சாதகமான மட்டத்தை அடைந்துள்ள நாணய மாற்று வீதம்! மத்திய வங்கி ஆளுநரின் அறிவிப்பு

Central Bank of Sri Lanka Nandalal Weerasinghe Sri Lanka Economic Crisis Exchange Rate Economy of Sri Lanka

By Benat Jun 15, 2023 01:12 PM GMT

Benat

in பொருளாதாரம்

Report

இலங்கை தொடர்பில் சர்வதேச நாணய நிதிய அதிகாரிகளின் முதலாவது மீளாய்வுச்செயன்முறை எதிர்வரும் செப்டெம்பர் மாதம் நடைபெறவுள்ள நிலையில், அதன்பின்னர் பொருளாதாரக் குறிகாட்டிகள் மற்றும் மறுசீரமைப்புக்கள் என்பன தொடர்பான நிபந்தனைகளில் சில மாற்றங்கள் மேற்கொள்ளப்படக்கூடும் என மத்திய வங்கியின் ஆளுநர் நந்தலால் வீரசிங்க தெரிவித்துள்ளார்.

இது குறித்து அவர் மேலும் குறிப்பிடுகையில்,

பொருளாதாரக் குறிகாட்டிகள் எதிர்பார்க்கப்பட்டதை விடவும் மிகவேகமாக முன்னேற்றமடைந்து வருகின்றபோதிலும், சர்வதேச நாணய நிதியத்தினால் மதிப்பிடப்பட்ட தரவுகளை அடிப்படையாகக்கொண்டு தயாரிக்கப்பட்ட கடன் ஸ்திரத்தன்மை தொடர்பான ஆய்வின் பிரகாரமே கடன்மறுசீரமைப்புச்செயன்முறை முன்னெடுக்கப்படும்.

இலக்குகள் அடையப்பட்டுள்ளன

சாதகமான மட்டத்தை அடைந்துள்ள நாணய மாற்று வீதம்! மத்திய வங்கி ஆளுநரின் அறிவிப்பு | Governor Central Bank Of Sri Lanka Nandalal

சர்வதேச நாணய நிதியத்தின் பெரும்பாகப்பொருளாதார செயற்திட்டத்தில் எதிர்வுகூறப்பட்டதை விடவும் மிக வேகமாக நாட்டின் பணவீக்கம் வீழ்ச்சியடைந்திருப்பதுடன், நாணயமாற்றுவீதமும் சாதகமான மட்டத்தை அடைந்திருக்கின்றது.

அதேபோன்று கடந்த மார்ச் மாதம் அடையப்படுமென எதிர்பார்க்கப்பட்ட சில பொருளாதார இலக்குகள் உரிய காலப்பகுதியில் அடையப்பட்டுள்ளன.

இவ்வாறானதொரு பின்னணியில் கடன் ஸ்திரத்தன்மையை மீளுறுதிப்படுத்துவதற்கு மேலும் சில இலக்குகளை அடைந்துகொள்ளவேண்டியிருக்கின்றது.

அதேபோன்று இலங்கை தொடர்பில் சர்வதேச நாணய நிதிய அதிகாரிகளின் முதலாவது மீளாய்வுச்செயன்முறை எதிர்வரும் செப்டெம்பர் மாதம் நடைபெறவுள்ள நிலையில், அதன்பின்னர் பொருளாதாரக் குறிகாட்டிகள் மற்றும் மறுசீரமைப்புக்கள் என்பன தொடர்பான நிபந்தனைகளில் சில மாற்றங்கள் மேற்கொள்ளப்படக்கூடும் என தெரிவித்துள்ளார்.

நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை