எரிபொருள் விலை குறைய வாய்ப்பில்லை.. இன்று அரசாங்கம் எடுக்கவுள்ள தீர்மானம்

நாட்டில் எதிர்காலத்தில் செய்யப்படவுள்ள எரிபொருள் விலை திருத்தத்தில், எரிபொருள் விலைக் குறைப்பை எதிர்பார்க்க முடியாது என்று இலங்கை பெட்ரோலியக் கூட்டுத்தாபனத்தின் நிர்வாக பணிப்பாளர் மயூர நெத்திகுமரகே தெரிவித்துள்ளார்.

உலகச் சந்தையில் நிலவும் எரிபொருள் விலைகளின் அடிப்படையில், இத்தகைய சூழல் நிலவுவதாக அவர் குறிப்பிட்டுள்ளார். 

மார்ச் மற்றும் ஏப்ரல் மாதங்களுடன் ஒப்பிடுகையில் எரிபொருள் விலைகளில் சில குறைவுகள் காணப்பட்டாலும், மத்திய கிழக்கு போருக்கு முன்பு நிலவிய விலைகளை விட உலகச் சந்தையில் எரிபொருள் விலைகள் தொடர்ந்து அதிகமாகவே உள்ளன என்று அவர் சுட்டிக்காட்டியுள்ளார். 

கிளிநொச்சியில் பண்டிகை நாளில் நடந்த சம்பவம் - சோதனை சிக்கிய இளைஞர்..!

89,000 மெட்ரிக் தொன் 

இருப்பினும், உலகச் சந்தையில் இன்றைய (29) எரிபொருள் விலை பிற்பகலுக்குள் தீர்மானிக்கப்படும் என்றும், அதற்கேற்ப, அந்த நிலைமைகளைக் கருத்தில் கொண்டு நாட்டில் எரிபொருள் விலைகள் குறித்து ஒரு முடிவு எடுக்கப்படும் என்றும் அவர் கூறியுள்ளார். 

அது மாத்திரமன்றி, எரிபொருள் விலைகள் குறித்து இன்னும் முடிவு எடுக்கப்படவில்லை என்றும், விலை திருத்தத்திற்காக பல சுற்றுப் பேச்சுவார்த்தைகள் தொடங்கப்பட வேண்டும் என்றும் அவர் கூறியுள்ளார்.

எரிபொருள் விலைகளில் சிறிதளவு உயர்வு இருக்குமா அல்லது தற்போதைய விலையிலேயே விற்க முடிவு செய்யப்படுமா என்பது அந்தப் பேச்சுவார்த்தைகளின் போது தீர்மானிக்கப்படும் என்றும் அவர் மேலும் தெரிவித்துள்ளார்.

WTI வகை கச்சா எண்ணெய் கப்பல் ஒன்று நேற்று (28) நாட்டிற்கு வருகை தந்ததாகவும், அதில் 89,000 மெட்ரிக் தொன் கச்சா எண்ணெய் இருப்பதாகவும் அவர் மேலும் தெரிவித்துள்ளார். 

அத்துடன், முர்பான் வகை கச்சா எண்ணெய் கப்பல் ஒன்று 31ஆம் திகதிக்குள் மீண்டும் நாட்டிற்கு வரும் என்றும், அதில் 95,000 மெட்ரிக் தொன் கச்சா எண்ணெய் இருப்பதாகவும் அவர் கூறியுள்ளார். 

யாழில் பிறந்து 24 நாட்களேயான ஆண் குழந்தை உயிரிழப்பு!

அவுஸ்திரேலியாவில் இலங்கை விஞ்ஞானியின் அசாத்திய கண்டுபிடிப்பு - பார்வையற்றவர்களுக்கு மகிழ்ச்சித் தகவல்