உச்சநீதிமன்ற - மேன்முறையீட்டு நீதிமன்ற நீதியரசர்களின் ஓய்வு வயதை நீடிக்கும் முடிவில் அரசாங்கம் தீவிரம்

பல்வேறு தரப்புகளின் பலத்த எதிர்ப்புகளுக்கு மத்தியிலும், உச்ச நீதிமன்றம் மற்றும் மேல்முறையீட்டு நீதிமன்ற நீதிபதிகளின் ஓய்வு வயதை இரண்டு ஆண்டுகளுக்கு நீடிக்க அரசாங்கம் தீவிர கரிசனை கொண்டுள்ளது.

உச்ச நீதிமன்றம் மற்றும் மேல்முறையீட்டு நீதிமன்ற நீதிபதிகளின் ஓய்வு வயதை மேலும் இரண்டு ஆண்டுகளுக்கு நீட்டிப்பது குறித்து அரசு தொடர்ந்து பரிசீலித்து வருவதாக வாரஇறுதி ஆங்கில ஊடகமொன்று செய்தி வெளியிட்டுள்ளது.

சுப்பிரமணியன் நாயை உதைத்து துன்புறுத்திய சந்தேக நபருக்கு பிணை..!

ஓய்வு வயது

அனுபவம் வாய்ந்த நீதிபதிகள் நீண்ட காலம் பணியில் நீடிப்பதை உறுதி செய்வதற்காகவே அரசு இந்த நடவடிக்கையை எடுத்துள்ளதாக அந்த செய்தியில் தொடர்ந்தும் தெரிவிக்கப்பட்டுள்ளது.

இருப்பினும், நீதித்துறையில் அரசாங்கம் செல்வாக்கு செலுத்த முயற்சிப்பதாக எதிர்க்கட்சிகளும் சர்வதேச சட்ட அமைப்புகளும் குற்றம் சாட்டியுள்ள நிலையில் இந்த முடிவு எடுக்கப்பட்டுள்ளது.

நீதித்துறையிலுள்ள காலி இடங்களை நிரப்புவதற்காக அரசாங்கம் முன்மொழிந்துள்ள கீழிருந்து மேல் நோக்கிய (bottom-up)அணுகுமுறையின் பிரகாரம், கீழ் நீதிமன்றங்களில் உள்ள காலி இடங்களை நிரப்ப 50 புதிய மாஜிஸ்திரேட் நீதவான்களும் நியமிக்கப்பட உள்ளதாக தெரியவந்துள்ளது.

இந்த முன்மொழிவின்படி, தற்போது 65 வயதாக உள்ள உச்ச நீதிமன்ற நீதியரசர்களின் ஓய்வு வயது 67 ஆகவும், தற்போது 63 ஆக உள்ள மேல்முறையீட்டு நீதிமன்ற நீதியரசர்களின் ஓய்வு வயது 65 ஆகவும் நீட்டிக்கப்பட உள்ளது.

அரசாங்கம் தீவிரம்

தற்போதைய நிலவரப்படி உயர் நீதிமன்ற நீதிபதிகள் 61 வயதிலும், மாவட்ட நீதிபதிகள் மற்றும் மாஜிஸ்திரேட்டுகள் 60 வயதிலும் ஓய்வு பெறுகின்றனர்.

'மேல்முறையீட்டு நீதிமன்றம் மற்றும் உயர் நீதிமன்றங்களில் மிகவும் அனுபவம் வாய்ந்த பல நீதிபதிகள் உள்ளனர்.

அவர்கள் உயர் நீதிமன்றங்களுக்குப் பதவி உயர்வு பெறத் தகுதி பெறும்போது, ​​ஓய்வு பெறும் வயதை அடைந்துவிட்டதாலோ அல்லது ஓய்வு பெறும் தருவாயில் இருப்பதாலோ உயர் நீதிமன்றங்களில் பணியாற்றும் வாய்ப்பை இழக்கின்றனர்.

முன்மொழியப்பட்ட திருத்தங்களின் மூலம், அவர்கள் குறைந்தபட்சம் இரண்டு முதல் மூன்று ஆண்டுகள் வரை உயர் நீதிமன்றங்களில் பணியாற்றும் வாய்ப்பைப் பெறுவார்கள்.

ஹரக் கட்டாவின் மனைவியிடம் லஞ்சம் பெற்ற விவகாரம்! புதல்வரைக் காப்பாற்ற விஜயதாச ராஜபக்ச செய்த செயல்

நீதிமன்ற நீதியரசர்கள்

தொழில்முறை நீதித்துறை அதிகாரிகளாக அவர்களின் அனுபவம் ஒட்டுமொத்த அமைப்புக்கும் பெரும் பயனை அளிக்கும். அதற்காகவே இந்த வயது நீடிப்பு வழங்கப்படுகின்றது.'' என்று அரசாங்க தரப்பில் கூறப்படுகின்றது.

கீழ் நீதிமன்றங்களில் உள்ள காலி இடங்களை முதலில் நிரப்ப 50 புதிய மாஜிஸ்திரேட்டுகள் நியமிக்கப்படுவார்கள் என்றும், அதன் பிறகு உயர் நீதிமன்றங்களில் உள்ள காலி இடங்கள் நிரப்பப்படும் என்றும் அந்த வட்டாரங்கள் தெரிவித்தன.

தற்போது, ​​உச்ச நீதிமன்றம் மற்றும் மேல்முறையீட்டு நீதிமன்றம் ஆகியவற்றில் தலா நான்கு காலி இடங்கள் உள்ளன.

இருப்பினும், இலங்கை சட்டத்தரணிகள் சங்கம், பொதுநலவாய சட்டத்தரணிகள் சங்கம் மற்றும் ஆசியா பசிபிக் சட்டத்தரணிகள் சங்கம் உள்ளிட்ட பல அமைப்புகள், உயர் நீதிமன்ற நீதிபதிகளின் ஓய்வு பெறும் வயதை உயர்த்துவதைத் தவிர்க்குமாறு அரசாங்கத்தை வலியுறுத்தியுள்ளன.

நாடாளுமன்ற உறுப்பினர்கள் உட்பட பல அதிகாரிகள் அதிரடி கைது! ஈராக் அரசியலில் பெரும் பரபரப்பு