நாட்டு மக்களுக்கு வாக்குறுதியளித்து ஏமாற்றிய அரசாங்கம்! நாமல் விமர்சனம்

நாட்டு மக்களுக்கு 12 லட்சம் விலையில் விட்ஸ் கார் வழங்குவதாக வாக்குறுதியளித்த அரசாங்கம், தற்போது 20 கிலோ அரிசியை கட்டண முறையில் வழங்கும் நிலைக்குத் தள்ளப்பட்டுள்ளது என நாமல் ராஜபக்ச விமர்சித்துள்ளார்.

ஸ்ரீலங்கா பொதுஜன பெரமுனவின் தேசிய அமைப்பாளர் நாடாளுமன்ற உறுப்பினர் நாமல் ராஜபக்ச, பத்தரமுல்லை, நெலும் மாவத்தையில் உள்ள பொதுஜன பெரமுணவின் தலைமையகத்தில் கட்சியின் அமைப்பாளர்களுடான சந்திப்பொன்றில் மேற்கண்ட விமர்சனத்தை முன்வைத்துள்ளார்.

சுரேஸ் சலேவுக்கு திடீரென ஏற்பட்ட மாரடைப்பு - அடுத்த சில நாட்களில் வெளியாகவுள்ள புதிய மருத்துவ அறிக்கை

அரிசியில் தன்னிறைவு பெற்ற நாடு 

அரிசியில் தன்னிறைவு பெற்றிருந்த இந்த நாடு, கட்டண முறையில் 20 கிலோ அரிசியை வழங்கும் நிலைக்கு திசைகாட்டி அரசாங்கம் நாட்டு மக்களை தள்ளிவிட்டுள்ளது என்பதைச் சுட்டிக்காட்டிய அவர், மக்கள் எதிர்பார்த்த உண்மையான மாற்றம் இதுதானா என்றும் கேள்வி எழுப்பியுள்ளார்.

இதனைத்தொடர்ந்தும் அங்கு கருத்து வெளியிட்ட அவர்,

அரசர்களின் ஆட்சிக்காலத்திலும், மகிந்த ராஜபக்சவின் ஆட்சிக்காலத்திலும் நாடு அரிசியில் தன்னிறைவு பெற்றிருந்தது. நாம் அனைவரும் கடந்த காலத்தில் பல்வேறு தேர்தல்களைச் சந்தித்துள்ளோம். சிலவற்றில் நாம் வென்றிருக்கிறோம், சிலவற்றில் தோல்வியும் அடைந்திருக்கிறோம்.

மேலும், நாம் மீண்டும் ஒரு வலிமையான கட்சியாக நம்மைக் கட்டியெழுப்பி வருகிறோம். இன்று, இந்த நாட்டில் நாம் மக்கள் கவர்ச்சி அரசியலை காணவில்லை. இன்று, இந்த நாட்டின் அரசியல் என்பது வெறுப்பு, பழிவாங்குதல் மற்றும் ஒரு குழுவின் தேவைகளைப் பூர்த்தி செய்வதை அடிப்படையாகக் கொண்டது.

ஒரு கட்சியாக நாம் என்ன சவால்களைச் சந்தித்திருந்தாலும் சரி, ஒரு அரசியல்வாதியாக நீங்கள் என்ன சவால்களைச் சந்தித்திருந்தாலும் சரி, நாம் இந்த நாட்டு மக்களை எதிரிகளாகவோ பகைவர்களாகவோ பார்த்ததில்லை.

நாம் விடுதலைப் புலிகளை ஒரு எதிரியாகப் பார்த்தோம். தமிழ் மக்களை அல்ல. ஆனால்  இன்று ஆளும் அரசியல் கட்சி தனது எதிரிகளை எதிரிகளாகப் பார்க்கிறது.

இந்த அரசியல் கட்டமைப்பில் தான், நீங்களும் நானும் இந்த அடுத்தகட்ட அரசியல் சக்திக்குத் தயாராக வேண்டும். இன்று அரசாங்கத்திற்கு எதிராகப் பேசுபவர் யாரேனும் ஊழல்வாதி அல்லது திருடன் ஆகிறார்.

விவசாயிகளின் உரிமைகள்

விவசாயிகள் தங்கள் உரிமைகளுக்காக, நெல்லுக்கும் உரத்திற்கும் அதிக விலை கேட்டு வீதிகளில் இறங்கும்போது, ​​அந்த விவசாயிகள் திருடர்கள் ஆகிறார்கள். ஒரு தொழிற்சங்கம் தனது உரிமைகளுக்காக வீதிகளில் இறங்கினால், மிரட்டிப் பணம் பறிப்பவர்கள் மருத்துவர்களாகவோ வழக்கறிஞர்களாகவோ இருக்கலாம்.

