வடக்கில் 10 ஆண்டுகளில் 86302 அபாயகரமான வெடிபொருட்கள் அகற்றல்

By Sudaron Oct 08, 2026 05:39 AM GMT

Sudaron

in சமூகம்

Report

வடக்கு பகுதியில் கண்ணிவெடி அகற்றலில் கடந்த பத்து ஆண்டுகளில் 3978110சதுரமீற்றர் பரப்பளவில் ( sqm ) இருந்து 86302 அபாயகரமான வெடிபொருட்களை அகற்றியுள்ளதாக தெரிவிக்கப்பட்டுள்ளது.

யுத்தத்தின் பின்னர் மீள்குடியேற்றம் விவசாய நடவடிக்கைகள் ஏனைய உட்கட்டுமான வசதிகளை விரைவு படுத்தும் நோக்கில் வெடிபொருள் அகற்றும் பணிகள் பல்வேறு தொண்டு நிறுவனங்களால் முன்னெடுக்கப்பட்டு வருகின்றன.

அபாயகரமான வெடிபொருட்கள்

மனிதாபிமான கண்ணிவெடி அகற்றும் நிறுவனங்களில் ஒன்றான ஸார்ப் நிறுவனம் கடந்த பத்து ஆண்டுகளில் எண்பத்தாறாயிரத்து முன்நூற்றி இரண்டு (86இ302) அபாயகரமான வெடிபொருட்களை அகற்றியுள்ளது.

வடக்கில் 10 ஆண்டுகளில் 86302 அபாயகரமான வெடிபொருட்கள் அகற்றல் | Hazardous Explosives Cleared Northern Province

இதுதொடர்பில் அனுப்பி வைத்துள்ள ஊடக அறிக்கையில், 2016 ஆம் ஆண்டு நவம்பர் மாதம் தொடக்கம் 2026 செப்டெம்பர் மாதம் வரையான காலப்பகுதியில் முல்லைத்தீவு மாவட்டத்தின் மாங்குளம், கொக்காவில் பகுதியிலும்; ,புதுக்குடியிருப்பு பிரதேச செயலக பிரிவின் கீழ் உள்ள பகுதியிலும்; கிளிநொச்சி மாவட்டத்தின் பச்சிலைப்பள்ளி பிரதேச செயலக பிரிவின் கீழ் உள்ள முகமாலை, கிளாலி, இயக்கச்சி மற்றும் ஆனையிறவிலும் கண்டாவளை பிரதேச செயலக பிரிவின் கீழ் உள்ள தட்டுவன்கொட்டி பகுதியிலும் யாழ் மாவட்டத்தின் சாவகச்சேரி பிரதேச செயலக பிரிவின் கீழ் உள்ள கெற்பேலி பகுதியிலும் இதுவரை 3978110 sqm இருந்து 86302 அபாயகரமான வெடிபொருட்களை அகற்றியுள்ளது.