மன்னார் - முருங்கன் பகுதியில் கோர விபத்து: வயோதிப பெண் ஒருவர் பலி

Mannar Sri Lanka Sri Lanka Police Investigation

By Ashik Jun 21, 2024 06:55 PM GMT

Ashik

in விபத்து

Report

மன்னார்(Mannar) - மதவாச்சி பிரதான வீதி, முருங்கன் பொலிஸ் பிரிவிற்கு உட்பட்ட இசைமாலைத் தாழ்வு பகுதியில் ஹயஸ் ரக வாகனம் மின் கம்பத்துடன் மோதி விபத்துக்கு உள்ளாகியதில் அதில் பயணித்த 14 பேர் காயமடைந்துள்ளதுடன் வயோதிப பெண் ஒருவர் உயிரிழந்துள்ளார்.

இந்த விபத்துச் சம்பவமானது இன்று (21.06.2024)மாலை இடம்பெற்றுள்ளது.

பொலிஸ் விசாரணை

கல்முனையில் இருந்து மன்னார் மறிச்சுக்கட்டி பிரதேசத்திற்கு வருகை தந்தவர்களின் ஹயஸ் ரக வாகனம் முருங்கன், இசைமாலை தாழ்வு, நரிக்காடு வளைவு பகுதியில் உள்ள மின் கம்பத்துடன் மோதி விபத்துக்கு உள்ளாகியுள்ளது.

விபத்தில் காயமடைந்த அனைவரும் முருங்கன் வைத்தியசாலைக்கு கொண்டு செல்லப்பட்டு மேலதிக சிகிச்சைக்காக 7 பேர் மன்னார் மாவட்ட பொது வைத்தியசாலைக்கு மாற்றப்பட்டுள்ளனர்.

இந்நிலையில், இவர்களில் வயோதிப பெண் ஒருவர் சிகிச்சை பலனின்றி உயிரிழந்துள்ளார்.

மன்னார் - முருங்கன் பகுதியில் கோர விபத்து: வயோதிப பெண் ஒருவர் பலி | Horrible Accident In Mannar Murungan Area

இதேவேளை, வாகனத்தில் பயணித்தவர்கள் ஒரே குடும்பத்தைச் சார்ந்த உறவினர்கள் என பொலிஸ் விசாரணையில் தெரிய வந்துள்ளது. மேலும், விபத்து தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.