'13' இன் முழு அமுலாக்கம் மாகாண சபைத் தேர்தல்கள்- ஜெனிவா பிரேரணையில் வலியுறுத்தல்

இலங்கை தொடர்பாக ஜெனிவாவில் ஐ.நா. மனித உரிமைகள் அமைப்பின் 60ஆவது கூட்டத் தொடரில் நிறைவேற்றப்படவிருக்கும் பிரேரணையில் இலங்கையில் மாகாண சபைகளுக்கான தேர்தல்களை நடத்துவதன் மூலம் உள்ளூர் நிர்வாகத்தை மதிக்கவும், வடக்கு மற்றும் கிழக்கு மாகாண சபைகள் உட்பட அனைத்து மாகாண சபைகளும் இலங்கை அரசமைப்பின் 13 ஆவது திருத்தத்தின்படி திறம்படச் செயல்படுவதை உறுதி செய்யவும் இலங்கை அரசாங்கத்தை வலியுறுத்தி வேண்டும் வாசகங்கள் இடம்பெற்றுள்ளன.

இலங்கை விவகாரத்தைக் கையாளும் பிரதான அனுசரனை நாடுகளான பிரிட்டன், கனடா, மலாவி, மொன்டிநீக்ரோ, வடக்கு மெசிடோனியா ஆகிய நாடுகள் நேற்று இணங்கிய இலங்கை தொடர்பான நகல் பிரேரணையில் இவ்விடயங்கள் இடம்பெற்றிருந்தமை தெரியவந்துள்ளது.

விடுதலைப் புலிகளுக்கு அநுர செய்து கொடுத்த சத்தியம்! சபையில் கடும் சர்ச்சை

கடுமையான பொருளாதார நெருக்கடியின்

'இலங்கையில் மீள் நல்லிணக்கம், பொறுப்புக் கூறல் மற்றும் மனித உரிமைகளை மேம்படுத்துதல்' என்ற தலைப்பிலான இந்த நகல் பிரேரணை சம்பந்தப்பட்ட தரப்புக்களின் கலந்தாய்வுகளின் பின்னர் இறுதி செய்யப்படும் எனத் தெரிகின்றது.

இப்போதைய நகலில் இடம்பெற்றுள்ள முக்கிய அம்சங்களின் தொகுப்பு வருமாறு:- செப்டெம்பர் 2024, நவம்பர் 2024 மற்றும் மே 2025 ஆகிய மாதங்களில் முறையே ஜனாதிபதி, நாடாளுமன்ற மற்றும் உள்ளூராட்சி சபைத் தேர்தல்களை சுதந்திரமான மற்றும் வெளிப்படையான ஜனநாயக முறையில் நடத்தியமையை வரவேற்று -

இலங்கை அரசாங்கம் அரசியல் அதிகாரப் பகிர்வு குறித்த தனது உறுதிமொழிகளை நிறைவேற்ற வேண்டும் என்று கேட்டுக்கொள்வதோடு, இது நல்லிணக்கத்திற்கும் அதன் மக்கள்தொகையின் அனைத்து உறுப்பினர்களும் மனித உரிமைகளை முழுமையாக அனுபவிப்பதற்கும் முக்கியமானதாகும் என்பதையும் சுட்டிக்காட்டி - 

மேலும், மாகாண சபைகளுக்கான தேர்தல்களை நடத்துவதன் மூலம் உள்ளூர் நிர்வாகத்தை மதிக்கவும், வடக்கு மற்றும் கிழக்கு மாகாண சபைகள் உட்பட அனைத்து மாகாண சபைகளும் இலங்கை அரசமைப்பின் பதின்மூன்றாவது திருத்தத்தின்படி திறம்படச் செயல்படுவதை உறுதி செய்யவும் அரசாங்கத்தை ஊக்குவித்து வலியுறுத்தி -

கடுமையான பொருளாதார நெருக்கடியின் தாக்கங்களை நிவர்த்தி செய்வதற்கு இலங்கை அரசாங்கம் மேற்கொண்டு வரும் தொடர்ச்சியான முயற்சிகளை வரவேற்று, இராணுவமயமாக்கல், ஊழல், நிர்வாகத்தில் பொறுப்புக்கூறல் இல்லாமை மற்றும் மனித உரிமை மீறல்கள் மற்றும் துஷ்பிரயோகங்களுக்கு தண்டனை விலக்கு உள்ளிட்ட அந்த நெருக்கடிக்கு பங்களித்த அடிப்படை நிர்வாக காரணிகள் மற்றும் மூல காரணங்களை நிவர்த்தி செய்வதன் முக்கியத்துவத்தை அடிக்கோடிட்டுச் சுட்டிக்காட்டி -

இலங்கையில் அனைத்து தரப்பினராலும்

இலங்கையில் உள்ள அனைத்து தனிநபர்களும் மதம், நம்பிக்கை அல்லது இனத் தோற்றம் போன்ற எந்த வகையான வேறுபாடும் இல்லாமல் தங்கள் மனித உரிமைகளை முழுமையாக அனுபவிக்க உரிமை உண்டு என்பதையும், மனித உரிமைகளை அனுபவிப்பதற்கு அமைதியான மற்றும் ஒருங்கிணைந்த அமைப்பின்ன் முக்கியத்துவத்தையும் மீண்டும் உறுதிப்படுத்த வேண்டி -

பாலின அடிப்படையிலான வன்முறையை எதிர்த்துப் போராடுவதன் மூலம் பெண்கள் மற்றும் குழந்தைகளின் உரிமைகளை மேம்படுத்தி பாதுகாக்க வேண்டியதன் அவசியத்தை வலியுறுத்தி -

இலங்கையில் அனைத்து தரப்பினராலும், தமிழீழ விடுதலைப் புலிகளால் செய்யப்பட்ட துஷ்பிரயோகங்கள் உட்பட அனைத்து தரப்பினராலும் செய்யப்பட்ட அனைத்து மனித உரிமை மீறல்கள் மற்றும் துஷ்பிரயோகங்களுக்கும் ஒரு விரிவான பொறுப்புக்கூறல் செயல்முறையின் முக்கியத்துவத்தை வலியுறுத்தி -

பொருந்தக்கூடிய இடங்களில், மனித உரிமைகள் சட்டத்தின் மொத்த மீறல்கள் அல்லது சர்வதேச மனிதாபிமான சட்டத்தின் கடுமையான மீறல்களுக்குப் பொறுப்பானவர்களைத் தண்டிப்பது உட்பட, மனித உரிமைகள் சட்டம் மற்றும் சர்வதேச மனிதாபிமான சட்டத்தின் கீழ் தங்கள் தொடர்புடைய கடமைகளை நிறைவேற்றுவதற்கான நாடுகளின் பொறுப்பை நினைவுபடுத்துகின்றது.

மேலும், இது ஒரு ஊடாடும் உரையாடலில் விவாதிக்கப்படும் என்றும் நகல் பிரேரணையில் தெரிவிக்கப்பட்டுள்ளது.

முன்னாள் கடற்படைத் தளபதி நிஷாந்தவின் விளக்க மறியல் நீடிப்பு