லங்காசிறி FM
பிரான்ஸ் நாட்டு ஜனாதிபதி இலங்கைக்கு வரும் போது நாட்டில் இடம்பெற்ற அசம்பாவிதம்
ஜனநாயக போராட்டம் முன்னெடுக்கப்பட்ட பாரியதொரு நாடாகவே பிரான்ஸ் வரலாற்றில் பார்க்கப்படுகிறது. அப்படியானதொரு நாட்டிலிருந்து ஜனாதிபதி எமதுநாட்டுக்கு வரும் போது எமது ஊடகவியலாளர் ஒருவரை தாக்கி பலவந்தமாக பொலிஸார் கைது செய்தனர் என நாடாளுமன்ற உறுப்பினர் முஜிபுர் ரஹ்மான் தெரிவித்துள்ளார்.
கொழும்பில் இடம்பெற்ற ஊடகவியலாளர் சந்திப்பில் கலந்து கொண்டு கருத்து வெளியிடும்போதே அவர் மேற்கண்டவாறு குறிப்பிட்டுள்ளார்.
தொடர்ந்தும் தெரிவிக்கையில்,
அண்மையில் பிரான்ஸ் நாட்டு ஜனாதிபதி நாட்டுக்கு வருகை தந்தார். இதன்போது அவர் ஜனநாயக உரிமை மற்றும் மக்களுடைய உரிமைக்கு முன்னுரிமை வழங்க வேண்டும் என கூறினார்.
மக்களின் போராட்டங்களுக்கு செவி சாய்க்கவில்லை
ஜனநாயக போராட்டம் முன்னெடுக்கப்பட்ட பாரியதொரு நாடாகவே பிரான்ஸ் வரலாற்றில் பார்க்கப்படுகிறது. அப்படியானதொரு நாட்டிலிருந்து ஜனாதிபதி எமதுநாட்டுக்கு வரும் போது எமது ஊடகவியலாளர் ஒருவரை தாக்கி பலவந்தமாக பொலிஸார் கைது செய்தனர்.
இதேவேளை ஜப்பான் நாட்டின் வெளிவிவகார அமைச்சர் நாட்டுக்கு வருகை தந்திருந்தார். நாட்டின் பொருளாதார வேலைத்திட்டங்கள் மற்றும் அதனுடன் தொடர்புடைய அனைத்து நடவடிக்கைகளும் மக்களுக்கு தெளிவுப்படுத்தப்பட்டு அவர்களின் பூரணமான ஆதரவுடன் இடம்பெற வேண்டும் என வலியுறுத்தினார். ஆனால் அரசாங்கம் அவ்வாறு செயற்படவில்லை.
நாட்டு மக்களின் உரிமைகளுக்கு முன்னுரிமை வழங்கவில்லை, தேர்தலை பிற்போட்டுள்ளனர். மக்களின் போராட்டங்களுக்கு செவி சாய்க்காமல் செயற்படுகின்றனர்.
அதை அடக்கி, ஒடுக்குவதற்கு முயற்சிக்கின்றனர், தேர்தல் ஆணைக்குழுவில் உள்ள உறுப்பினர்களை நாடாளுமன்றத்துக்கு அழைத்து அது தொடர்பில் விசாரணைகளை மேற்கொள்வதற்கு முயற்சிக்கிறார்கள், இவற்றையெல்லாம் பார்க்கும் போது முற்றிலும் ஜனநாயகத்திற்கு விரோதமான செயற்பாடுகளை அரசாங்கம் தொடர்ச்சியாக முன்னெடுத்துள்ளது என குறிப்பிட்டார.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
புலோலி மேற்கு, Melbourne, Australia, Blackburn, Australia
06 Jul, 2025
புங்குடுதீவு 7ம் வட்டாரம், London, United Kingdom
30 Jun, 2012