அவர்கள் தங்கள் தொழில் கௌரவத்தைக் காக்க வந்தால், அவர்களும் திருடர்கள் ஆகிறார்கள். ஏனென்றால், இந்த நாட்டில் மாறுபட்ட கருத்துக்களைக் கொண்டிருப்பவர்களையோ அல்லது தனது சொந்தக் கருத்துக்கு எதிரான ஒரு அரசியல் சக்தியைப் பிரதிநிதித்துவப்படுத்துபவர்களையோ அரசாங்கம் எதிரிகளாக பார்க்கிறது.

எனவே, நம்மை எதிரிகளாகப் பார்க்கும் ஒரு அரசாங்கத்துடன் நாம் அரசியல் செய்ய வேண்டியிருக்கிறது. ஆகையால், நாம் அதைப் புரிந்துகொள்ள வேண்டும். ஆனால், சவால் எதுவாக இருந்தாலும், இந்த நாட்டு மக்களுக்காகக் குரல் கொடுக்கும் பொறுப்பு உங்களுக்கும் எனக்கும் இருக்கிறது.

இன்று, விவசாயிகள் பெரும் சிரமத்தில் உள்ளனர். ஒருபுறம், உரம் இல்லை; மறுபுறம், விலை இல்லை. மறுபுறம், நெல் அறுக்கும் மற்றும் அறுவடை காலத்தில் வெளிநாடுகளில் இருந்து காய்கறிகளையும் பழங்களையும் இறக்குமதி செய்யும் கொள்கையை அரசாங்கம் பின்பற்றி வருகிறது.

அதுமட்டுமல்ல, இன்று இந்த நாடு, இருபது கிலோ அரிசியை ஒரு கட்டண முறையாக வழங்கும் நிலைக்குத் தள்ளப்பட்டுள்ளது. முன்னதாக, இந்த தவணைக் கட்டண முறையில் 12 லட்சம் ரூபாவுக்கு விட்ஸ் கார் வழங்கப்படும் என்றும், இளைஞர்கள் ஜப்பானிய பைக் வாங்குவதற்காக ஒரு திட்டம் உருவாக்கப்பட்டும் என்றும் கூறப்பட்டது.

ஆனால் இப்போது, ​​இருபது கிலோ அரிசி ஒரு தவணைக்கட்டண முறையாக வழங்கப்படும். இதுவா நீங்கள் எதிர்பார்த்த மாற்றம்?

இலங்கையின் முக்கிய நகரங்களில் ஏற்படவுள்ள மாற்றம் - வெளியான அறிவிப்பு

எண்ணெய் விலையில் நிவாரணம்

தற்போதைய எண்ணெய் விலையில் மீனவர்களுக்கு நிவாரணம் கிடைக்கவில்லை என்றால், தற்போதைய எண்ணெய் விலையில் அவர்களால் தங்கள் வாழ்வாதாரத்தைத் தொடரவே முடியாது.

எதிர்காலத்தில், மக்கள், மீனவர்கள் மீன்பிடித் துறையிலிருந்து விலகிவிடுவார்கள். எனவே நாம் இத்தகைய பரிதாபகரமான பொருளாதாரச் சூழலில் வாழ்கிறோம்.

கடலுடன் வாழ்வா சாவா போராட்டத்தில் ஈடுபட்டு, நாம் பிடிக்கும் மீன்களை விற்க முடியாவிட்டால், அந்த மீன்களை விற்பதன் மூலம் கிடைக்கும் வருமானத்தில் ஏற்படும் செலவுகளை நம்மால் ஈடுசெய்ய முடியாவிட்டால், அத்தகைய சூழலில் மீனவ சமூகம் பெரும் சிரமத்தை எதிர்கொள்கிறது.

ஆகவே, அந்த மக்களுக்காகக் குரல் கொடுக்கவும், அவர்களுக்காக நிற்கவும் நமக்கு ஒரு பொறுப்பு இருக்கிறது என்று நான் நினைக்கிறேன்.

தொழில்துறைகளிலும்கூட, பல உள்ளூர் தொழில்கள் உள்ளன. சிறுதொழில்கள், மீன் வளர்ப்பு முதல் உப்புத் தொழில் வரை. இப்போது வெளிநாடுகளிலிருந்தும் உப்பு இறக்குமதி செய்யப்படுகிறது.

