மட்டக்களப்பிற்கு விஜயம் மேற்கொண்டுள்ள சுகாதார அமைச்சர்

சுகாதார அமைச்சர் வைத்தியர் ரமேஷ் பத்திரண மட்டக்களப்பு போதனா வைத்தியசாலைக்கு விஜயம் மேற்கொண்டுள்ளார்.

இதன்போது அவர் தலைமையில் முழுமையான சிகிச்சை முறை எனும் தலைப்பில் கிழக்கு மாகாண மட்டத்தில் சுகாதார துறைசார்ந்து நிலவும் குறைபாடுகளை நிவர்த்திப்பது தொடர்பான விசேட கலந்துரையாடலொன்று இன்று (16.02.2024) இடம் பெற்றுள்ளது.

குறித்த கலந்துரையாடலானது மட்டக்களப்பிலுள்ள கிழக்கு மாகாண சுகாதார பயிற்சி நிலையத்தில் கிழக்கு மாகாண சுகாதார சேவைகள் பணிப்பாளர் வைத்தியகலாநிதி டீ.ஜீ.எம்.கொஸ்தா அவர்களின் ஏற்பாட்டில் நடைபெற்றுள்ளது.

யாழில் தவளையுடன் விற்பனை செய்யப்பட்ட ஐஸ்கிறீம்: நீதிமன்றம் பிறப்பித்துள்ள உத்தரவு

சுகாதார துறை சார் குறைபாடுகள்

கிழக்கு மாகாணத்தில் உள்ள நான்கு பிராந்திய சுகாதார பணிமனைகளின் கீழுள்ள வைத்தியசாலைகளில் நிலவும் சுகாதாரத்துறை சார் பிரச்சினைகள் தொடர்பாக அமைச்சருக்கு சுகாதார துறை சார் அதிகாரிகளினால் விளக்கமளிக்கப்பட்டதுடன், மாவட்டத்திற்கு முக்கிய தேவைகளாக காணப்படும் பல சுகாதார துறை சார் குறைபாடுகளை மாவட்டத்தின் இராஜாங்க அமைச்சர்களான சிவநேசதுரை சந்திரகாந்தன், எஸ்.வியாழேந்திரன் மற்றும் நாடளுமன்ற உறுப்பினர்களான இரா.சாணக்கியன், பைசல் காசீம் ஆகியோரினாலும் பல குறைபாடுகள் இதன் போது அமைச்சருக்கு சுட்டிக்காட்டப்பட்டுள்ளது.

அத்தோடு மாவட்டத்தில் மிக முக்கிய பிரச்சினைகளாக காணப்படும் ஒசுசல, lCU பற்றாக்குறை, ஆளணி பற்றாக்குறை, வாகன பற்றாக்குறை, பின்தங்கிய கிராமங்களில் காணப்படும் வைத்தியசாலைகளை மேம்படுத்துவதன் அவசியம் மற்றும் பழமை வாய்ந்த வாழைச்சேனை வைத்தியசாலையினை தரமுயர்த்துவது தொடர்பாகவும் இராஜாங்க அமைச்சர்களால் இதன் போது அமைச்சருக்கு விளக்கமளிக்கப்பட்டுள்ளது.

மன்னாரில் 10 வயதான சிறுமிக்கு நேர்ந்த துயரம்: வெளியான அதிர்ச்சித் தகவல்

நிதி ஒதுக்கீடு

குறைகளை கேட்டறிந்துகொண்ட அமைச்சர் அவற்றிற்கான தீர்வுகளை தாம் மிக விரைவில் பெற்றுத் தருவதாகவும், கிழக்கு மாகாண ஆளுநரினால் நிவர்த்திக்க முடியுமான சில விடயங்களை அவர் முடித்துத் தருவார் என தெரிவித்ததுடன், பாரிய செலவில் முன்னெடுக்கப்பட வேண்டிய குறைபாடுகளை அடுத்த ஆண்டிற்கான நிதி ஒதுக்கீட்டில் நிவர்த்திப்பதாகவும் தெரிவித்துள்ளார்.

இந்நிகழ்வில் கிழக்கு மாகாண ஆளுநர் செந்தில் தொண்டமான், மட்டக்களப்பு மாவட்ட ஒருங்கிணைப்பு குழு தலைவரும் இராஜாங்க அமைச்சருமான சிவநேசதுரை சந்திரகாந்தன், இராஜாங்க அமைச்சர் எஸ்.வியாழேந்திரன், நாடளுமன்ற உறுப்பினர்களான பைசல் காசீம், இரா.சாணக்கியன், அமைச்சுக்களின் செயலாளர்கள், மட்டக்களப்பு மாவட்ட அரசாங்க அதிபர் ஜஸ்டினா முரளிதரன், கிழக்கு மாகாணத்தின் பிராந்திய சுகாதார பணிப்பாளர்கள், திணைக்களம் சார் உயரதிகாரிகள் உள்ளிட்டோர் கலந்து கொண்டிருந்தனர்.

பதவி மோகத்தில் தமிழரசுக் கட்சியைச் சிதைக்க சதி – சம்பந்தன் காட்டம்

இலங்கை ரூபாவிற்கு எதிராக இன்று பதிவாகியுள்ள டொலரின் பெறுமதி

மேலதிக செய்தி-ருசாத்