லங்காசிறி FM
பேராசிரியர் ஸ்டீவ் ஹான்கேயின் கூற்றுடன் முரண்படும் மத்திய வங்கி ஆளுநர்
இலங்கை தனது மொத்த உள்நாட்டு உற்பத்தி (GDP) மற்றும் பணவீக்க எண்களை அளவிடுவதில் சர்வதேச ரீதியில் ஏற்றுக்கொள்ளப்பட்ட தரங்களைப் பயன்படுத்துகிறது என மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார்.
இந்நிலையில், நாட்டின் பணவீக்க எண்கள் தவறானவை என்ற பொருளாதார நிபுணரும் ஜான் ஹாப்கின்ஸ் பல்கலைக்கழகத்தின் பேராசிரியருமான ஸ்டீவ் ஹான்கேயின் கூற்றுகளையும் அவர் மறுத்துள்ளார்.
“தனிநபர்கள் வெவ்வேறு வழிகளில் பணவீக்கத்தை அளவிட முடியும். பேராசிரியர் ஹான்கே பணவீக்கத்தை அளவிடும் முறை பலரால் ஏற்றுக்கொள்ளப்பட்டதாக நான் நினைக்கவில்லை, ஏனெனில் அவர் பயன்படுத்தும் முறை வெளிப்படையாகக் குறிப்பிடப்படவில்லை ” என்று கலாநிதி வீரசிங்க தெரிவித்தார்.
இலங்கையில் வருடாந்த பணவீக்கம் வருடாந்தம் 54.6 வீதம்
“இலங்கை மத்திய வங்கி மே மாதத்திற்கான பணவீக்க எண்களை வெளியிட்டுள்ளது. இலங்கையில் வருடாந்த பணவீக்கம் வருடாந்தம் 54.6 வீதம் என்று அதில் கூறப்பட்டுள்ளது.
எனினும் இது தவறு. இன்று, வருடாந்தர பணவீக்கத்தை 113.16 வீதம் என்று துல்லியமாக அளவிடுகிறேன்.
The Central Bank of Sri Lanka has released inflation numbers for May. It claims that annual inflation in Sri Lanka is 54.6%/yr. WRONG! Today, I accurately measure annual inflation at 113.16%/yr, more than 2x the official rate. pic.twitter.com/BsuwTaN6OU
— Steve Hanke (@steve_hanke) July 7, 2022
இது அதிகாரப்பூர்வ விகிதத்தை விட இரண்டு மடங்கு அதிகமாகும் என பேராசிரியர் ஸ்டீவ் ஹான்கே தனது டுவிட்டர் பக்கத்தில் குறிப்பிட்டிருந்தார்.
பணவீக்கத்தை முடிவுக்குக் கொண்டு வர, 1884-1950 க்கு இடையில் இருந்ததைப் போன்ற நாணயப் கொள்கையை நிறுவுமாறு இலங்கையை ஹான்கே வலியுறுத்தியுள்ளார்.
Today, I accurately measure inflation in Sri Lanka at 113.16%/yr, more than 2x the false official inflation rate of 54.6%/yr. To end inflation, Sri Lanka has to mothball the central bank and install a currency board, like the one it had from 1884-1950. pic.twitter.com/MvgtTJ3dj9
— Steve Hanke (@steve_hanke) July 7, 2022
ஹங்கேவின் பணவீக்க எண்கள் உலகளாவிய ரீதியில் ஏற்றுக்கொள்ளப்படவில்லை
எவ்வாறாயினும், பேராசிரியர் ஹங்கேவின் பணவீக்க எண்கள் உலகளாவிய ரீதியில் ஏற்றுக்கொள்ளப்படாவிட்டால், இவற்றை அடிப்படையாகக் கொண்ட எந்தவொரு பரிந்துரைகளையும் ஏற்றுக்கொள்வது கடினம் என்று கலாநிதி வீரசிங்க கூறினார்.
இதனிடையே, 2022 ஜூன் மாதத்திற்கான தவறான பணவீக்கப் புள்ளிவிவரங்களை பாகிஸ்தானின் புள்ளியியல் அலுவலகம் வெளியிட்டதாக பேராசிரியர் ஹான்கே குற்றம் சாட்டினார்.
ஏனெனில் உண்மையான பணவீக்க புள்ளிவிவரங்கள் பாகிஸ்தான் அரசாங்கத்தால் வெளியிடப்பட்ட அதிகாரப்பூர்வ எண்களை விட இரண்டு மடங்கு அதிகம் என்று அவர் கூறியுள்ளார்.
Today, I accurately measure inflation in Pakistan at 42.597%, 2x the bogus official inflation rate of 21.32%/yr. To kill inflation, Pakistan has to mothball the State Bank and install a currency board. pic.twitter.com/LyPhF4omMx
— Steve Hanke (@steve_hanke) July 7, 2022
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
சுழிபுரம் மேற்கு, London, United Kingdom, South Wales, United Kingdom
19 Jan, 2025