வெளிநாடுகளிலிருந்தும் உப்பு இறக்குமதி 

பல வருட வரலாற்றுக்குப் பிறகு, இப்போது அரசாங்கம் வெளிநாடுகளிலிருந்தும் உப்பு இறக்குமதி செய்யப்படும் ஒரு நிலைக்கு மாறியுள்ளது.

இந்த காலகட்டத்தில், உங்கள் பகுதியில் உள்ள தொழில்முனைவோர், தொழில் வல்லுநர்கள் மற்றும் இளைஞர்களுக்காக நீங்கள் குரல் கொடுக்க வேண்டிய பொறுப்பு உங்களுக்கு இருக்கிறது என்று நான் நினைக்கிறேன்.

அதற்காக சவால்கள் இருக்கும். இன்று இந்த நாட்டின் அரசாங்கத்தால் தேர்ந்தெடுக்கப்பட்ட மக்களுக்கு எதிராகச் சட்டம் செயல்படுத்தப்படுவதை நாம் காண்கிறோம். அவர்கள் தங்களின் சொந்த அரசியல் நோக்கங்களைப் பின்பற்ற முயற்சிக்கிறார்கள்.

அந்த இளைஞர்களின் அரசியல் என்ன? எங்கே? அவர்களைப் பற்றி நமக்குத் தெரியாது. ஆனால்இ ஊடகங்களும் சமூக ஊடகங்களும் தெரிவித்த படி முதல் பார்வையில் அந்த இளைஞர்களுக்கு அநீதி இழைக்கப்பட்டுள்ளது.

ஆனால் இறுதியில், அவர்கள்தான் கைது செய்யப்படுகிறார்கள். ஆக, அரசாங்கம் தனக்கு விருப்பமான இடத்தில், தனக்கு விருப்பமான முறையில் சட்டத்தை அமல்படுத்துகிறது. அந்த நேரத்தில் சட்டத்தை மீறிக்கொண்டிருந்த ஒருவர் இருந்தார்.

ஆகவே இப்போது சட்டத்தை மீறும் அந்த அதிகாரிகளும், அன்று சட்டத்தை மீறிய அந்த அதிகாரிகளும், அன்று சட்டத்தை மீறிய அதிகாரிகளுக்கு ஏற்பட்ட கதியையும், இன்று தங்களுக்கு ஏற்பட்டுள்ள கதியையும் புரிந்துகொண்டு செயல்பட்டால் அது சிறப்பாக இருக்கும்.

ஏனென்றால் இறுதியில், நாம் இந்த நாட்டின் மக்களுக்காக அரசியல் செய்கிறோம், நாம் அரசியல் கட்சிகளைப் பிரதிநிதித்துவப்படுத்துகிறோம். எனவே, அந்த மக்களுக்காகக் குரல் கொடுக்கும் பொறுப்பு உங்களுக்கும் எனக்கும் உள்ளது.

உளவுத்துறை அதிகாரிகள் கைது

ஒருபுறம், இந்த நாட்டில் உள்ள போர் வீரர்கள் வேட்டையாடப்படுகிறார்கள். உளவுத்துறை அதிகாரிகள் கைது செய்யப்படுகிறார்கள்.

இப்போது, ​​ஈஸ்டர் ஞாயிறு தாக்குதல்கள் தொடர்பான கோப்புகளை மூடிமறைத்தவர்களும், உளவுத்துறை அறிக்கைகளை மறைத்தவர்களும்தான், உளவுத்துறை அறிக்கைகளை வழங்கியவர்களுக்கு எதிராகச் சட்டத்தை அமல்படுத்துகிறார்கள்.

இப்போதுள்ள தவறு என்னவென்றால் அந்த உளவுத்துறை அறிக்கை வழங்கப்பட்டது தான். அந்த உளவுத்துறை அறிக்கை வழங்கப்படாமல் இருந்திருந்தால், எந்தப் பிரச்சினையும் இருந்திருக்காது. இப்போது, ​​அந்த அறிக்கையை வழங்கிய உளவுத்துறை தவறானது, மேலும் கோப்புகளை மூடிமறைத்த அதிகாரிகள் பதவி உயர்வு பெறுகிறார்கள்.

பயங்கரவாதிகளுக்காக, தீவிரவாதிகளுக்காகக் குரல் கொடுத்த வழக்கறிஞர்கள் பதவி உயர்வு பெறுகிறார்கள். அவர்கள் அரசாங்கப் பதவிகளைப் பெறுகிறார்கள். ஆனால் பயங்கரவாதிகள் பற்றிய தகவல்களை வழங்கிய பொதுமக்கள் சிறைக்குச் செல்கிறார்கள்.

