கேப்லர் என்ற பகுப்பாய்வு நிறுவனத்தின் தரவுகள் காட்டுகின்றன.

யான்புவிலிருந்து ஏற்றுமதி தடைபட்டால், சவூதி எண்ணெய் மத்தியதரைக் கடலுக்குச் செல்லும் எகிப்தின் சுயஸ் -மத்தியதரைக் கடல் (SUMED) குழாய்வழியை நோக்கித் திருப்பப்பட வேண்டியிருக்கும் என்று ஜேபி மோர்கன் ஆய்வாளர்கள் தெரிவித்துள்ளனர்.

போர்நிறுத்தப் பேச்சுவார்த்தைகளைத் தொடங்குவதற்கான முயற்சிகள் மேற்கொள்ளப்பட்ட போதிலும், வார இறுதியில் அப்பகுதியில் தாக்குதல்கள் தீவிரமடைந்து ஓமானின் சலாலா முனையம் சேதமடைந்தது.

அமெரிக்காவின் தரைவழித் தாக்குதலுக்குப் பதிலடி கொடுக்கத் தயாராக இருப்பதாகக் கூறிய ஈரான், பேச்சுவார்த்தைகளை நாடிய அதே வேளையில் வொஷிங்டன் ஒரு தரைவழித் தாக்குதலுக்குத் தயாராகி வருவதாக குற்றம் சாட்டியது.

பிராந்தியத்தில் போரை விரைவாகவும் நிரந்தரமாகவும் முடிவுக்குக் கொண்டுவருவதற்கான சாத்தியமான வழிகள் குறித்தும், இஸ்லாமாபாத்தில் நடைபெற வாய்ப்புள்ள அமெரிக்க - ஈரான் பேச்சுவார்த்தைகள் குறித்தும் தாங்கள் விவாதித்ததாக பாகிஸ்தான் வெளியுறவு அமைச்சர் இஷாக் டார் தெரிவித்தார்.  

மார்ச் 31ஆம் திகதிக்கு பின்னரான எரிபொருள் விநியோகம் குறித்து வெளியான அறிவிப்பு