லங்காசிறி FM
உலகக்கோப்பை கால்பந்து வரலாற்றில் ஜப்பான் அணிக்கு கிடைத்த முதல் வெற்றி!
Jenitha
in விளையாட்டு
உலகக்கோப்பை கால்பந்து தொடரில் பலம் வாய்ந்த ஜெர்மனி அணியை 2-1 என்ற கோல் கணக்கில் ஜப்பான் அணி வீழ்த்தி வரலாற்று சாதனை படைத்துள்ளது.
FIFA கால்பந்து உலகக்கோப்பை தொடரின் குழு E பிரிவில் உள்ள ஜெர்மனி மற்றும் ஜப்பான் அணிகளுக்கு இடையிலான போட்டி இன்று நடைபெற்றது.
ஜெர்மனி அணி
நான்கு முறை உலகக் கோப்பையை கைப்பற்றி வலுவான அணியாக வலம் வரும் ஜெர்மனி அணி, இன்றைய ஆட்டத்தின் முதல் பாதியில் ஆதிக்கம் செலுத்தியது.
இருந்தும் 33வது நிமிடத்தில் ஜெர்மனி அணிக்கு பெனால்டி வாய்ப்பு கிடைத்தது. இந்த கோலை இல்கே குண்டோகன் பதிவு செய்தார்.
அந்த பெனால்டி வாய்ப்பில் ஜெர்மனி அணியின் கன்டோகன் ஆட்டத்தின் முதல் கோலை அடித்து அசத்தினார்.
இதன்மூலம் ஜெர்மனி அணி 1-0 என்ற கோல் கணக்கில் முன்னிலை பெற்றது. தொடர்ந்து முதல் பாதி ஆட்டத்தில் வேறு எந்த கோலும் அடிக்கப்படவில்லை. இதனால் முன்னிலையுடன் ஜெர்மனி முதல் பாதியை முடித்தது.
இதனால் ஆட்டம் ஜெர்மனிக்கே சாதகமாக இருந்தது. ஆனால் இறுதிக்கட்டத்தை நெருங்கும்போது போட்டி ஜப்பானுக்கு சாதகமாக திரும்பியது.
ஜப்பான் அணியின் பதிலடி
75வது நிமிடத்தில் மாற்று வீரராக களமிறங்கிய ரிட்ஸு முதல் கோலை அடித்து அசத்தினார். இதன் மூலம் ஆட்டம் 1-1 என்ற கோல் கணக்கில் சமநிலை ஏற்பட்டது.
அதன்பின் 83வது நிமிடத்தில் டகுமா அசோனோ கோல் அடிக்க ஜப்பான் அணியின் வெற்றி கிட்டத்தட்ட உறுதி ஆனது. எனினும், சமன் செய்யும் முயற்சியில் ஜெர்மனி வீரர்கள் விளையாடினர்.
இந்நிலையில் கடைசி வரை கோல் அடிக்க முடியவில்லை. இறுதியில் ஜப்பான் அணி 2-1 என வரலாற்று வெற்றியை பதிவு செய்தது.
இதன் பின்னர் ஜெர்மனி அணியினால் கோல் அடிக்க முடியவில்லை. இறுதியாக ஜப்பான் அணி 2-1 என்ற கோல் கணக்கில் வெற்றிபெற்றது.
2014ம் ஆண்டு சாம்பியன் அணியான ஜெர்மனியை ஆசிய அணிகளில் ஒன்றான ஜப்பான் அணி வீழ்த்தியுள்ளமை ரசிகர்களிடையே ஆச்சரியத்தை ஏற்படுத்தியுள்ளது.
ஏற்கனவே அர்ஜென்டினா அணியை சவுதி அரேபியா வீழ்த்தியமையும் குறிப்பிடத்தக்கது.
அதுமட்டுமல்லாமல் உலகக்கோப்பை கால்பந்து வரலாற்றில் ஜப்பான் அணிக்கு கிடைத்த முதல் வெற்றி இதுவென்பதும் குறிப்பிடத்தக்கது.