ஆகவே, அரசாங்கம் இந்தப் பிரச்சினையை அரசியல்மயமாக்க முயற்சிக்கிறது என்பதும், நாட்டின் மக்களிடையே மீண்டும் பிளவை ஏற்படுத்த ஒரு திட்டம் தீட்டப்பட்டுள்ளது என்பதும் தெளிவாகிறது.

ஒரு கட்டத்தில் ஜனாதிபதி யாழ்ப்பாணத்திற்குச் சென்று, பௌத்த மக்கள் நாகதீபத்திற்கு வந்து விரதம் இருக்கக் கூடாது என்றும், அனுராதபுரத்திலேயே தங்கியிருக்க வேண்டும் என்றும் கூறினார்.

இது ஜனாதிபதி சொல்ல வேண்டிய ஒரு விஷயம். இது ஒரு ஜனாதிபதியால், குறிப்பாக நம் நாட்டில், சொல்லப்பட வேண்டிய ஒரு கூற்று அல்ல. ஆனால், ஜனாதிபதி அவ்வாறான கூற்றுகளை வெளியிடும் அளவிற்குத் தாழ்ந்த நிலைக்குச் சென்றுவிட்டார்.

ஆகவே அவர் தேர்தலின் போது முடிவில்லாத பொய்களைக் கூறினார். குறிப்பாக இளம் தலைமுறையினருக்கு நம்பிக்கை அளித்தார். பட்டதாரிகளுக்கு வேலைவாய்ப்புகளை வழங்குவதாக உறுதியளித்தார். கூறி அவர்களை வீடு வீடாக அனுப்பினார்.

விவசாயிகள் 150 ரூபாவுக்கு நெல்லை வாங்கலாம் என்று அவர்களுக்கு நம்பிக்கை அளித்தார். அவர் கிராமங்களுக்குச் சென்று மக்களுக்குப் பொய் கூறி விவசாயிகளை ஏமாற்றினார்.

புதிய வரி விதிப்பு முறை

புதிய தொழிற்சாலைகள் மூலம் வேலைவாய்ப்புகள் உருவாக்கப்படும் என்று கூறினார். ஆனால் தற்போதுள்ள தொழிற்சாலைகளும் மூடப்பட்டுவிட்டன.

தற்போதைய வரி விதிப்பு முறையில், கிராமங்களில் உள்ள செலவினங்களுடன் எந்தவொரு அரச அல்லது தனியார் தொழிற்சாலையும் இயங்குவது கடினம். ஆனால், இதற்கு ஓரளவு நியாயம் வழங்க அரசாங்கம் தலையிட வேண்டும்.

ஆக, அரசாங்கம் தலையிடாமலேயே மக்கள் முன்வந்து இந்தப் பிரச்சினைகளைப் பற்றிப் பேசும்போது, ​​அவர்களை அடக்க அரசாங்கம் இப்போது முயற்சிப்பதை நாம் காண்கிறோம்.

இந்த அரசாங்கத்தைப் பொறுத்தவர உளவு அறிக்கைகளைக் கொடுத்தவர் தவறு, வேலை செய்யாதவர் சரி. ஒழுங்கமைக்கப்பட்ட குற்றவாளிகள் சாட்சிகளாகிறார்கள், வழக்கறிஞர்கள் குற்றவாளிகளாகிறார்கள்.

தற்போதைய செயல்திட்டத்தின்படி, ஒழுங்கமைக்கப்பட்ட குற்றவாளிகள் சாட்சிகளாகவும், வழக்கறிஞர்கள் மற்றும் பிறர் குற்றவாளிகளாகவும் ஆகிறார்கள். ஆக, இந்த அரசாங்ம் பொதுமக்கள் மீது அடக்குமுறையை பிரயோகிக்க முயற்சிக்கிறார்கள்.

பத்திரிகையாளர்கள் உட்பட அனைவரையும் அடக்கும் அளவிற்கு அரசாங்கத்தின் செயல்திட்டம் செயல்படுத்தப்படுகிறது என்றும் நாமல் ராஜபக்ச எம்.பி. தொடர்ந்தும் குறிப்பிட்டுள்ளார்.

உயர் அதிகாரியின் இறுதிச்சடங்கிற்கு ஹரக் கட்டா செலவழித்த கோடிக்கணக்கான பணம் - சிக்கலில் அரசியல்வாதிகள்

இலங்கையின் முக்கிய நகரங்களில் ஏற்படவுள்ள மாற்றம் - வெளியான அறிவிப்பு