லங்காசிறி FM
லண்டனில் தொடரும் சோகம்! - 14 வயது சிறுமி பரிதாபமாக பலி
Murali
in ஐக்கிய இராச்சியம்
கிழக்கு லண்டன் நெடுஞ்சாலையில் மின்சார ஸ்கூட்டர் ஒன்றை ஓட்டிச் சென்ற 14 வயதான சிறுமி வான் ஒன்றுடன் மோதி உயிரிழந்துள்ளதாக பொலிஸார் தெரிவித்துள்ளனர். உள்ளூர் நேரப்படி இந்த விபத்து மதியம் 1.30 மணிக்கு இடம்பெற்றுள்ளதாக தெரிவிக்கப்பட்டுள்ளது.
நியூஹாமில் உள்ள கிரீன் வீதியில் (Green Street) சிறுமி மின்சார ஸ்கூட்டரில் சென்று கொண்டிருந்தபோது மினிவான் மோதியதாக சம்பவத்தை நேரில் பார்த்தவர்கள் தெரிவித்துள்ளனர்.
விபத்திற்கு சில நிமிடங்களுக்கு முன்பு குறித்த சிறுமி சாலையில் வேகமாக செல்வதை பார்த்த நேரில் பார்த்தவர்கள் தெரிவித்துள்ளனர்.
சம்பவத்தை நேரில் பார்த்த பெண் ஒருவர் கருத்து வெளியிடுகையில்,
“அவளிடம் ஒரு பையும் சில பொருட்களும் இருந்தன, அதனால் அவள் படிக்கப் போகிறாள் என்று நான் கருதினேன். அவள் சீருடையில் இல்லை. விபத்து இடம்பெற்றதும் சம்பவ இடத்திற்கு விரைவாக ஆம்புலன்ஸ் வண்டி வந்தது.
என்னால் அதிகமாக சொல்ல முடியாது. எனினும், அவர்களின் குடும்பத்திற்கு எனது அனுதாபத்தை தெரிவித்துக்கொள்கின்றேன்" என குறிப்பிட்டுள்ளார்.
இந்த விபத்தை அடுத்து குறித்த வீதி மூடப்பட்டதாக தெரிவிக்கப்பட்டுள்ளது. சிறுமிக்கு அந்த இடத்திலேயே சிகிச்கையளிக்கப்பட்ட போதும் அவர் உயிரிழந்துள்ளதாக தெரிவிக்கப்பட்டுள்ளது. வானின் சாரதி பொலிஸாரின் பொறுப்பில் இருக்கின்ற போதிலும் அவர் கைது செய்யப்படவில்லையென தெரிவிக்கப்பட்டுள்ளது.
இதேவேளை, கடந்த ஆண்டு லண்டனில் மின்சார ஸ்கூட்டர்களில் பயணித்த 100க்கும் மேற்பட்டவர்கள் விபத்து காரணமாக பலத்த காயங்களுக்கு உள்ளாகியுள்ளனர்.
லண்டனில் மின்சார ஸ்கூட்டர் ஓட்டிச் சென்ற 98 பேர் மோசமாக காயமடைந்துள்ளதாகவும் மூன்று பேர் கொல்லப்பட்டதாகவும் லண்டனுக்கான போக்குவரத்து துறை தெரிவித்துள்ளது.
லட்சுமி தேவிக்கு பிடித்த 5 ராசிகள்.., பணப்பெட்டியில் எப்போதும் பணம் நிரம்பி வழியுமாம்! News Lankasri
குட் பேட் அக்லி படத்திற்கு பின் அஜித் இதை தான் செய்ய போகிறார்.. ரசிகர்களுக்கு காத்திருக்கும் ஷாக் Cineulagam
இந்த ராசியினர் 2025 இல் அசுர வேகத்தில் பணக்காரர் ஆகப்போகின்றார்கள்... பாபா வங்காவின் கணிப்பு Manithan
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
